Foto: aa.com.tr
Túrkiianyń ońtústik-shyǵysyndaǵy Hatai provintsiiasynda joiqyn jer silkinisinen 248 saǵat ótken soń 17 jastaǵy qyz qutqaryldy, dep habarlaidy Azattyq Ruhy saity Anadolu agenttigine silteme jasap.
Aleina Olmez Kahramanmarash qalasyndaǵy Kaiabashy aýdanyndaǵy turǵyn úi qirandylarynyń astynda 11 kún boiy jatqan.
«Alǵashqy kómek kórsetkennen keiin dárigerler ony aýrýhanaǵa jiberdi», - delingen habarlamada.
Apat aimaǵynda izdeý-qutqarý jumystary 11 kúnnen beri jalǵasyp jatyr.
Epitsentri Túrkiianyń ońtústik-shyǵysynda bolǵan joiqyn jer silkinisinen qaza tapqandar sany 36,1 myńnan asty.
Aita keteiik, Qazaqstan Túrkiiaǵa taǵy 55 tonna gýmanitarlyq kómek jiberdi. QR Úkimeti apat bolǵan alǵashqy kúni-aq Túrkiia Respýblikasyna qosymsha gýmanitarlyq kómek jóneltken bolatyn. Sondai-aq Memleket basshysy shuǵyl járdem retinde 1 million dollar bólinetinin habarlady. Budan bólek, qazir zilzala bolǵan aimaqta qazaqstandyq qutqarýshylar da adamdardy izdestirý jumystaryn júrgizip jatyr. Al qazaqstandyq eriktiler Kahramanmarash qalasynda 100 kiiz úi tigip jatyr.
