فوتو: aa.com.tr
تٷركييانىڭ وڭتٷستٸك-شىعىسىنداعى حاتاي پروۆينتسيياسىندا جويقىن جەر سٸلكٸنٸسٸنەن 248 ساعات ٶتكەن سوڭ 17 جاستاعى قىز قۇتقارىلدى, دەپ حابارلايدى Azattyq Ruhy سايتى Anadolu اگەنتتٸگٸنە سٸلتەمە جاساپ.
الەينا ولمەز كاحرامانماراش قالاسىنداعى كاياباشى اۋدانىنداعى تۇرعىن ٷي قيراندىلارىنىڭ استىندا 11 كٷن بويى جاتقان.
«العاشقى كٶمەك كٶرسەتكەننەن كەيٸن دەرٸگەرلەر ونى اۋرۋحاناعا جٸبەردٸ», - دەلٸنگەن حابارلامادا.
اپات ايماعىندا ٸزدەۋ-قۇتقارۋ جۇمىستارى 11 كٷننەن بەرٸ جالعاسىپ جاتىر.
ەپيتسەنترٸ تٷركييانىڭ وڭتٷستٸك-شىعىسىندا بولعان جويقىن جەر سٸلكٸنٸسٸنەن قازا تاپقاندار سانى 36,1 مىڭنان استى.
ايتا كەتەيٸك, قازاقستان تٷركيياعا تاعى 55 توننا گۋمانيتارلىق كٶمەك جٸبەردٸ. قر ٷكٸمەتٸ اپات بولعان العاشقى كٷنٸ-اق تٷركييا رەسپۋبليكاسىنا قوسىمشا گۋمانيتارلىق كٶمەك جٶنەلتكەن بولاتىن. سونداي-اق مەملەكەت باسشىسى شۇعىل جەردەم رەتٸندە 1 ميلليون دوللار بٶلٸنەتٸنٸن حابارلادى. بۇدان بٶلەك, قازٸر زٸلزالا بولعان ايماقتا قازاقستاندىق قۇتقارۋشىلار دا ادامداردى ٸزدەستٸرۋ جۇمىستارىن جٷرگٸزٸپ جاتىر. ال قازاقستاندىق ەرٸكتٸلەر كاحرامانماراش قالاسىندا 100 كيٸز ٷي تٸگٸپ جاتىر.
