انكارا پروكۋراتۋراسى قىرعىزستانداعى "ساپات" بٸلٸم بەرۋ مەكەمەلەرٸنٸڭ نەگٸزٸن قالاۋشى ورحان يناندىنى 15 جىلدان 22,5 جىلعا دەيٸن باس بوستاندىعىنان ايىرۋدى سۇرادى. بۇل تۋرالى "انادولۋ" اقپارات اگەنتتٸگٸ حابارلادى.
باسىلىم مەلٸمەتٸ بويىنشا, يناندى "قارۋلى تەررورلىق ۇيىم باسقارۋعا" ايىپتالىپ, پروكۋراتۋرا ايىپتاۋ قورىتىندىسىن سوتقا تاپسىرعان.
يناندى كٶپ جىلدان بەرٸ قىرعىزستاندا تۇرىپ, 2012 جىلى ازاماتتىق العان. ول بيىل 1 ماۋسىمدا بٸشكەكتە جوعالىپ كەتكەن. 5 شٸلدەدە تٷركييا پرەزيدەنتٸ رەجەپ تايىپ ەردوعان ارنايى قىزمەت ٶكٸلدەرٸنٸڭ ونى انكاراعا الىپ كەلگەنٸن مويىندادى.
قىرعىزستان پرەزيدەنتٸ سادىر جاپاروۆ ورحان يناندىنى قايتارۋدى انكارادان تالاپ ەتەتٸنٸن مەلٸمدەگەن. ال قىرعىزستان ۇلتتىق قاۋٸپسٸزدٸك كوميتەتٸنٸڭ تٶراعاسى كامچىبەك تاشيەۆ ورحان يناندى قىرعىز ازاماتتىعىن العان كەزدە, تٷرٸك ازاماتتىعىنان باس تارتپاعانىن جەتكٸزگەن.
