بٷگٸن تٷركٸستان قالاسىنا ٶزبەكستاننان ٷش جٷك كٶلٸگٸنە تيەلگەن گۋمانيتارلىق كٶمەك كەلدٸ. ٶزبەكستان رەسپۋبليكاسىنىڭ پرەزيدەنتٸ ش.ميرزييوەۆتٸڭ تاپسىرماسى اياسىندا جٸبەرٸلگەن كەرۋەندٸ تٷركٸستان وبلىسى ەكٸمٸنٸڭ ورىنباسارى سەكەن قالقامانوۆ باستاعان توپ قارسى الدى, دەپ حابارلايدى "ۇلت اقپارات".
ارنايى شاراعا قاتىسقان ٶزبەكستاننىڭ قازاقستانداعى تٶتەنشە جەنە ٶكٸلەتتٸ ەلشٸسٸ س.نييازحودجاەۆ سىن ساعاتتاردا باۋىرلاس ەلدەر بٸر-بٸرٸنە قولداۋ بٸلدٸرۋ قاجەتتٸگٸن ايتتى. ونىڭ سٶزٸنشە, كٶمەك كەرۋەنٸندە 150 مىڭ مەديتسينالىق بەتپەردە, 2500 قورعانىس كيٸمٸ, 150 مىڭ مەديتسينالىق قولعاپ, 1000 تەرمومەتر جەنە 440 كەرەۋەت بار. كٶرشٸ ەلدەن كەلگەن كٶمەككە وبلىس ەكٸمٸنٸڭ ورىنباسارى سەكەن قالقامانوۆ العىس ايتىپ, ريزاشىلىعىن بٸلدٸردٸ. اتالعان كٶمەك الداعى ۋاقىتتا تٷركٸستان وبلىسىنىڭ بارلىق مەديتسينالىق مەكەمەلەرٸنە ٷلەستٸرٸلمەك.
ايتا كەتەيٸك, بۇعان دەيٸن سۋ تاسقىنى ورىن العان ماقتاارال اۋدانىنا دا ٶزبەكستاننان كٶمەك قولى جەتكەن بولاتىن. كٶرشٸ ەلدٸڭ ازاماتتارى ەلدٸمەكەندەردە سۋ سورۋ جۇمىستارىن جٷرگٸزٸپ, اۋماقتى كٷل-قوقىستاردان تازارتقان بولاتىن.
