تٷركٸستانداعى «كونگرەسس حولل» كەشەنٸندە قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ ۇيىمداستىرۋىمەن, «AMANAT» پارتيياسىنىڭ قولداۋىمەن «التىن دومبىرا» رەسپۋبليكالىق اقىندار ايتىسى باستالدى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
بيىلعى سٶز دوداسى احمەت بايتۇرسىنۇلىنىڭ 150 جىلدىعىنا ارنالدى. ايتىستىڭ اشىلۋ سالتاناتىندا «AMANAT» پارتيياسىنىڭ تٶراعاسى, قازاقستان رەسپۋبليكاسى پارلامەنتٸ مەجٸلٸسٸنٸڭ تٶراعاسى ەرلان قوشانوۆ قۇتتىقتاۋ سٶز سٶيلەپ, احمەت بايتۇرسىنۇلىنىڭ ەل تاريحىنداعى ورنىنا توقتالىپ, قازاقتىڭ ايتىس ٶنەرٸنٸڭ دامۋىنا قولداۋ كٶرسەتۋ جالعاساتىنىن جەتكٸزدٸ.
«كيەلٸ تٷركٸستان توپىراعىندا الامان ايتىستىڭ شىمىلدىعىن اشىپ وتىرمىز. «اMANAT» پارتيياسى رۋحانييات پەن مەدەنيەتكە جان-جاقتى قامقورلىق جاساپ كەلەدٸ. سونىڭ بٸر ايعاعى – ۇلتىمىزدىڭ بويتۇمارىنا اينالعان وسى ايتىس. ەل پرەزيدەنتٸ قاسىم-جومارت توقاەۆتىڭ باستاماسىمەن ەلٸمٸز جاڭا دەۋٸرگە, ەدٸلەتتٸ قازاقستانعا قادام باستى. قوعام ٶزگەرٸپ جاتىر. وسى وڭ ٶزگەرٸستەردٸ بولاشاققا اقىندارىمىز جەتكٸزەدٸ دەپ ويلايمىن. بٷگٸن ورامدى ويلاردى, اتالى سٶزدەردٸ ەستيمٸز دەگەن سەنٸمدەمٸن», – دەدٸ ەرلان قوشانوۆ.
تٷركٸستان وبلىسىنىڭ ەكٸمٸ دارحان ساتىبالدى ەلٸمٸزدٸڭ ەڭ ٷزدٸك 18 اقىنىنىڭ تٷركٸستان تٶرٸندە باس قوسقانىنا قۋانىشتى ەكەنٸن اتاپ ٶتتٸ.
«تەۋەلسٸزدٸك كٷنٸ قارساڭىندا تٷركٸستان تٶرٸندە باستالعان «التىن دومبىرا» ايتىسىنا قوش كەلدٸڭٸزدەر. جۋىردا مەملەكەت باسشىسى قاسىم-جومارت توقاەۆ تٷركٸستان وبلىسىنا جۇمىس ساپارىندا تٷركٸستانعا ەرەكشە مەرتەبە بەرۋ جٶنٸندە ۇسىنىسىن ايتتى. سوندىقتان «التىن دومبىرانىڭ» تٷركٸ جۇرتىنىڭ رۋحاني تٶرٸندە ٶتۋٸ – بٸز ٷشٸن زور مەرتەبە ەرٸ زاڭدىلىق. ٶزدەرٸڭٸزگە بەلگٸلٸ, وسىدان 4 جىلدان استام ۋاقىت بۇرىن ٶزٸنٸڭ تاريحي تۇعىرىنا قايتا قونعان تٷركٸستان قالاسى جاڭارۋ مەن جاڭعىرۋدىڭ بۇرىن-سوڭدى بولماعان جاڭا بەلەسٸنە كٶتەرٸلدٸ. بٷگٸنگٸ ايتىسىمىز ۇلت قايراتكەرٸ احمەت بايتۇرسىنۇلىنىڭ 150 جىلدىق مەرەيتويىنا ارنالىپ وتىر. اقىندارىمىزعا سەتتٸلٸك, شابىت تٸلەيمٸن. بٸز وسىنداي مەدەني-رۋحاني ٸس-شارالاردى قابىلداۋعا ەرقاشان دايىنبىز», – دەدٸ دارحان ساتىبالدى.
بيىلعى جىلدىڭ باستى دوداسىنا ەلٸمٸزدٸڭ ەر ٶڭٸرٸندە جىل بويى ٶتكەن ايتىستاردا جەڭٸمپاز اتانعان تانىمال اقىندار جينالعان.
ايتىستى قازاقستاننىڭ ەڭبەك سٸڭٸرگەن قايراتكەرٸ, قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتى امانجول ەلتاەۆ جٷرگٸزۋدە. تٷركٸستاندىق ٶنەر سٷيەر قاۋىم مەن كٶرەرمەندەر اقىنداردى ٷلكەن قوشەمەتپەن قارسى الىپ, قولداۋ كٶرسەتٸپ جاتىر.
ايتا كەتەيٸك, رەسپۋبليكالىق «التىن دومبىرا» اقىندار ايتىسى 2012 جىلدان باستاپ ۇيىمداستىرىلىپ كەلەدٸ. بىلتىر بۇل دودادا تٷركٸستاندىق بەكارىس شويبەكوۆ جەڭٸمپاز اتانعان بولاتىن.
تٷركٸستان تٶرٸندەگٸ ايتىس 2 كٷنگە جالعاسادى.
