تٷركٸستانداعى قايعىلى وقيعانىڭ مەن-جايى بەلگٸلٸ بولدى, دەپ حابارلايدى ult.kz.
تٷركٸستان وبلىسى كەلەس اۋدانىنداعى وشاقتى كانالىندا قايعىلى جاعداي بولىپ, بٸر ٷيدٸڭ ەكٸ بالاسى – 13 جاستاعى دياس پەن 8 جاستاعى يۋسۋفاحمەت كٶز جۇمدى. قۇتقارۋشىلار ولاردى بٸر تەۋلٸك بويى ٸزدەپ, كەيٸن ەكٸ بالانىڭ دا دەنەسٸن سۋدان تاپقان.
الدىن الا مەلٸمەت بويىنشا, وقيعا بالالاردىڭ ٷلكەندەردٸ قاراۋسىز قالعان سەتٸندە بولعان. كٶپبالالى وتباسىنىڭ اناسى ايگٷل تاماشەۆا سول كٷنٸ تاڭعى ساعات 05:00-دە جۇمىسقا كەتكەن. ارتىنشا مٷمكٸندٸگٸ شەكتەۋلٸ ەكەسٸ دە نەپاقا تابۋ ٷشٸن ٷيدەن شىققان. ٷيدەگٸ بالالارعا ٷلكەن قىزى قاراعانىمەن, ول اناسىنا دەرٸ-دەرمەك اپارۋ ٷشٸن سىرتقا كەتكەن كەزدە دياس پەن يۋسۋفاحمەت ٷيدەن شىعىپ كەتكەن. تۋىستارىنىڭ ايتۋىنشا, اعايىندىلار جاقىن ماڭداعى كانالعا بارعان.
كۋەگەرلەردٸڭ بولجامىنشا, الدىمەن كٸشٸسٸ سۋعا قۇلاپ كەتكەن بولۋى مٷمكٸن. ونى قۇتقارماق بولعان اعاسى دا قاتتى اعىسقا تٷسٸپ, ەكەۋٸ دە سۋدان شىعا الماعان. رەسمي ورگاندار بۇل نۇسقانى ەزٸرگە راستاعان جوق.
ٸزدەستٸرۋ جۇمىستارى تەۋلٸك بويى جٷرگٸزٸلدٸ. نەتيجەسٸندە قۇتقارۋشىلار بٸر بالانىڭ مەيٸتٸن اۋىل ماڭىنان, ال ەكٸنشٸسٸنٸڭ دەنەسٸن اعىس الىپ كەتكەن شامامەن بٸر شاقىرىم جەردەن تاپقان.
ايگٷل تاماشەۆا جەتٸ بالانىڭ اناسى. بٸر كٷندە ەكٸ بٸردەي ۇلىنان ايىرىلعان وتباسى اۋىر قايعىنى باستان ٶتكەرٸپ وتىر. قازٸرگٸ ۋاقىتتا وقيعانىڭ ناقتى سەبەپتەرٸ انىقتالىپ, تيٸستٸ ورگاندار تەكسەرۋ جٷرگٸزۋدە.
