تٷركٸستاندا «ۇلتتىق ۆاليۋتا كٷنٸ» قارساڭىندا «تەۋەلسٸزدٸك نىشانى - تٶل تەڭگە» اتتى كٶرمەنٸڭ اشىلۋ سالتاناتى ٶتتٸ.
قوجا احمەت ياساۋي كەسەنەسٸندە ۇيىمداستىرىلعان كٶرمەگە وتىرار قورىق-مۋزەيٸ مەن نەزٸر تٶرەقۇلوۆ مۋزەيٸ تاريحي-مەدەني ەتنوگرافييالىق ورتالىعىنىڭ قىزمەتكەرلەرٸ, قالالىق ارداگەرلەر كەڭەسٸ مەن قازاق تٸلٸ قوعامىنىڭ مٷشەلەرٸ, سونداي-اق مەكتەپ وقۋشىلارى مەن ۇستازدار, قالا تۇرعىندارى مەن قوناقتارى قاتىستى, دەپ حابارلايدى "ۇلت اقپارات".
«ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸنٸڭ باستاماسىمەن ٶتكەن شارا ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا ۇيىمداستىرىلدى.
«تەۋەلسٸزدٸك نىشانى - تٶل تەڭگە» كٶرمەسٸ قازاق جەرٸندە سوعىلىپ, اينالىمدا جٷرگەن اقشا تٷرلەرٸ جəنە 1993 جىلى اينالىمعا جٸبەرٸلگەن تەڭگە بانكنوتتارى مەن مونەتالاردىڭ ٷلگٸلەرٸ, تەڭگەنٸڭ ەۆوليۋتسييالىق دامۋ بارىسىنداعى ٷلگٸلەرٸ مەن قازاقستان ۇلتتىق بانكٸنٸڭ كوللەكتسييالىق تەڭگەلەرٸ سىندى بەس بٶلٸمنەن تۇرادى.
سان عاسىرلىق تاريحي كەزەڭدەردٸ قامتيتىن كٶرمەدە قازاق جەرٸندە مەكەن ەتكەن تٷركٸ مەملەكەتتەرٸنٸڭ اقشا تٷرلەرٸ تانىستىرىلدى. تەۋەلسٸزدٸگٸمٸزدٸڭ جارشىسى بولعان تەڭگەلەردٸڭ 1993 جىلعى العاشقىلارىنان باستاپ, بٷگٸنگٸ تاڭعا دەيٸنگٸ دامۋ تاريحىنان حابار بەرەتٸن ٷلگٸلەرٸ كٶپشٸلٸك نازارىنا ۇسىنىلدى. مەسەلەن, قازٸرگٸ تاڭدا ەلەمدەگٸ جالعىز ٷلگٸسٸ عانا بەلگٸلٸ بولىپ وتىرعان شىڭعىس حان اتىمەن سامارقاندا سوعىلعان التىن دينار جəنە بٷگٸنگٸ تاڭعا دەيٸن بەلگٸسٸز بولىپ كەلگەن تىڭ جاڭالىق - جەڭگٸر حان تۇسىندا سوعىلعان مىس اقشا دا جۇرتشىلىق نازارىنا ۇسىنىلدى. عالىمدار مۋزەي قورىندا ساقتالعان, سامارقاند اقشا سارايىندا جاسالعان دينار قازٸرگٸ كٷندە تيپولوگييالىق تۇرعىدا ەلەمدەگٸ جالعىز اقشا دەپ وتىر. نۋميزماتيكا تاريحىندا قازاق حاندارى اراسىندا ٶز اتىنان اقشا سوقتىرعان تەك تۇرسىن مۇحاممەد حاننىڭ تەڭگەلەرٸ عانا بەلگٸلٸ بولىپ كەلگەن بولسا, سالقام جەڭگٸر حانعا ارناپ جاسالعان تەڭگەنٸڭ تابىلۋى دا ايتارلىقتاي جاڭالىققا يە. قازاق نۋميزماتيكاسىنىڭ تاريحىنا جاڭاشا كٶزقاراسپەن قاراۋعا مٷمكٸندٸك بەرەتٸن بۇل تيىن ٷلگٸسٸ ٶتە سيرەك كەزدەسەتٸن اقشالار قاتارىنان ورىن الادى.
ايتا كەتەيٸك, «ەزٸرەت سۇلتان» قورىق-مۋزەيٸنٸڭ نۋميزماتيكالىق قورىندا بٷگٸنگٸ تاڭدا 13 مىڭنان اسا جەدٸگەر ساقتاۋلى.
