فوتو: Gov.kz
تٷركٸستان وبلىسىنىڭ ەكٸمٸ دارحان ساتىبالدىنىڭ تاپسىرماسىنا سەيكەس وبلىس ەكٸمٸنٸڭ ورىنباسارى ەرتاي التاەۆ پەن وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ جەتٸساي اۋدانىنا ٸسساپارمەن بارىپ, ماقتا القاپتارى مەن ماقتا زاۋىتتارىندا بولدى. شارۋالار مەن ديقاندارمەن ەركٸن فورماتتا تٸلدەسٸپ, ۇسىنىس-پٸكٸرلەرٸن تىڭدادى, دەپ حابارلايدى «ۇلت اقپارات».
كەزدەسۋ بارىسىندا كٷزگٸ جاۋىن-شاشىنعا قالدىرماي ماقتا تەرٸم ناۋقانىن ساپالى ۇيىمداستىرۋ, كٷزگٸ جيىن-تەرٸمگە بەرٸلەتٸن مەملەكەتتٸك قولداۋلاردى ٶز ۋاقىتىندا كٶرسەتۋ, ماقتا باعاسى مەن باسقا دا مەسەلەلەر سارالاندى. ماقتا قابىلداۋ بەكەتتەرٸندەگٸ تارازىدان الداۋ, زەرتحانالاردا ماقتا ساپاسىن قاساقانا تٶمەندەتۋ سەكٸلدٸ جاعدايلارعا جول بەرمەۋ ماقساتىندا ماقتا قابىلداۋ بەكەتتەرٸندەگٸ تارازىلار تەكسەرٸلدٸ.
ماقتا ٶڭدەۋ زاۋىتتارى باسشىلارىنىڭ ايتۋىنشا, ەر كومپانييا تٸكەلەي حالىقارالىق ماقتا ساۋداگەرلەرٸمەن (ترەيدەرلەرمەن) جۇمىس ٸستەيتٸندٸكتەن ماقتا تالشىقتارىن شيكٸزات كٷيٸندە ساتىپ الۋعا قاجەتتٸ قاراجاتتىڭ, جەكە ينۆەستورلار تاراپىنان سۇرانىستىڭ جوقتىعىن العا تارتتى. باعا – ماقتا ساپاسىنا بايلانىستى ەكەنٸن مەلٸمدەدٸ.
شارۋالارمەن جٷزدەسۋ بارىسىندا ٶڭٸر باسشىسىنىڭ تاپسىرماسى اياسىندا ماقتا كلاستەرٸن دامىتۋعا كٷش سالىنعانى, بۇل باعىتتى بارىنشا دامىتۋ ماڭىزدى ەكەنٸ ايتىلدى.
نەگٸزگٸ تابىسى مەن كٷنكٶرٸسٸ اگروسەكتورمەن تٸكەلەي بايلانىستى جەتٸساي اۋدانىندا بيىلعى جىلى 79,3 مىڭ گەكتار جەرگە ەگٸلگەن اۋىل شارۋاشىلىعى داقىلدارىنىڭ 40,8 مىڭ گەكتارعا جۋىعى ماقتا داقىلى بولسا, 19,7 مىڭ گەكتارى باقشا, 3,4 مىڭ گەكتارى كٶكٶنٸس, 7,3 مىڭ گەكتارى دەندٸك جٷگەرٸ مەن 6,6 گەكتار ەگٸستٸگٸ مال ازىقتىق داقىلدارى. ەگٸلگەن اۋىل شارۋاشىلىعى داقىلدارىنان 544,5 مىڭ توننا باقشا, 88,3 مىڭ توننا كٶكٶنٸس, 40,3 مىڭ توننا دەندٸك جٷگەرٸ مەن 99,2 مىڭ توننا مال ازىقتىق ٶنٸمدەرٸ الىنعان. ناۋقانعا 715 دانا تراكتور مەن 897 دانا تراكتور تٸركەمەلەرٸ, 61 دانا وۆح مەن 232 دانا ماقتا تەرٸم ماشينالارى دايىن.
ٶتكەن جىلى 45 مىڭ گەكتارعا ماقتا شيتٸن سەۋٸپ, 122 مىڭ توننا اق ۇلپا جيناعان جەتٸسايلىق شارۋالار بيىلعى جىلى دا سول مەجەنٸ ورىنداۋعا نيەتتٸ. ٶيتكەنٸ, ٶنٸم ساپاسىن ارتتىرىپ, اعىن سۋدى ٷنەمدەۋدٸڭ تيٸمدٸ تەحنولوگيياسى سانالاتىن تامشىلاتىپ سۋعارۋ ەدٸسٸ بيىلدىڭ ٶزٸندە اۋداندا 2 مىڭ گەكتارعا ارتقان. ونىڭ 300 گەكتاردان استامى ماقتا داقىلىن ٶندٸرۋشٸلەردٸڭ ەنشٸسٸندە.
