بٷگٸن قوجا احمەت ياساۋي اتىنداعى حقتۋ-دٸڭ جۋرناليستيكا كافەدراسىنىڭ ٷش ٷزدٸك ستۋدەنتٸنە تالانتتى جۋرناليست بەيسەن قۇرانبەك اتىنداعى ستيپەندييا سالتاناتتى تٷردە تابىستالدى, دەپ حابارلايدى تٷركٸستان وبلىسى ەكٸمٸنٸڭ باسپاسٶز قىزمەتٸ.
ستيپەندييانى قازاقستان جۋرناليستەر وداعىنىڭ تٷركٸستان وبلىستىق فيليالىنىڭ تٶراعاسى, وبلىستىق مەسليحات دەپۋتاتى عالىمجان ەلشٸباي تاپسىردى.
شاراعا قوجا احمەت ياساۋي اتىنداعى حقتۋ-نٸڭ رەكتورى جانار تەمٸربەكوۆا, ەلٸمٸزگە تانىمال تەلەجۋرناليست ەبدەز راحمانۇلى جەنە بٸر توپ وبلىستىق مەسليحات دەپۋتتاتارى مەن باق ٶكٸلدەرٸ قاتىستى.
ٸس-شارادا سٶز العان وقۋ ورنىنىڭ جاڭا باسشىسى جانار امانگەلدٸقىزى وزات ستۋدەنتتەرگە قولداۋ بٸلدٸرٸپ, شابىت سىيلاعان وداق تٶراعاسىنا شىنايى العىسىن بٸلدٸردٸ. سونداي-اق ول الداعى ۋاقىتتا وبلىستىق جۋرناليستەر وداعىمەن بٸرگە ىنتىماقتاستىقتا جۇمىس ٸستەۋگە مٷددەلٸ ەكەنٸن جەتكٸزدٸ.
ٶز كەزەگٸندە سٶز العان قازاقستان جۋرناليستەر وداعىنىڭ تٷركٸستان وبلىستىق فيليالىنىڭ تٶراعاسى, وبلىستىق مەسليحات دەپۋتاتى عالىمجان ەلشٸباي مارقۇم بەيسەن قۇرانبەك تۋرالى كەڭٸنەن سٶز قوزعاپ, ونىڭ قازاق جۋرناليستيكاسىنا قوسقان ٷلەسٸن تٸلگە تيەك ەتتٸ.
«تالانتتى جۋرناليست بەيسەن قۇرانبەكپەن بٸر گرۋپپادا بٸلٸم الدىق. دوس بولدىق. بەيسەن ەڭبەك جولىن سپورت گازەتٸنەن باستاپ, بارلىق ساتىلاردان ٶتكەن ٶتە تەجٸريبەلٸ ناعىز جۋرناليست ەدٸ. ونىڭ قازاق جۋرناليستيكاسىنا قوسقان ٷلەسٸ وراسان. بٸر عانا «ايتۋعا وڭاي», «قاراكەت» سىندى توك-شوۋلارى ەلدٸڭ ىستىق ىقىلاسىنا بٶلٸندٸ. الايدا بەيسەننٸڭ عۇمىرى تىم قىسقا بولدى. اللانىڭ بۇيرىعى شىعار. ەندەشە بٷگٸنگٸ بەيسەن اتىنداعى ستەپەندييانى يەلەنٸپ وتىرعان ٸنٸ-قارىنداستارىمىزعا دوسىمىزدىڭ عۇمىرىن ەمەس, تاعدىرىن ەمەس, تالانتىن, ەڭبەكسٷيگٸشتٸگٸن, ادالدىعىن بەرسٸن دەپ تٸلەيمٸز», - دەدٸ عالىمجان قامىتبەكۇلى.
شارا بارىسىندا بەيسەننٸڭ ەرٸپتەستەرٸ مەن دوستارى ەستەلٸكتەر ايتىپ, ستۋدەنتتەرگە اقىل-كەڭەستەرٸن بەردٸ.
