تٷركٸستاندا ەكٸ بالاسىن ٶلتٸردٸ دەگەن كٷدٸكپەن اناسى ٸزدەستٸرٸلٸپ جاتىر. بۇل تۋرالى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ حابارلايدى.
7 اقپاندا تٷركٸستان قالاسىنىڭ جالدامالى پەتەرلەرٸنٸڭ بٸرٸنەن ەكٸ جاس بالانىڭ دەنەسٸ تابىلدى. كەيبٸر مەلٸمەتتەر بويىنشا ولاردى اناسى جاستىقپەن تۇنشىقتىرىپ ٶلتٸرگەن.
وسى فاكتٸ بويىنشا قىلمىستىق ٸس قوزعالدى. ٶلٸمنٸڭ سەبەبٸن انىقتاۋ ٷشٸن بالالاردىڭ دەنەسٸ ساراپتاماعا جولداندى.
"قازٸرگٸ ۋاقىتتا بولعان وقيعانىڭ بارلىق مەن-جايىن انىقتاۋ جەنە بالالاردىڭ قايتىس بولعانى مەن ولاردىڭ مەكەن-جايى تۋرالى قۇربىسىنا حابارلاعان انانىڭ, ياعني قىزىلوردا وبلىسى تۇرعىنىنىڭ ورنالاسقان جەرٸن انىقتاۋ ماقساتىندا قاجەت جەدەل-تەرگەۋ شارالارى جٷرگٸزٸلٸپ جاتىر. ٸستٸڭ تەرگەۋ بارىسى مەنٸڭ جەكە باقىلاۋىمدا. تۇرعىنداردان جالعان اقپارات تاراتپاۋدى سۇرايمىن”, – دەيدٸ تٷركٸستان وبلىسىنىڭ پوليتسييا دەپارتامەنتٸ باستىعى مۇرات قابدەنوۆ.
سوڭعى مەلٸمەتتەر بويىنشا ٶز بالالارىن تۇنشىقتىرىپ ٶلتٸردٸ دەگەن كٷدٸكپەن ٸزدەستٸرٸلٸپ جاتقان ەيەل قىزىلوردا وبلىسى شيەلٸ اۋدانىنداعى ا.س.پۋشكين اتىنداعى №46 مەكتەپ-ليتسەيدە مەكتەپكە دەيٸنگٸ سىنىپتا تەربيەشٸ بولىپ جۇمىس ٸستەگەن.
بولعان جاعدايعا قاتىستى شيەلٸ اۋداندىق بٸلٸم بٶلٸمٸ پٸكٸر بٸلدٸردٸ.
“جاعداي ەلٸ تولىق زەرتتەلگەن جوق جەنە ەزٸرگە ەشقانداي ناقتى اقپارات جوق. بولجام جاساپ, جالعان اقپارات تاراتپاۋعا شاقىرامىز. ەگەر ٸزدەۋدەگٸ كٷدٸكتٸنٸ كٶرسەڭٸز دەرەۋ تيٸستٸ ورگاندارعا حابارلاسىڭىز”, – دەلٸنگەن حابارلامادا.
