تٷركٸستانداعى «Farab» كٸتاپحاناسىندا تٷركٸستان وبلىسى ەكٸمدٸگٸنٸڭ ۇيىمداستىرۋىمەن قازاقستاننىڭ حالىق جازۋشىسى, قازاقستاننىڭ ەڭبەك ەرٸ, كٶرنەكتٸ قالامگەر مۇحتار شاحانوۆتىڭ 80 جىلدىق مەرەيتويىنا ارنالعان «ەلەم تانىعان اقىن» اتتى شىعارماشىلىق كەشٸ ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
كەش بارىسىندا مۇحتار شاحانوۆتىڭ ٶمٸرٸ مەن شىعارماشىلىعىنا ارنالعان «ەلەم تانىعان اقىن» كٸتاپ كٶرمەسٸ ۇيىمداستىرىلدى. سالتاناتتى جيىندا وبلىس ەكٸمٸ دارحان ساتىبالدى اقىندى مەرەيتويمەن قۇتتىقتاپ, ەلگە سٸڭٸرگەن ەڭبەگٸن جوعارى باعالادى.
«سٸزدٸ 80 جاسقا تولعان مەرەيتويىڭىزبەن شىن جٷرەكتەن قۇتتىقتايمىن! سٸزدٸڭ ادامزاتتى ٸزگٸلٸككە, مەيٸرٸمگە, شىنايى ماحابباتتى باعالاۋعا شاقىراتىن ٶلەڭدەرٸڭٸز تالاي ادامنىڭ سەنٸمٸن وياتتى. جٸگەرلەندٸردٸ. تۋعان جەرٸڭٸز – قاسيەتتٸ تٷركٸستان ٶڭٸرٸنە كەلٸپ, مەرەيتوڭىزدى جالعاستىرۋ – بٸز ٷشٸن ٷلكەن مەرتەبە. التىن ۋاقىتىڭىزدى قيىپ, ەلمەن جٷزدەسكەنٸڭٸز ٷشٸن سٸزگە العىسىمدى بٸلدٸرەمٸن. جۋىردا ەل پرەزيدەنتٸ قاسىم-جومارت توقاەۆ تٷركٸستانعا جۇمىس ساپارىندا تٷركٸستان قالاسىنا ەرەكشە مەرتەبە بەرۋ مەسەلەسٸن كٶتەردٸ. وعان تولىق نەگٸز بار. تٷركٸستاننىڭ رۋحاني استانا اتانۋى جولىندا سٸزدٸڭ دە ٷلەسٸڭٸز مول دەپ ەسەپتەيمٸن. ٶيتكەنٸ سٸز پاراساتتى جىرلارىڭىزبەن, وتانشىلدىعىڭىزبەن ەل رۋحىن كٶتەردٸڭٸز. وتىرار مەن تٷركٸستاندى ەلەمگە تانىتۋعا ەڭبەك سٸڭٸردٸڭٸز», – دەدٸ دارحان ساتىبالدى.
مەرەكەلٸك كەشتە مۇحتار شاحانوۆتىڭ سٶزٸنە جازىلعان تاڭداۋلى ەندەر شىرقالدى. تٷركٸستان وبلىسىنىڭ تانىمال ەنشٸلەرٸ ٶنەر كٶرسەتٸپ, كٶپشٸلٸكتٸڭ قوشەمەتٸنە بٶلەندٸ.
كەش ەرٸ مەرەيتوي يەسٸ, قازاقستاننىڭ ەڭبەك ەرٸ, حالىق جازۋشىسى, اقىن مۇحتار شاحانوۆ سٶز سٶيلەپ, تٷركٸستان جۇرتشىلىعىنا العىسىن بٸلدٸردٸ. ۇلتتى ساقتاۋ, مەملەكەتتٸ قورعاۋ, رۋحانيياتتى قولداۋ باعىتىندا جٷيەلٸ ويلار ايتتى. ەردايىم پاراسات, شىندىق بيٸگٸنەن تابىلۋ ەر ادامعا مٸندەت ەكەنٸن جەتكٸزدٸ. سونىمەن بٸرگە ش.قالداياقوۆ اتىنداعى وبلىستىق فيلارمونييانىڭ ەنشٸلەرٸمەن بٸرگە «تۋعان كٷن كەشٸندە» ەنٸن شىرقادى.
مۇحتار شاحانوۆ – قازاق دالاسىن ٶزٸنٸڭ قۇنارلى جىرىمەن سۋسىنداتقان, ەر قازاقتىڭ جٷرەگٸنە جول تابا بٸلگەن, قايتالانباس دارىن يەسٸ. ساياساتتا دا ەل مٷددەسٸ جولىندا ەڭبەك ەتكەن قايراتكەر. اقىننىڭ شىعارمالارى ەلەمنٸڭ ونداعان ەلدەرٸنٸڭ تٸلدەرٸنە اۋدارىلعان.
