تٷركيياداعى پرەميۋم قوناق ٷيلەر 2023 جىلدىڭ جازعى ماۋسىمىندا باعانى قىمباتتاتادى. بۇل تۋرالى تٷركيياداعى قوناق ٷي يەلەرٸ مەلٸمدەدٸ, دەپ حابارلايدى Sputnik قازاقستان.
"بەس جۇلدىزدى" سەگمەنتتەگٸ تٷرٸك قوناقٷيلەرٸندە دەمالۋ باعاسى 2022 جىلدىڭ جازىنداعى باعامەن سالىستىرعاندا 30-50%-كە ٶسۋٸ مٷمكٸن دەپ بولجانىپ وتىر.
"باعا سٶزسٸز ٶسەدٸ. قوناق ٷي سەكتورىنداعى شىعىندار ٶستٸ, بۇل تٷركيياداعى ٶمٸردٸڭ بارلىق باسقا سالالارىنا دا قاتىستى. قىزاناقتان باستاپ ەلەكتر قۋاتىنا دەيٸن بارلىعى قىمباتتادى", - دەدٸ Seven Seas Gravel Select قوناق ٷيٸنٸڭ ساتۋ جٶنٸندەگٸ مەنەدجەرٸ گيۋناي شابان.
ونىڭ ايتۋىنشا, بەس جۇلدىزدى سەگمەنتتەگٸ كەيبٸر وتەلەرلەر جازعى ماۋسىمدا باعانى 50%-كە كٶتەرۋگە مەجبٷر بولادى.
Kilit Hospitality Group ٶكٸلٸ گٷزەل قيياق تٷركيياداعى جوعارى ساناتتى قوناقٷيلەردەگٸ دەمالىس باعاسى كەلەسٸ جازدا 35-50 پايىزعا ارتادى دەپ ەسەپتەيدٸ. كٷز بەن قىستا ەرتە برونداۋ كەزٸندە تۇرۋعا جەڭٸلدٸكتەر 30%-كە دەيٸن جەتەدٸ. وسىعان قاراماستان تۋريستەردٸڭ جازعى ماۋسىمعا بيلەتتەردٸ ساتىپ الۋ بەلسەندٸلٸگٸ تٶمەن.
گيۋزەل كىيياك سونىمەن قاتار بٸرنەشە جىل بويى جىل سايىن تٷركييادا دەمالۋ باعاسىنىڭ ٶسٸپ جاتقانىن ايتتى, دەپ جازادى رف تۋروپەراتورلار قاۋىمداستىعى.
"جىل سايىن تۋريستەردٸڭ بۇل جاعدايعا قاتىستى رەاكتسيياسى بٸردەي. ولار دەمالىس ۋاقىتىن قىسقارتادى نەمەسە بيۋدجەتتٸك قوناقٷيلەرگە اۋىسادى. بٸراق ساياحاتتان جاپپاي باس تارتۋ ەشقاشان بولمايدى", - دەپ تٷسٸندٸردٸ ول.
ايتا كەتەيٸك, 2023 جىلدىڭ 1 قاڭتارىنان باستاپ تٷركييادا "ورنالاسۋ سالىعىن" ەنگٸزۋ تۋرالى زاڭ كٷشٸنە ەنەدٸ دە, قوناقٷيلەر اۋماعىندا وندا ورنالاسۋمەن بٸرگە كٶرسەتٸلەتٸن بارلىق قىزمەتتەردەن 2% مٶلشەرٸندە الىم الىنادى.
