فوتو: Gov.kz
جەتٸساي اۋدانىنىڭ ماقتا داقىلىن ٶندٸرۋشٸ شارۋالارىنىڭ مەسەلەسٸن وڭتايلى شەشۋ ماقساتىندا ٶڭٸردٸڭ ماقتا ٶڭدەۋ زاۋىتتارى مەن اۋداننىڭ ٸرٸ شارۋا قوجالىق تٶراعالارىمەن كەزدەسۋ ٶتكٸزدٸ, دەپ حابارلايدى «ۇلت اقپارات».
وبلىستىق ەكٸمدٸكتٸڭ باسپاسٶز قىزمەتٸنٸڭ مەلٸمەتٸنشە, اشىق ەڭگٸمە بارىسىندا ماقتا شارۋشىلىعى سالاسىنداعى ٶزەكتٸ مەسەلەلەر تالقىلانىپ, اۋدان باسشىسى تاراپىنان تيٸستٸ ۇسىنىستار ەنگٸزٸلدٸ. ديقانداردىڭ ۋەجٸن جەتكٸزگەن سەرٸك ٷسەنۇلى زاۋىت باسشىلارىنا بٸرقاتار تالاپتار قويدى.
– Cٸزدەرمەن اۋدانىمىزدىڭ شارۋالارى ٷشٸن ماڭىزدى مەسەلەلەردٸ تالقىلاپ, ورتاق مەمٸلەگە كەلۋ ٷشٸن ارنايى كەزدەسٸپ وتىرمىز. اۋىلدىق وكرۋگتەردە ٶتكەن كەزدەسۋلەردە شارۋالاردىڭ ايتاتىن بٸرٸنشٸ مەسەلەسٸ – اۋىل شارۋاشىلىعىندا ٶندٸرٸلگەن ٶنٸمدەردٸڭ, سونىڭ ٸشٸندە ماقتانىڭ باعاسى. شارۋالاردىڭ ەرتە كٶكتەمنەن قارا كٷزگە دەيٸنگٸ ەڭبەگٸ زايا كەتپەسٸن. مٷمكٸندٸگٸنشە دۇرىس باعا شىعارىڭىزدار, بٸر جىل جىلداعىدان ازىراق پايدا تاپساڭىزدار ەشتەڭە ەتپەيدٸ, – دەگەن اۋدان باسشىسى ماقتا قابىلداۋ بەكەتتەرٸندەگٸ تارازىدان الداۋ, زەرتحانالاردا ماقتا ساپاسىن قاساقانا تٶمەندەتۋ سەكٸلدٸ جاعدايلارعا جول بەرٸلمەۋ كەرەكتٸگٸن ەسكەرتتٸ.
بٷگٸندە اۋدان اۋماعىندا ورنالاسقان ماقتا قابىلداۋشى 7 ماقتا ٶڭدەۋ زاۋىتتارى مەن 77 ماقتا قابىلداۋ بەكەتتەرٸنٸڭ 45-ٸ اۋدان اۋماعىندا ورنالاسقان ماقتا ٶڭدەۋ زاۋىتتارىنا تيەسٸلٸ بولسا, قالعان 32-سٸ ماقتارال اۋدانى اۋماعىندا ورنالاسقان ماقتا ٶڭدەۋ زاۋىتتارىنا تيەسٸلٸ.
ماقتا ٶڭدەۋ زاۋىتتارى ٶكٸلدەرٸنٸڭ ايتۋىنشا, ەر كومپانييا تٸكەلەي حالىقارالىق ماقتا ساۋداگەرلەرٸمەن (ترەيدەرلەرمەن) جۇمىس ٸستەيدٸ. ال ترەيدەرلەر ماقتا تالشىقتارىن ساتىپ الۋ بويىنشا الدىن الا كەلٸسٸمشارت جاساپ, قارجىلاندىرادى. سول سەبەپتٸ, ماقتانى شيكٸزات كٷيٸندە ساتىپ الۋعا قاجەتتٸ قاراجاتتىڭ بارلىعى دەرلٸك جەكە ينۆەستيتسييالار دەۋگە بولادى. جيىنعا كەلگەن ماقتا زاۋىت باسشىلارى دەل قازٸرگٸ كەزدە سۇرانىستىڭ جوقتىعىن العا تارتتى. باعا – ماقتا ساپاسىنا بايلانىستى ەكەنٸن مەلٸمدەدٸ.
اۋدان ەكٸمٸ كەزدەسۋ بارىسىندا زاۋىت باسشىلارىنا ماقتانى تازالاۋمەن قاتار, قايتا ٶڭدەۋمەن اينالىسۋدى ۇسىندى. ٶيتكەنٸ, 79,3 مىڭ گەكتار جەرگە اۋىل شارۋاشىلىعى داقىلدارىن ورنالاستىراتىن اۋداننىڭ 40,8 مىڭ گەكتاردان استام جەرٸنە ماقتا شيتٸ ەگٸلەدٸ.
ايتا كەتەيٸك, ماقتالىق القاپتارعا دەفولياتسييالاۋ جۇمىستارى جٷرگٸزٸلٸپ, كٷزگٸ جيىن-تەرٸم ناۋقانىنا 715 دانا تراكتور, 897 دانا تراكتور تٸركەمەلەرٸ, 61 دانا وۆح, 232 دانا ماقتا تەرٸم ماشينالارى دايىن. 1665 توننا جەڭٸلدەتٸلگەن ديزەل وتىنى بٶلٸنٸپ, الدىن الا بولجام بويىنشا گەكتارىنان 25,8 تسەنتنەردەن ٶنٸم الىنادى دەپ جوسپارلانىپ وتىر.
