تٷركٸستاندىق كەسٸپكەر كوروناۆيرۋسقا قارسى كٷرەسكە 10 ملن تەڭگە بٶلدٸ, دەپ حابارلايدى "ۇلت اقپارات" «Nur Otan» پارتيياسى ٶڭٸرلٸك فيليالىنىڭ باسپاسٶز قىزمەتٸ سٸلتەمە جاساپ.
«بٷگٸندە ەلەم جۇرتشىلىعىن الاڭداتىپ وتىرعان كوروناۆيرۋس دەرتٸ, ٶكٸنٸشكە قاراي, قازاقستانعا دا جەتتٸ. ەل پرەزيدەنتٸ قاسىم-جومارت توقاەۆ ەلدٸ تٶتەنشە جاعداي جارييالاپ, ٸندەتكە قارسى كٷرەستٸ كٷشەيتۋ جٶنٸندە تاپسىرما بەردٸ. مەملەكەت تاراپىنان تيٸستٸ جۇمىستار اتقارىلۋدا. وسى قىسىلتاياڭ شاقتا ەلٸمٸزدٸڭ پاتريوت ازاماتتارى جومارتتىق تانىتىپ, حالىققا كٶمەكتەرٸن تيگٸزۋدە. سولاردىڭ بٸرٸ – سىرىم ەرتاەۆ. «قايىپ اتا» جشس-نٸڭ ديرەكتورى ەلباسى ٷندەۋٸن قولداپ, «بٸز بٸرگەمٸز!» اكتسيياسى اياسىندا ٶز قاراجاتى ەسەبٸنەن ارنايى قورعا 10 ميلليون تەڭگە اۋداردى», - دەلٸنگەن اقپاراتتا.
بەلگٸلٸ كەسٸپكەر «Nur Otan» پارتيياسىنىڭ مٷشەسٸ. ول بۇعان دەيٸن دە بٸرنەشە وتباسىعا ٷي سالىپ بەرٸپ, قايىرىمدىلىعىمەن تانىلعان ازامات.
«تۇتاس قازاقستان اۋىر ٸندەتكە قارسى كٷرەسٸپ جاتقان سەتتە ەلگە كٶمەكتەسۋدٸ ازاماتتىق, پەرزەنتتٸك پارىزىم دەپ بٸلەمٸن. ەلباسى نۇرسۇلتان نازارباەۆ ٶز ٷندەۋٸندە كەسٸپكەرلەرگە ماڭىزدى وي تاستادى. پرەزيدەنتٸمٸز قاسىم-جومارت كەمەلۇلى «بٸز ەرقايسىمىز ٶز مٸندەتٸمٸزدٸ جاۋاپكەرشٸلٸكپەن ورىنداساق, بۇل قيىندىقتان تەزٸرەك شىعامىز» دەدٸ. ەندەشە ەر ازامات تٶتەنشە جاعدايداعى ەرەجەنٸ ساقتاپ, رەسمي ٶكٸلدەر مەن دەرٸگەرلەردٸڭ ەسكەرتپەلەرٸن ورىنداعانى جٶن. بٸز بٸرٸگٸپ, بۇل قيىندىقتى دا جەڭٸپ شىعامىز», – دەيدٸ سىرىم ەرتاەۆ.
