تٷركييا رەسپۋبليكاسىنىڭ سىرتقى ٸستەر مينيسترٸ مەۆليۋت چاۆۋشوگلۋدىڭ شاقىرۋىمەن قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ رەسمي ساپارمەن انكاراعا كەلدٸ. بۇل تۋرالى قر سٸم حابارلادى.
ساپار بارىسىندا م.تٸلەۋبەردٸنٸ تٷركييا پرەزيدەنتٸ رەجەپ تايىپ ەردوعان قابىلدادى. مينيستر قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ اعىمداعى جىلعى 31 ناۋرىزدا تٷركٸستان قالاسىندا ٶتەتٸن تٷركٸتٸلدەس مەملەكەتتەر ىنتىماقتاستىعى كەڭەسٸنٸڭ بەيرەسمي سامميتٸنە شاقىرۋدى تاپسىردى. سونداي-اق, تٷركييا باسشىسىنا قازاقستان پرەزيدەنتٸ قاسىم-جومارت توقاەۆتىڭ جەكە جولداۋى تابىس ەتٸلدٸ.
انكاراعا ساپارى اياسىندا ەكٸ ەلدٸڭ سىرتقى ساياسي ۆەدومستۆولارى باسشىلارىنىڭ تٶراعالىعىمەن بٸرلەسكەن ستراتەگييالىق جوسپارلاۋ توبىنىڭ 6-شى وتىرىسى ٶتتٸ. ٸس-شارا بارىسىندا تاراپتار ەكٸجاقتى قارىم-قاتىناستاردىڭ كٷن تەرتٸبٸندەگٸ باسىم مەسەلەلەردٸ تالقىلادى. اتاپ ايتقاندا, تاراپتار ساياسي, ساۋدا-ەكونوميكالىق, كٶلٸك-لوگيستيكالىق جەنە مەدەني-گۋمانيتارلىق ىنتىماقتاستىقتى ودان ەرٸ دامىتۋ جولدارىن قاراستىردى.
م.تٸلەۋبەردٸ ٶز سٶزٸندە تٷركييا ەۋرازييا قۇرلىعىنداعى قازاقستاننىڭ ماڭىزدى, ستراتەگييالىق جەنە سەنٸمدٸ سەرٸكتەسٸ بولىپ تابىلاتىنىن اتاپ ٶتتٸ. «قازاقستان مەن تٷركييا اراسىنداعى ەكٸجاقتى ىنتىماقتاستىقتىڭ تۇراقتى جوعارى دەڭگەيٸن قاناعاتتانۋشىلىقپەن اتاپ ٶتەمٸز. باۋىرلاس حالىقتارىمىزدىڭ اراسىنداعى مىزعىماس دوستىق پەن جوعارى دەڭگەيدەگٸ ساياسي ديالوگ بٸزدٸڭ ٶزارا تيٸمدٸ ستراتەگييالىق ەرٸپتەستٸگٸمٸزدٸ تەرەڭدەتۋگە تولىق مٷمكٸندٸك بەرەدٸ», - دەدٸ قازاقستان سٸم باسشىسى.
م.چاۆۋشوگلۋ, ٶز كەزەگٸندە, قازاقستان-تٷركييا ىنتىماقتاستىعىنىڭ بەرٸك نەگٸزٸ مىقتى ەكونوميكالىق بايلانىستار بولىپ تابىلاتىنىن جەنە ولاردى قولدا بار بارلىق ەلەۋەتتٸ پايدالانىپ, نىعايتۋ قاجەت ەكەنٸن اتاپ ٶتتٸ. سونداي-اق, تٷرٸك مينيسترٸ قازاقستان «بارلىق تٷرٸكتەردٸڭ تاريحي وتانى» ەكەنٸن جەنە تٷركييا بٸزدٸڭ حالىقتارىمىزدىڭ اراسىنداعى رۋحاني بايلانىستارعا ٷلكەن مەن بەرەتٸنٸن اتاپ ٶتتٸ.
تاراپتار قازاقستان مەن تٷركييا اراسىنداعى ىنتىماقتاستىقتىڭ دامۋ قارقىنىنا تەرەڭ قاناعاتتانۋشىلىق بٸلدٸرٸپ, ەكٸجاقتى جەنە كٶپجاقتى فورماتتاعى ەرٸپتەستٸكتٸ ودان ەرٸ نىعايتۋعا ٶزارا ۇمتىلىستى اتاپ ٶتتٸ. نۇر-سۇلتان مەن انكارانىڭ ٶڭٸرلٸك جەنە جاھاندىق ساياساتتاعى رٶلٸ, سونداي-اق تٷركٸ ەلەمٸندەگٸ ەكٸ ەلدٸڭ بەدەلٸ ارتا تٷسكەنٸ اتاپ ٶتٸلدٸ.
بيىل ەلٸمٸز تەۋەلسٸزدٸكتٸڭ 30 جىلدىعىن اتاپ ٶتۋدە جەنە تٷركييا حالىقارالىق ارەنادا بٸزدٸڭ تەۋەلسٸزدٸگٸمٸزدٸ العاشقىلاردىڭ بٸرٸ بولىپ تانىدى. كەلەسٸ جىلى قازاقستان مەن تٷركييا ديپلوماتييالىق قاتىناستاردىڭ ورناعانىنا 30 جىل تولۋىن اتاپ ٶتەدٸ. وسى جىلدار ٸشٸندە ەلدەر اراسىنداعى ەكٸجاقتى ىنتىماقتاستىق ستراتەگييالىق ەرٸپتەستٸك دەڭگەيٸنە جەتتٸ. قازاقستان مەن تٷركييا ەكٸجاقتى, ٶڭٸرلٸك جەنە حالىقارالىق الاڭداردا تىعىز ٶزارا ٸس-قيمىل جاساسۋدا.
ساۋدا-ەكونوميكالىق جەنە ينۆەستيتسييالىق سالالارداعى ٶزارا تابىستى ٸس-قيمىل ەرەكشە اتاپ ٶتٸلدٸ. كوروناۆيرۋستىق پاندەميياعا قاراماستان, ەكٸ جاقتى تاۋار اينالىمى 3 ملرد اقش دوللارىنان استى جەنە تاراپتار بۇل كٶرسەتكٸشتٸ 10 ملرد اقش دوللارىنا دەيٸن جەتكٸزۋگە نيەتتٸ.
كەزدەسۋ سوڭىندا قازاقستان مەن تٷركييا سٸم باسشىلارى ديالوگتى جالعاستىرۋعا جەنە ەكٸجاقتى قاتىناستاردىڭ بارلىق مەسەلەلەرٸن ستراتەگييالىق ەرٸپتەستٸك نەگٸزٸندە دەيەكتٸ تٷردە شەشۋگە نيەت بٸلدٸردٸ.
سول كٷنٸ قازاقستان سٸم باسشىسى تٷركييا ۆيتسە-پرەزيدەنتٸ فۋات وكتايمەن كەزدەسۋ ٶتكٸزدٸ. تاراپتار قر پرەمەر-مينيسترٸ ا.مامين مەن ف.وكتايدىڭ ٶزٸ تەڭ تٶراعالارى بولىپ تابىلاتىن ٷكٸمەتارالىق كوميسسييانىڭ كەزەكتٸ 12-وتىرىسىنا دايىندىقتى تالقىلادى.
