«تٷركٸستان–شىمكەنت–تاشكەنت» جوعارى جىلدامدىقتى ماگيسترالىن سالۋ بارلىق ٶڭٸردٸڭ تۋريستٸك تارتىمدىلىعىن ارتتىرادى. بۇل تۋرالى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر ۇلتتىق ەكونوميكا مينيسترٸ ەسەت ەرعاليەۆ ايتتى, دەپ حابارلايدى قازاقپارات.
ونىڭ اتاپ ٶتۋٸنشە, «قۋاتتى ٶڭٸرلەر – ەل دامۋىنىڭ درايۆەرٸ» ۇلتتىق جوباسىنىڭ «كٶلٸكتٸك بايلانىستى قامتاماسىز ەتۋ» باعىتى اياسىندا ٸشكٸ كٶلٸك جەلٸسٸن دامىتۋ جەنە اۋماقتاردىڭ بايلانىسىن ارتتىرۋ كٶزدەلەدٸ. 11 مىڭ شاقىرىم رەسپۋبليكالىق ماڭىزى بار جەنە 27 مىڭ شاقىرىم جەرگٸلٸكتٸ جول سالىنىپ, جٶندەلەدٸ. بۇل جاقسى جەنە قاناعاتتانارلىق جاعدايداعى رەسپۋبليكالىق ماڭىزى بار جولدىڭ ٷلەسٸن 100 پايىزعا دەيٸن جەنە جەرگٸلٸكتٸ ماڭىزى بار اۆتوجولدىڭ ٷلەسٸن 95 پايىزعا دەيٸن جەتكٸزۋگە مٷمكٸندٸك بەرەدٸ. سونىمەن قاتار اۋماقتاردىڭ بايلانىستىلىعىن ارتتىرۋ ٷشٸن بٸرقاتار ٸرٸ جوبا دا ٸسكە اسىرىلادى.
«اتاپ ايتقاندا, ەكٸنشٸ جول قۇرىلىسىن سالۋ مەن «دوستىق–مويىنتى» ۋچاسكەسٸن ەلەكترلەندٸرۋ قىتاي-ەۋروپا-قىتاي جولىنىڭ ٶتكٸزۋ قابٸلەتٸن ارتتىرۋعا مٷمكٸندٸك بەرەدٸ. «داربازا–ماقتاارال» تەمٸرجول جەلٸسٸن سالۋ سارىاعاش ستانساسىنىڭ ٶتكٸزۋ قابٸلەتٸن 2 ەسەگە ارتتىرادى. «تٷركٸستان–شىمكەنت–تاشكەنت» جوعارى جىلدامدىقتى ماگيسترالىن سالۋ بارلىق ٶڭٸردٸڭ تۋريستٸك جەنە ينۆەستيتسييالىق تارتىمدىلىعىن ەدەۋٸر ارتتىرماق. الماتى ستانساسىن اينالىپ ٶتەتٸن تەمٸرجول جەلٸسٸن سالۋ جوباسى جٷك ارتۋ مەرزٸمٸن 2 تەۋلٸككە قىسقارتۋعا مٷمكٸندٸك بەرەدٸ. اۋماقتاردىڭ بايلانىسىن ارتتىرۋ شارالارىن ٸسكە اسىرۋ ترانزيت كٶلەمٸن 30 ملن. تونناعا ونىڭ ٸشٸندە كونتەينەرلەردٸ 1,6 ملن تونناعا ۇلعايتۋدى قامتاماسىز ەتەدٸ», - دەدٸ ەسەت ەرعاليەۆ.
