وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆتىڭ جەنە اۋىل تۇرعىندارىنىڭ قاتىسۋىمەن, تٷركٸستان قالاسى ماڭىنداعى ٷشقايىق اۋىلدىق وكرۋگٸندە جاڭا «قاراشىق» شاعىن سۋ قويماسى پايدالانۋعا بەرٸلدٸ, دەپ حابارلايدى "ۇلت اقپارات".
سۋ قويما جالپى قورى 2 ملن. م3 سۋدى ساقتاۋعا قاۋقارلى. سۋ قويماسى ەندٸ 350 گەكتار اۋماقتى سۋعارۋعا تٸكەلەي سەپتٸگٸن تيگٸزەدٸ. اشىلۋ سالتاناتىنا قاتىسقان وبلىس ەكٸمٸ ٶڭٸردە مۇنداي سۋ قويمالاردىڭ سانى بولاشاقتا ارتاتىنىن جەتكٸزدٸ.
«وڭتٷستٸك قازاقستان وبلىسىندا كەلەشەكتە 30-عا جۋىق سۋ قويمانىڭ قۇرىلىسى باستالادى. نەتيجەسٸندە سۋدى تيٸمدٸ پايدالانىپ, ونى ساقتاپ سۋارمالى جەرلەرگە جۇمساۋعا بولادى. وسىلايشا وبلىستا ەگٸستٸكتٸڭ كٶلەمٸ ارتىپ, جەرگٸلٸكتٸ جۇرتتى جۇمىسپەن قامتۋعا مٷمكٸندٸك تۋادى. ەڭ باستىسى اۋىل شارۋاشىلىعىن دامىتۋعا ەرەكشە ەكپٸن بەرەدٸ», - دەدٸ جانسەيٸت قانسەيٸتۇلى.
ايتا كەتەرلٸگٸ, «قاراشىق» شاعىن سۋ قويماسىنىڭ قۇرىلىسىن «سمك ي ج-7» جشس-ٸ جٷرگٸزگەن. قۇرىلىس نىسانىن سالۋعا 471,4 ملن تەڭگە جۇمسالىپتى. بٷگٸندە سۋ قويما ەل يگٸلٸنە بەرٸلٸپ وتىر. الداعى ۋاقىتتا ٷشقايىق اۋىلدىق وكرۋگٸندە جٷگەرٸ, جوڭىشقا, باقشا داقىلدارى ەگٸلەتٸن بولادى.
