Túrkistandyq kásipker koronavirýsqa qarsy kúreske 10 mln teńge bóldi, dep habarlaidy "Ult aqparat" «Nur Otan» partiiasy óńirlik filialynyń baspasóz qyzmeti silteme jasap.
«Búginde álem jurtshylyǵyn alańdatyp otyrǵan koronavirýs derti, ókinishke qarai, Qazaqstanǵa da jetti. El Prezidenti Qasym-Jomart Toqaev eldi tótenshe jaǵdai jariialap, indetke qarsy kúresti kúsheitý jóninde tapsyrma berdi. Memleket tarapynan tiisti jumystar atqarylýda. Osy qysyltaiań shaqta elimizdiń patriot azamattary jomarttyq tanytyp, halyqqa kómekterin tigizýde. Solardyń biri – Syrym Ertaev. «Qaiyp ata» JShS-niń direktory Elbasy úndeýin qoldap, «Biz birgemiz!» aktsiiasy aiasynda óz qarajaty esebinen arnaiy qorǵa 10 million teńge aýdardy», - delingen aqparatta.
Belgili kásipker «Nur Otan» partiiasynyń múshesi. Ol buǵan deiin de birneshe otbasyǵa úi salyp berip, qaiyrymdylyǵymen tanylǵan azamat.
«Tutas Qazaqstan aýyr indetke qarsy kúresip jatqan sátte elge kómektesýdi azamattyq, perzenttik paryzym dep bilemin. Elbasy Nursultan Nazarbaev óz úndeýinde kásipkerlerge mańyzdy oi tastady. Prezidentimiz Qasym-Jomart Kemeluly «Biz árqaisymyz óz mindetimizdi jaýapkershilikpen oryndasaq, bul qiyndyqtan tezirek shyǵamyz» dedi. Endeshe ár azamat tótenshe jaǵdaidaǵy erejeni saqtap, resmi ókilder men dárigerlerdiń eskertpelerin oryndaǵany jón. Biz birigip, bul qiyndyqty da jeńip shyǵamyz», – deidi Syrym Ertaev.
