كەنتاۋلىق فۋرقات قاۋىنباەۆتىڭ ۆەلوسيپەدتٸ جانىنا سەرٸك ەتكەنٸنە بيىل 36 جىل بولىپتى. وسى جىلدار ٸشٸندە ول 30 ۆەلوسيپەد تاقىمداعان. ولاردىڭ ەكەۋٸ ەبدەن توزىعى جەتكەنشە قىزمەتٸنە جاراسا, 16-سىن ۇرلاپ كەتكەن, دەپ حابارلايدى قازاقپارات.
فۋرقات قاۋىنباەۆ كەنتاۋ قالالىق سەۋلەت جەنە قالا قۇرىلىسى بٶلٸمٸندە باس مامان قىزمەتٸن اتقارادى. قالادان 14 شاقىرىم جەردەگٸ قارناق اۋىلىندا تۇراتىن ول كٷندەلٸكتٸ جۇمىسىنا ۆەلوسيپەدپەن بارىپ كەلەدٸ. قىسى-جازى قوس دٶڭگەلەكتٸ كٶلٸكتٸ جانىنا سەرٸك ەتكەن جٸگٸت اعاسى ۆەلوسيپەدتٸن زامان تالابىنا ساي سەندەپ العان.
– ۆەلوسيپەدتٸ قىسى-جازى تەبەمٸن. ەگەر دە قىستا قار قالىڭ بولسا, جۇمىسىما ۆەلوسيپەدتٸ جەتەلەپ جاياۋ بارىپ كەلەمٸن. بۇل بٸر جاعىنان ماعان ٷلكەن دەمالىس. بۇرىندارى اۋىلدان قالاعا كەلگەنشە بٸر ۆەلوسيپەد مٸنەتٸنمٸن. ال قالانىڭ ٸشٸندەگٸ جۇمىستارىما ەكٸنشٸ ۆەلوسيپەدٸمدٸ پايدالاناتىنمىن. قازٸر بارلىعىنا بٸر ۆەلوسيپەدپەن بارىپ جٷرمٸن. ٷيدەگٸ گاراجىمدا قوسىمشا ٷش ۆەلوسيپەدٸم تۇر, – دەيدٸ ول.
بۇقارالىق سپورتتىڭ بۇل تٷرٸ جٸگٸت اعاسىنىڭ دەنساۋلىعىنا كٶپ پايداسىن تيگٸزٸپتٸ. بوزبالا شاعىندا جەڭٸل اتلەتيكامەن شۇعىلدانعان فۋرقات جوعارى وقۋ ورنىندا وقىپ جٷرگەندە جٷگٸرۋدەن ەشكٸمگە دەس بەرمەگەن. قاتارىنىڭ الدى بولىپ, ينستيتۋتتىڭ چەمپيونى اتانعان. تٸپتٸ, رەسپۋبليكالىق ۋنيۆەرسيادالارعا دا قاتىسقان. ٷلكەن دەرەجەگە جەتپەسە دە, كٸشٸگٸرٸم سايىستاردىڭ الدى بولعان. ەسكەرگە بارعان كەزٸندە دە جانىنا سەرٸك بولعان سپورتتان قول ٷزبەگەن. تەك قىزمەتكە ورنالاسقان سوڭ, جٷگٸرۋٸن سيرەتٸپتٸ.
