تٷركٸستان قالاسىندا «25 قازان – رەسپۋبليكا كٷنٸ. كەشە. بٷگٸن. ەرتەڭ» اتتى دٶڭگەلەك ٷستەل ٶتتٸ. بۇل تۋرالى تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸ حابارلادى.
كەلەلٸ باسقوسۋدا رەسپۋبليكا كٷنٸ مەرەكەسٸنٸڭ مەن-ماڭىزى, ەلٸمٸزدٸڭ تەۋەلسٸزدٸك جىلدارداعى نەگٸزگٸ جەتٸستٸكتەرٸ, قوعامدا تۇراقتىلىقتى ساقتاۋعا باعىتتالعان مەسەلەلەر تالقىلاندى.
جيىنعا عالىمدار, ٷكٸمەتتٸك ەمەس ۇيىم مٷشەلەرٸ, مەملەكەتتٸك ورگانداردىڭ, ەتنومەدەني بٸرلەستٸكتەردٸڭ, جاستار قاناتىنىڭ ٶكٸلدەرٸ قاتىستى.
كەزدەسۋدە العاش بولىپ سٶز العان تٷركٸستان وبلىسى قوعامدىق دامۋ باسقارماسىنىڭ باسشىسى اڭسار ٶسەرباەۆ قازاقستاننىڭ ەگەمەندٸگٸ تۋرالى دەكلاراتسييا تەۋەلسٸزدٸككە قاراي جاسالعان العاشقى قادام ەكەنٸن, ونىڭ قابىلدانۋى ەلٸمٸز ٷشٸن وڭ ٶزگەرٸستەر ەكەلگەنٸن جەتكٸزدٸ.
«بيىل پرەزيدەنتٸمٸزدٸڭ باستاماسىمەن 25 قازان – رەسپۋبليكا كٷنٸ ۇلتتىق مەرەكە رەتٸندە اتالىپ ٶتٸلەدٸ. دەل وسى كٷنٸ 1990 جىلى قازاقستاننىڭ ەگەمەندٸگٸ تۋرالى دەكلاراتسييا قابىلداندى. بابالارىمىز ٷش عاسىر ارمانداعان تەۋەلسٸزدٸك قۇجات رەتٸندە تٸركەلدٸ. وسى دەكلاراتسييانىڭ ارقاسىندا ەلٸمٸزدٸڭ جەكە تەرريتوريياسى, حالىقارالىق قاتىناستارداعى دەربەستٸگٸ, مەملەكەتتٸك رەمٸزدەرٸ بەكٸتٸلدٸ. رەسپۋبليكا كٷنٸ وسىنداي تاريحي قۇندىلىعىمەن باعالى», – دەدٸ اڭسار جاڭابايۇلى.
باسقارما باسشىسى سونداي-اق بيىل وبلىستا رەسپۋبليكا كٷنٸن اتاپ ٶتۋدە ەلدٸك پەن بٸرلٸكتٸ دەرٸپتەيتٸن قايىرىمدىلىق, ەكولوگييالىق جەنە پاتريوتتىق اكتسييالارعا باسىمدىق بەرٸلٸپ وتىرعانىن جەتكٸزدٸ. بۇل رەتتە, ۇلتتىق مەرەكەنٸڭ تۇجىرىمداماسى نەگٸزٸندە تٷركٸستان وبلىسىندا 30 ٸس-شارادان تۇراتىن جوسپار بەكٸتٸلگەن. مەرەكە اياسىندا اۋدان, قالالاردا ٶتەتٸن 1200-دەن استام شارا جوسپارلانىپ وتىر. سونىمەن بٸرگە مەرەكە قارساڭىندا تٷركٸستان ٶڭٸرٸندە جاڭا ەلەۋمەتتٸك نىساندار ەل يگٸلٸگٸنە تاپسىرىلادى. مۇنىڭ بارلىعى مەرەكەنٸڭ ماڭىزىن ارتتىرۋعا باعىتتالعان.
سونداي-اق جيىندا سٶز العان قر پرەزيدەنتٸنٸڭ جانىنداعى مەملەكەتتٸك باسقارۋ اكادەميياسىنىڭ تٷركٸستان وبلىسى بويىنشا فيليالىنىڭ ديرەكتورى اينۇر يدريسوۆا 25 قازاندى جاڭا قازاقستان قۇرۋ جولىنداعى ماڭىزدى كٷن دەپ اتاپ ٶتتٸ.
«سوڭعى 13 جىلدان بەرٸ ەلەۋسٸز قالعان اتاۋلى كٷندٸ, ەل پرەزيدەنتٸ قايتا جاڭعىرتتى. ەلٸمٸزدٸڭ تەۋەلسٸزدٸگٸ راسىمەن دە وسى كٷننەن باستاۋ الادى. سوندىقتان, بۇل كٷننٸڭ ۇلتتىق مەرەكە رەتٸندە بەكٸتٸلۋٸ تەۋەلسٸزدٸك تۇعىرىن اسقاقتاتا تٷسەتٸن ماڭىزدى قادام. بۇل مەرەكەنٸ تاريحىمىزدى, دەستٷرٸمٸز بەن تٸلٸمٸزدٸ, قۇندىلىقتارمىزدى دەرٸپتەۋ دەپ قابىلداۋىمىز كەرەك», – دەدٸ ول.
جيىندى قورىتىندىلاعان باسقارما باسشىسى قاتىسۋشىلاردى رەسپۋبليكا كٷنٸ مەرەكەسٸمەن قۇتتىقتاپ, ەلدٸك پەن بٸرلٸكتٸڭ جولىندا كٷش بٸرٸكتٸرٸپ, ەلگە قىزمەت ەتە بەرۋگە شاقىردى.
