تٷركييادا جانتٷرشٸگەرلٸك كٶلٸك اپاتىنا ۇشىراعان 7 قازاقستاندىقتىڭ ٷشەۋٸ ەلگە امان-ەسەن جەتتٸ, دەپ حابارلايدى قازاقپارات تٸلشٸسٸ.
اپات كەزٸندە ۆاديم, باتىرحان, ديليارا جەڭٸل جاراقات العان. تالدىقورعان قالاسى ەكٸمدٸگٸ باسپاسٶز قىزمەتٸنٸڭ مەلٸمەتٸنشە, جاستار قازٸر الماتى قالاسىندا. تيٸستٸ ەمدەرٸن الۋدا. ال, نۇرسۇلتان, الماگٷل, اسىل جەنە ايدىن ەسٸمدٸ جاستار ەلٸ دە تٶسەك تارتىپ جاتىر. قازٸر ولاردى ەلگە جەتكٸزۋدٸڭ قامى جاسالۋدا.
«بەرٸ ٶرٸمدەي جاستار. 1992 جىلى تۋعان مەنٸڭ باۋىرىم نۇرسۇلتان سوناۋ مەكتەپ كەزٸنەن الماگٷلمەن جٷرەتٸن. وسى جاقىندا عانا, 9 قىركٷيەكتە تويىن ٶتكٸزگەنبٸز. سوندا دوستارى تٷركيياعا جولداما سىيلاعان ەدٸ. بال ايىنىڭ سوڭى وسىنداي بولادى دەپ ويلاماپپىز, ەيتپەسە جٸبەرمەس ەدٸك قوي», - دەيدٸ تالدىقورعان قالاسىنىڭ تۇرعىنى ەلزيرا.
وسى وقيعاعا بايلانىستى تالدىقورعان قالاسىنىڭ ەكٸمدٸگٸ اپاتقا تٷسكەن جاستاردىڭ اتا-انالارىمەن, تۋعان-تۋىستارىمەن حابارلاسىپ, قانداي كٶمەككە مۇقتاج ەكەندەرٸن سۇرادى. اتا-انانىڭ ەلگە بالالارى امان-ەسەن جەتسە, مەديتسينالىق تۇرعىدا كٶمەك كٶرسەتٸلسە دەيدٸ. وسىعان بايلانىستى قالا ەكٸمٸنٸڭ ورىنباسارى وبلىستىق دەنساۋلىق ساقتاۋ باسقارماسىنىڭ باسشىسىمەن اقىلداسىپ, اپاتقا تٷسكەن جاستاردى كٷتٸپ الۋ ٷشٸن بار جاعدايدى قاراستىرىپ جاتىر. قاجەت بولعان جاعدايدا تالدىقورعاندىق جاستاردى الماتىنىڭ نەمەسە استانانىڭ اۋرۋحانالارىنا جاتقىزۋعا دا جەردەم كٶرسەتٸلمەك.
ەستەرٸڭٸزگە سالا كەتەيٸك, 21-قىركٷيەكتە تٷركييانىڭ كەمەر قالاسى ماڭىندا بولعان جول اپاتى سالدارىنان 7 قازاقستاندىق اۋرۋحاناعا تٷسكەن ەدٸ. دەر كەزٸندە كٶرسەتٸلگەن مەديتسينالىق كٶمەك پەن حيرۋرگييالىق وتا جاستاردىڭ جانىن ساقتاپ قالدى.
قر سٸم باسپاسٶز قىزمەتٸنٸڭ باسشىسى ەنۋار جايناقوۆ تٷركييادا كٶلٸك اپاتىنا ۇشىراعان قازاقستاندىق جاستاردى ەلگە ەكەلۋ مەسەلەسٸ قاراستىرىلىپ جاتقاندىعىن حابارلاعان بولاتىن.
