تٷركٸستان قالاسىندا قوجا احمەت ياساۋي كەسەنەسٸنٸڭ ماڭىنداعى "جەتٸ تاڭدىر" مەيرامحاناسىنان ٶرت شىقتى, دەپ حابارلايدى "ۇلت اقپارات".
قازنەتتە جانىپ جاتقان مەيرامحانانىڭ ۆيدەوسى تارادى. جەلٸ قولدانۋشىلارى ٶرت "كەرۋەن-ساراي" اۋماعىندا باستالعانىن جازىپ جاتىر. بٸراق تٷركٸستان وبلىسىنىڭ ەكٸمدٸگٸ اقپاراتتى جوققا شىعاردى.
جەرگٸلٸكتٸ بيلٸكتٸڭ مەلٸمەتٸنشە, ٶرت "كەرۋەن-سارايدا" ەمەس, قوجا احمەت ياسساۋي كەسەنەسٸنٸڭ ماڭىندا بولعان.
"16 ماۋسىمدا ساعات 11.48-دە تٷركٸستاندا "ەزٸرەت-سۇلتان" قورىق مۇراجايىنىڭ قورعالاتىن اۋماعىنان تىس ورنالاسقان ەكٸ قاباتتى "جەتٸ تاندىر" كافەسٸنٸڭ 2-قاباتىنان ٶرت شىقتى. ٶرت باستالعاننان التى مينۋت ٶتكەن سوڭ تجد-نىڭ العاشقى قىزمەتكەرلەرٸ كەلدٸ. قازٸرگٸ ۋاقىتتا ٶرت سٶندٸرٸلدٸ, قازا بولعاندار مەن زارداپ شەككەندەر جوق.
ايتا كەتەيٸك, كافەنٸڭ "كەرۋەن ساراي" ويىن-ساۋىق كەشەنٸنە قاتىسى جوق", - دەپ جازدى تٷركٸستان وبلىسى ەكٸمٸنٸڭ ورىنباسارى سەكەن قالقامانوۆ.
ال قر تجد باسپاسٶز قىزمەتٸنٸڭ مەلٸمەتٸنشە, ٶرتتٸ سٶندٸرۋگە تٷركٸستان وبلىسى تجد, اپاتتار مەديتسيناسى ورتالىعىنىڭ 28 قىزمەتكەرٸ مەن 11 تەحنيكاسى جۇمىلدىرىلعان.
"ٶرت ساعات 12.50-دە وقشاۋلاندى. ٶرت كٶلەمٸ ناقتىلانىپ جاتىر. وقيعا ورنىندا جەدەل شتاب ۇيىمداستىرىلدى. ەكٸمشٸلٸكتٸڭ ايتۋىنشا, ٶرت سٶندٸرۋ بٶلٸمشەلەرٸ كەلگەنگە دەيٸن كەلۋشٸلەر عيماراتتان ٶز بەتٸنشە شىعىپ كەتكەن. زارداپ شەككەندەر تۋرالى اقپارات تٷسكەن جوق", - دەلٸنگەن حابارلامادا.
