تٷركٸستاندا جاڭادان جارىق كٶرگەن «بەكزات» كٶركەم فيلمٸنٸڭ تۇساۋى كەسٸلدٸ. «حابار» اگەنتتٸگٸنٸڭ تاپسىرىسىمەن تٷسٸرٸلگەن تۋىندى سيدنەي وليمپياداسىنىڭ چەمپيونى, جاسىنداي جارق ەتكەن جۇلدىز, بوكسشى بەكزات ساتتارحانوۆقا ارنالعان, دەپ حابارلايدى "ۇلت اقپارات".
كارتينانىڭ تۇساۋكەسەرٸندە سٶز العان «حابار» اگەنتتٸگٸ اق باسقارما تٶراعاسىنىڭ بٸرٸنشٸ ورىنباسارى رينات كەرتاەۆ جەر جاھانعا 20 جاسىندا ٶز ەلٸنٸڭ اتىن تانىتىپ كەتكەن قايسار ۇل ساتتارحانوۆ بارلىق يگٸ ٸلتيپاتقا لايىق ەكەنٸن اتاپ ٶتتٸ.
«جاسىنداي جارق ەتكەن جاس عۇمىردىڭ ەرتە ٷزٸلگەنٸ قاي-قايسىمىزدىڭ دا قابىرعامىزدى قايىستىردى. بەكزاتتاي باتىردىڭ بولمىسىن بٷگٸنگٸ ۇرپاقتىڭ جادىنا جەتكٸزۋ, بٷگٸنگٸ ۇرپاق ساناسىنا سٸڭٸرۋ – بارشامىزدىڭ پارىزىمىز. سوندىقتان دا, «حابار» اگەنتتٸگٸ, سيدنەي وليمپياداسىنىڭ چەمپيونى, بەلگٸلٸ بوكسشى - بەكزات ساتتارحانوۆ تۋرالى تۇڭعىش اۆتوبيوگرافييالىق «بەكزات» دراماسىن تاسپالاۋدى ۇيعاردى. ماقساتىمىز - ەرتە سٶنگەن جۇلدىزدىڭ ساناۋلى عۇمىرىنداعى جٸگەرلٸ جەتٸستٸكتەرٸن, قايتپاس قايسارلىعىن, ۇلتجاندىلىعى مەن نامىسقويلىعىن كٶرسەتۋ ارقىلى بٷگٸنگٸ جاس ۇرپاقتى رۋحتاندىرۋ, جاس سپورتشىلارىمىزعا بۇقارالىق سالاۋاتتى ٶمٸر سالتىن ناسيحاتتاۋ بولىپ تابىلادى», - دەدٸ ول.
سونداي-اق, فيلمنٸڭ العاشقى كٶرسەتٸلٸمٸنە داڭقتى سپورتشىنىڭ اتا-اناسى, تۋىستارى قاتىستى.
«20 جاس عۇمىرىندا قولىنان كەلگەنشە ەلٸنە بارلىق كٷش-جٸگەرٸن بەرٸپ كەتتٸ. بەكزاتقا قانداي ماراپات, قانداي كينو شىعارسا دا ارتىق بولماس. بەكزاتتى جاستاردىڭ الدىنا ٷلگٸ ەتٸپ قويسا... ونىڭ يماندىلىعى, ٷلكەندٸ سىيلاۋى, قازاقىلىعى, بٸربەتكەيلٸگٸ, العا قويعان ماقساتىن ورىندايتىن مٸنەزٸ قازٸرگٸ قازاق جاستارىنا كەرەك», - دەدٸ مارقۇم سپورتشىنىڭ ەكەسٸ سەيٸلحان ساتتارحانوۆ.
تۋىندى سيۋجەتٸندە بوكسشى ٶمٸرٸنٸڭ ٷش كەزەڭٸ قامتىلادى: بالالىق شاعى, بوز بالا كەزەڭٸ جەنە ٶمٸرٸنٸڭ سوڭعى سەتٸ. 90-جىلداردىڭ باسىنداعى قيىن-قىستاۋ زامانعا تاپ كەلگەن بەكزاتتىڭ بالالىعى كٶپ قيىندىقتارمەن ٶتەدٸ. تٷركٸستان قالاسىنداعى تەمٸر جولدى بويلاي ورنالاسقان شاعىن اۋىلدىڭ قاراپايىم تٸرشٸلٸگٸ بالا بەكزاتتىڭ كٶزٸمەن بەينەلەنەدٸ. ونىڭ ارمانى, نامىسقوي بٸتٸمٸ ەربٸر سەتتە سىنالىپ وتىرادى.
بٸردە اتا-اناسى بەكزاتتى كٷرەسكە قاتىسسىن دەپ باپكەرگە اپارادى. وندا ول سەرگەكتٸگٸمەن كٶزگە تٷسەدٸ. دەگەنمەن كٷرەسكە قاتىسقان بالانىڭ بويى ٶسپەي قالادى دەگەن تٷسٸنٸكپەن ونى بوكسقا اۋىستىرادى. باپكەرٸمەن تانىسقان كٷننەن باستاپ, بۇل سپورت تٷرٸنە ەرەكشە ماحابباتى اشىلادى. كٷن سايىن ەرٸنبەي جاتتىعىپ, العاش رەت تٷركٸستاندا ٶتكەن سايىستا جارقىراپ كٶرٸنەدٸ. بوزبالا شاعىندا گەرمانييادا ٶتكەن تۋرنيردە توپ جارىپ, باپكەرلەر وليمپياداعا دايارلاۋ جاتتىعۋلارىنا قابىلدايدى. 1999 جىلى تاشكەنتتە ٶتكەن بٷكٸل ازييا بٸرٸنشٸلٸگٸندە كٷمٸس جٷلدەگە يە بولىپ, وليمپيادا ويىندارىنا جولداما الادى. وسىلايشا 2000 جىلى سيدنەيدە تارتىستى ويىندار ٶتكٸزٸپ, التىن مەدالعا يە بولادى.
كارتينانىڭ رەجيسسەرٸ - مۇرات بيدوسوۆ, ستسەنارييٸن سەرجان زاكەرۇلى جازعان.
فيلمنٸڭ تٷسٸرٸلٸم جۇمىستارى تٷركٸستان, الماتى جەنە ىستانبۇل قالالارىندا ٶتكەن. باستى رٶلدٸ جاس اكتەر سامات ەزٸمقۇلوۆ وينايدى. ول 2006-2007 جىلدارى كيكبوكستان جاستار اراسىندا ەكٸ رەت قازاقستان چەمپيونى بولعان. سونىمەن قاتار تۋىندىدان عالىمبەك وسپانوۆ, مۇرات جارىلقاسىنوۆ, مايرا ماقۇلبەكوۆا, دۋلىعا اقمولدا, قۋانىش مۇقاتاي, باقدەۋلەت شايماحان جەنە باسقا اكتەرلەردٸ كٶرۋگە بولادى.
تولىق مەتراجدى كارتينا 3 قازاننان باستاپ ەلٸمٸزدٸڭ بارلىق كينوتەاترلارىندا كٶرسەتٸلەدٸ.
