تٷركٸستان قالاسىندا قازاقستان رەسپۋبليكاسى پارلامەنتٸ مەجٸلٸسٸ ەلەۋمەتتٸك - مەدەني دامۋ كوميتەتٸنٸڭ «تاريحي-مەدەني مۇرانى قورعاۋ مەن كەڭٸنەن تانىتۋدى زاڭنامالىق تۇرعىدان قامتاماسىز ەتۋ» تاقىرىبىنداعى كٶشپەلٸ وتىرىسى ٶتتٸ, دەپ حابارلايدى "ۇلت اقپارات".
وتىرىس جۇمىسىنا قر پارلامەنتٸ مەجٸلٸسٸنٸڭ دەپۋتاتتارى - ەلەۋمەتتٸك-مەدەني دامۋ كوميتەتٸنٸڭ مٷشەلەرٸ مەن تٷركٸستان وبلىسىنىڭ ەكٸمٸ جانسەيٸت تٷمەباەۆ, مەملەكەتتٸك ورگانداردىڭ قىزمەتكەرلەرٸ مەن قوعام, مەدەنيەت, ارحەولوگييا ۇيىمدارىنىڭ ٶكٸلدەرٸ, ساراپشىلار جەنە ق.ا.ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ مەن قازاقستاننىڭ باسقا دا جوعارى وقۋ ورىندارىنىڭ عالىمدارى قاتىستى.
كٶشپەلٸ وتىرىستا تاريحي-مەدەني مۇرانى قورعاۋ مەن ونى كەڭٸنەن تانىتۋدى زاڭنامالىق تۇرعىدان قامتاماسىز ەتۋ مەسەلەلەرٸ قارالدى. «تاريحي-مەدەني مۇرا وبەكتٸلەرٸن قورعاۋ جەنە پايدالانۋ تۋرالى» جەنە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تاريحي-مەدەني مۇرا مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭ جوبالارى تالقىلاندى.
زاڭ جوبالارىندا تاريحي-مەدەني مۇرا وبەكتٸلەرٸن انىقتاۋ مەن ولاردى ەسەپكە الۋ, تاريحي-مەدەني ساراپتاما جٷرگٸزۋ مەن نىسانداردى قۇجاتتاندىرۋ مەسەلەلەرٸنە ەرەكشە نازار اۋدارىلعان. دەپۋتاتتار جەنە كوميتەت وتىرىسىنا قاتىسۋشىلار بٷگٸنگٸ تاڭدا كٶپتەگەن جاڭادان انىقتالعان تاريحي جەنە مەدەنيەت ەسكەرتكٸشتەرٸ مەرتەبەسٸ بەرٸلگەن وبەكتٸلەردٸڭ ساقتالۋى جەتكٸلٸكتٸ دەڭگەيدە قامتاماسىز ەتٸلمەيتٸنٸن اتاپ كٶرسەتتٸ.
مەسەلەن, ەلٸمٸزدە 25 مىڭنان استام تاريحي-مەدەني مۇرا وبەكتٸلەرٸ بار بولسا, ولاردىڭ 11 مىڭعا جۋىعىنا تاريح جەنە مەدەنيەت ەسكەرتكٸشتەرٸ مەرتەبەسٸ بەرٸلگەن. بۇل نىساندار بٷگٸندە تيٸمدٸ پايدالانۋدى, ۇتىمدى باسقارۋدى جەنە ولاردى ساقتاۋ مەن قورعاۋ بويىنشا زاڭ, ەكٸمشٸلٸك شارالاردى قامتاماسىز ەتۋدٸ تالاپ ەتەتٸن جالپىۇلتتىق مەدەني بايلىق بولىپ تابىلادى.
