تٷركٸستاندا 54 جاستاعى ەيەل كٷيەۋٸنٸڭ پىشاق جاراقاتىنان كٶز جۇمدى. قايعىلى جاعدايدى العاش بولىپ ەرلٸ-زايىپتىلاردىڭ كەنجە ۇلى بايقاعان, دەپ حابارلايدى ult.kz.
كٶرشٸلەردٸڭ ايتۋىنشا, جاس جٸگٸت اناسىنىڭ داۋىسىن ەستٸپ, بٶلمەگە كٸرگەن. سول سەتتە ەيەلدٸڭ اۋىر جاراقات العانىن كٶرٸپ, بٸردەن جەدەل جەردەم شاقىرعان. دەرٸگەرلەر ونى اۋرۋحاناعا جەتكٸزگەنٸمەن, 54 جاستاعى ەيەل جانساقتاۋ بٶلٸمٸندە قايتىس بولعان.
«كٸشكەنتاي بالاسى “اپا, مەن كەشٸگٸپ قالدىم” دەيدٸ. ۇيىقتاپ جاتقان ەكەن. مامامنىڭ داۋسىن ەستٸپ شىقسام, قان اتقىلاپ جاتىر دەيدٸ», – دەدٸ مارقۇمنىڭ كٶرشٸسٸ گٷلنار ساپاروۆا.
كٶرشٸلەردٸڭ سٶزٸنشە, ەرلٸ-زايىپتىنىڭ شاڭىراق كٶتەرگەنٸنە 25 جىل بولعان. وسى ۋاقىت ٸشٸندە ولار تٶرت بالانى تەربيەلەپ ٶسٸرگەن. مارقۇم ەيەلدٸڭ ٶمٸر بويى ٷي شارۋاسىمەن اينالىسقانى ايتىلدى.
سونىمەن قاتار كٶرشٸلەرٸ ەيەلدٸڭ جولداسىنان 13 جاس كٸشٸ بولعانىن جەتكٸزدٸ. ەر ادامنىڭ بۇل ەكٸنشٸ نەكەسٸ ەكەنٸ بەلگٸلٸ بولدى.
جاقىندارىنىڭ ايتۋىنشا, وتباسى سىرت كٶزگە تاتۋ-تەتتٸ كٶرٸنگەن. بۇعان دەيٸن ەرلٸ-زايىپتىلار اراسىندا قانداي دا بٸر جانجال نەمەسە كەلەڭسٸز جاعداي بولعانى بايقالماعان.
الدىن الا مەلٸمەت بويىنشا, جانجال كەزٸندە ەر ادام ەيەلٸنە پىشاق جاراقاتىن سالعان. كەيٸن ٶزٸ دە دەنەسٸنە پىشاق سۇعىپ, ٶزٸنە قول جۇمساماق بولعان. قازٸر ول اۋرۋحانادا جاتىر.
وقيعانىڭ ناقتى مەن-جايى انىقتالىپ جاتىر.
