تٷركييانىڭ ۇلتتىق قورعانىس مينيسترٸ حۋلۋسي اكار سيرييامەن شەكاراداعى حاتاي پروۆينتسيياسىندا ورنالاسقان يدليبەدەگٸ تاكتيكالىق ٸس-قيمىلداردى باسقارۋ شتابىنا كەلدٸ, دەپ حابارلايدى "ۇلت اقپارات" انادولى اگەنتتٸگٸنە سٸلتەمە جاساپ.
تٷركييا ەسكەري ۆەدومستۆوسىنىڭ باسشىسىمەن بٸرگە قۇرلىق ەسكەرلەرٸنٸڭ قولباسشىسى گەنەرال ۋميت دٷندار مەن ەسكەري ەۋە كٷشتەرٸنٸڭ قولباسشىسى گەنەرال حاسان كيۋچيۋكاكييۋز كەلگەن.
ۇلتتىق قورعانىس مينيسترٸ مەن قولباسشىلار تٷركييا-سيرييا شەكاراسىنداعى «نٶلدٸك نٷكتەدە» يدليبتەگٸ داماسك رەجٸمٸنٸڭ ماقساتىنا قارسى وپەراتسييالاردى باسقارادى.
حۋلۋسي اكار حاتايعا بارار الدىندا انكارادا تٷركييا پرەزيدەنتٸ رەجەپ تايىپ ەردوعاننىڭ تٶراعالىعىمەن ٶتكەن قاۋٸپسٸزدٸك مەسەلەلەرٸ جٶنٸندەگٸ جينالىسقا قاتىستى.
بۇعان دەيٸن يدليبتە باشار اساد رەجٸمٸنٸڭ كٷشتەرٸ ەۋە شابۋىلىن جاساپ, سالدارىنان تٷركييا قارۋلى كٷشتەرٸنٸڭ 33 ەسكەري قىزمەتشٸسٸ قازا تاپتى.
