بٷگٸن حالىقارالىق تٷركٸ اكادەميياسى تٷركٸستان قالاسىندا قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸمەن بٸرلەسٸپ, «تٷركٸستان – تٷركٸ ەلەمٸنٸڭ رۋحاني استاناسى» اتتى حالىقارالىق كونفەرەنتسييا ٶتكٸزدٸ. كونفەرەنتسيياعا قاتىسۋشىلار الدىمەن احمەت ياساۋي كەسەنەسٸنە ارنايى بارىپ, تاعزىم ەتتٸ, دەپ حابارلايدى "ۇلت اقپارات".
القالى جيىنعا حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ, تٷركسوي ۇيىمىنىڭ باس حاتشىسى دٷيسەن قاسەيٸنوۆ, تٷركٸ كەڭەسٸ باس حاتشىسىنىڭ ورىنباسارى ٶمەر كوجامان, قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ رەكتورى جانار تەمٸربەكوۆا قاتىستى.
سونداي-اق, قازاقستان رەسپۋبليكاسى سىرتقى ٸستەر مينيسترلٸگٸنٸڭ ەرەكشە تاپسىرمالار جٶنٸندەگٸ ەلشٸسٸ ەرجان مۇقاشەۆ, قازاقستان رەسپۋبليكاسى اقپارات جەنە قوعامدىق دامۋ مينيسترلٸگٸ دٸن ٸستەرٸ كوميتەتٸنٸڭ تٶراعاسى ەرجان نٷكەجانوۆ, تٷركييا رەسپۋبليكاسىنىڭ الماتى قالاسىنداعى باس كونسۋلى الي ريزا اكىندجى, «بٸلگە تٷرٸك» مەدەنيەت قورىنىڭ باسقارما تٶراعاسى, ەكس-گۋبەرناتور گۋنگٶر ازيم تۋنا, تٷركٸستان وبلىسى ەكٸمٸنٸڭ ورىنباسارى سەكەن قالقامانوۆ, سونىمەن قاتار زييالى قاۋىم ٶكٸلدەرٸ مەن تانىمال عالىمدار شاقىرىلدى.
باسقوسۋ اياسىندا قاراحان مەملەكەتٸ دەۋٸرٸندە (ح عاسىر) كٶنە تٷركٸ تٸلٸنە اۋدارىلعان العاشقى قۇران كٸتابىنىڭ تۇساۋكەسەر رەسٸمٸ جاسالدى.
حالىقارالىق تٷركٸ اكادەميياسى باسىپ شىعارعان بۇل بٸرەگەي باسىلىم بٸزدٸڭ زامانىمىزعا جەتكەن قۇران اۋدارماسىنىڭ ەڭ كٶنە ەرٸ تولىق نۇسقاسى سانالادى.
بٷگٸندە بۇل قولجازبا ىستانبۇل قالاسىنداعى تٷرٸك جەنە يسلام ٶنەرٸ مۋزەيٸندە ساقتاۋلى تۇر.
تٷركٸستان توپىراعىندا تۋىپ, جەتٸلگەن عۇلامالار سۋسىنداعان مىڭجىلدىق مۇرا وسىلايشا تٷركولوگييا, تٸل دەنە دٸن مەسەلەلەرٸنە قىزىعۋشىلىق تانىتاتىن عالىمدار مەن ٸزدەنۋشٸلەرگە قولجەتٸمدٸ بولىپ, تولىق فاكسيميلە نۇسقاسىندا تۇڭعىش رەت جارييالانىپ وتىر.
قاسيەتتٸ كٸتاپتىڭ جارىق كٶرۋٸ تٷركٸستاننىڭ تٷركٸ ەلەمٸنٸڭ رۋحاني استاناسى اتانۋىمەن تۇپا-تۇس كەلدٸ.
كەلەلٸ كەڭەسكە قاتىسۋشىلار ەلباسى باستاماسىمەن قايتا تٷلەگەن تٷركٸستان جەنە ونىڭ تٷركٸ ەلەمٸندەگٸ ماڭىزى تۋرالى ويلارىن ورتاعا سالىپ, باۋىرلاس ەلدەردٸڭ بٸرلٸگٸ جايىندا پايىمدى پٸكٸرلەرٸمەن بٶلٸستٸ.
باسقوسۋدان كەيٸن مەرتبەلٸ مەيماندار تٷگەل تٷركٸنٸڭ تٶرٸ سانالاتىن تٷركٸستان قالاسىنداعى تاريحي ورىنداردى ارالاپ, جاڭادان بوي كٶتەرگەن عيماراتتارمەن تانىستى.
ايتا كەتۋ كەرەك, بيىل 31 ناۋرىزدا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ تٶراعالىعىمەن ٶتكەن تٷركٸ كەڭەسٸنٸڭ بەيرەسمي سامميتٸندە تٷركٸستان قالاسىن تٷركٸ ەلەمٸنٸڭ رۋحاني استاناسى دەپ جارييالانعان بولاتىن.
