تٷركٸستان وبلىستىق بالالار اۋرۋحاناسىنىڭ جان ساقتاۋ بٶلٸمٸنە تٷلكٸباس اۋدانىنان بٸر ايلىق نەرەستە اۋىر حالدە جەتكٸزٸلگەن. دەرٸگەرلەر سەبيدٸڭ جٷرەگٸنٸڭ تۋا بٸتكەن اقاۋى مەن اسقازان ٸشەك جولدارى جەنە ٶڭەشتەگٸ تەسٸك جارىقتارى بارىن ساناۋلى ۋاقىت ٸشٸندە انىقتادى, دەپ حابارلايدى "ۇلت اقپارات".
وبلىستىق قوعامدىق دەنساۋلىق باسقارماسىنىڭ مەلٸمەتٸنشە, بارلىق قاۋٸپ-قاتەرلەر مەن اسقىنۋلار تارازىعا سالىنعان. بالانىڭ جاساندى قان اينالىم جاعدايىندا جٷرەك اقاۋىن تٷزەتۋ جەنە ديافراگمانىڭ ٶڭەش تەسٸگٸنە وپەراتسييا جاساۋ شەشٸمٸ قابىلدانعان. كارديوحيرۋرگتار مەن نەوناتالدى حيرۋرگتەردٸڭ بٸلٸكتٸ قۇرامى جاساعان وتا 4 ساعاتقا سوزىلدى. نەتيجەسٸندە نەرەستەنٸڭ بەتٸ بەرٸ قاراپ, ٶمٸرٸنە تٶنگەن قاۋٸپ سەيٸلدٸ. دەرٸگەرلەر وتانىڭ مۇنداي كٷردەلٸ تٷرٸ ٶڭٸردە العاش رەت جاسالىپ وتىرعانىن ايتادى. ال, دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمەتٸ بويىنشا مۇنداي وپەراتسييالار ناۋقاستاردىڭ 20 پايىزىندا كەزدەسەدٸ. الايدا, نەرەستەلەر مەن 3 ايعا دەيٸنگٸ سەبيلەرگە بٸرنەشە كٷردەلٸ وتا جاساۋ جوعارى مامانداندىرىلعان دياگنوستيكانى جەنە جوعارى بٸلٸكتٸ مامانداردىڭ بولۋىن تالاپ ەتەدٸ.
ايتا كەتەيٸك, بٸر ايلىق نەرەستە بالىقتى اۋىلىنىڭ تۇرعىنى دانا ەشٸربەكتٸڭ بەسٸنشٸ پەرزەنتٸ. بٶبەگٸن قيىن جاعدايدا دەرٸگەرلەر قولىنا تاپسىرعان كٶپبالالى انا ابزال جانداردىڭ بٸلٸكتٸلٸكتەرٸنە ريزا بولىپ, العىسىن جەتكٸزدٸ.
«ەر ناۋقاستىڭ جانىنا جەبەۋ بولىپ, قانداي اۋرۋعا بولماسىن قارسى تۇراتىن دەرٸگەرلەرگە دەگەن شەكسٸز العىسىمدى بٸلدٸرگٸم كەلەدٸ. بالامنىڭ اۋرۋىنا اراشا بولا بٸلگەن دەرٸگەرلەرگە جەنە مەدبيكەلەرگە شەكسٸز ريزاشىلىعىمدى ايتامىن. سٸزدەر بٸزگە شەكسٸز باقىت سىيلادىڭىزدار», - دەيدٸ دانا ەشٸربەك.