– شاحتاعا ديسپەتچەر بولىپ جۇمىسقا ورنالاستىم. بٸر جەردە وتىرىپ جۇمىس ٸستەگەن سوڭ سپورتتى قويۋعا تۋرا كەلدٸ. بٸراز كٷن ٶتكەن سوڭ جٷرەگٸم اۋىرىپ تٶسەك تارتىپ جاتىپ قالدىم. تەكسەرٸلدٸم. «جٷرەگٸڭ ٷلكەيگەن» دەگەن دياگنوز قويدى. وعان باستى سەبەپ – سپورتتى تاستاپ كەتۋٸم بولىپتى. ورگانيزم ەبدەن قالىپتاسىپ قالعاننان كەيٸن, سپورتتى تاستاپ كەتۋگە بولمايدى ەكەن. جٷرەك اۋرۋى بويىنشا ناۋقاس اتانىپ, ەسەپكە تۇردىم. اۋرۋحانادان شىققان سوڭ اۋىلدان قالاعا جٷگٸرٸپ بارىپ كەلٸپ جٷردٸم. اۋىلداستارىم كٷلٸپ, كەلەمەجدەگەن سوڭ ۆەلوسيپەدكە كٶشتٸم. سوندا دا ەكەمە كەلٸپ: «بالاڭا قوي دەسەيشٸ, ۇيات قوي, اقشاسى جوق بولسا, اقشا بەرەيٸك», دەگەندەر دە بولدى. التى جىل قاتارىنان ۆەلوسيپەدپەن جٷرگەن سوڭ دەرٸگەرلەر «جٷرەگٸڭ قالىپتى» دەپ ەسەپتەن شىعاردى. حالىق تا مەنٸ 15 جىل بويى سٶز ەتتٸ. قازٸر ٷيرەندٸ, – دەيدٸ كەنتاۋلىق ۆەلوشاباندوز.
فۋرقات زاحيتدينۇلى جۇمىسىنا 35 مينۋتتا جەتەدٸ. بٶلٸمگە بەرٸلگەن قىزمەتتٸك كٶلٸكتٸ تەك رەيدتٸك جۇمىستاردا, قۇرىلىس نىساندارىن ارالاعاندا نەمەسە الىس ساپارعا شىققاندا عانا پايدالانادى. باسشىلاردان دا «ۆەلوسيپەدٸڭدٸ تاستا, ۇيات بولادى» دەگەندەرٸ دە كەزدەسٸپتٸ. تٸپتٸ, «سەن ٶزٸڭە جٷكتەلگەن جۇمىستى ەمەس, جەكە ٸستەرٸڭدٸ اتقارىپ جٷرسٸڭ», دەپ ۇرىسقان كەزدەرٸ دە بولىپتى. تەك جاعدايدى ايتىپ تٷسٸندٸرگەن سوڭ, «جوق» دەي الماپتى.
- 1985 جىلى بٸر جالاقىما «تۋريست» دەپ اتالاتىن ۆەلوسيپەدٸن ساتىپ الدىم. سودان بەرٸ 36 جىل ٶتتٸ. بٸر ۆەلوسيپەدٸم اپتاعا جەتپەي قولدى بولدى. كەيدە اپتاسىنا ەكٸ ۆەلوسيپەدتٸ ۇرلاتتىم. ال ەڭ ۇزاعىن 14 جىل مٸندٸم. راماسىنىڭ 8 جەرٸنەن جامالعان ەدٸ. اۋىلعا كەتٸپ بارا جاتىپ ٷش جەرٸنەن سىنىپ كەتتٸ. مەن كٶپشٸلٸگٸندە ۇستالعان ۆەلوسيپەدتٸ ساتىپ الامىن. وسىعان دەيٸن 30 ۆەلوسيپەدكە مٸنسەم, سونىڭ ٷشەۋٸ-اق جاڭا ەدٸ – دەيدٸ ول.
فۋرقات ۆەلوسيپەدتٸ جوعارى تالعاممەن الادى. اقاۋى بايقالسا, جٶندەپ الۋ ەش قيىندىق تۋدىرمايدى. جاقسىلاپ كٷتٸپ مٸنسە, جەمشٶپ, بەنزين سۇرامايتىن ۆەلوسيپەد جٷرٸپ-تۇرۋىنا جاراپ تۇر.
– جۋىردا بالام الماتىدان 1987 جىلعى ۆەلوسيپەد الىپ كەلٸپ بەردٸ. جاڭاسىن الماقشى بولىپ ەدٸك, 300 مىڭ تەڭگە تۇرادى ەكەن. بٸزگە قىمباتقا تٷستٸ. سودان بازاردان 15 مىڭ تەڭگەگە ەسكٸسٸن الدىق. قالانىڭ ادامدارى دا مەنٸ جاقسى تانيدى. «مەندە مىنانداي ۆەلوسيپەد بار, الاسىڭ با?» – دەپ ۇسىنىس جاسايتىندارى دا بار. ەگەر دە ۇناپ جاتسا, كەرٸ قايتارمايمىن, – دەيدٸ ول.
