17-18 جەلتوقسان كٷندەرٸ تٷركٸستان مۋزىكالىق دراما تەاترىندا «ماحاببات مۇناراسى» جاڭا قويىلىمى تانىستىرىلادى, دەپ حابارلايدى قازاقپارات.
تٷركٸستان مۋزىكالىق دراما تەاترىنىڭ جاڭا پرەمەراسى قىسقا ٶمٸرٸندە ارتىنا مول مۇرا قالدىرعان تالاپتان احمەتجانوۆتىڭ «سۇلۋ مەن سۋرەتشٸ» شىعارماسىنىڭ جەلٸسٸمەن ساحنالانباق.
«بۇل تەك قانا عاشىقتارعا كٶرٸنەتٸن «ماحاببات مۇناراسىنا» جەتەلەيتٸن, مٸنسٸز سۇلۋلىقتان تۋعان شىعارما. مۇندا ماحاببات پەن ٶنەردٸڭ سەرەناداسى سالتانات قۇرادى. سۇلۋلىق اتاۋىن تاپ-تازا, مٶپ-مٶلدٸر ٶنەردٸڭ ٶزەگٸنەن ٸزدەپ, ٶمٸر بويى ماحابباتىنا ادال بولعان جاننىڭ سەزٸمٸنە ەلٸتٸپ, قۇدٸرەتٸنە يٸپ وتىرىپ كٶرەتٸن قويىلىم. پرەمەرا «الاش» ەدەبي سىيلىعى مەن ۆالەنتين پيكۋل اتىنداعى جەنە ورالحان بٶكەي اتىنداعى سىيلىقتاردىڭ لاۋرەاتى, جازۋشى-دراماتۋرگ تالاپتان احمەتجاننىڭ 60 جاسقا تولۋى پرەمەرامەن تۇسپا-تۇس كەلٸپ وتىر», - دەپ حابارلادى تەاتردىڭ باسپاسٶز قىزمەتٸ.
ت. احمەتجانوۆتىڭ بۇل شىعارماسى وسىعان دەيٸن بٸرنەشە ساحنادا قويىلعان, ال تٷركٸستان مۋزىكالىق دراما تەاترىندا ول زاماناۋي كەلبەتكە يە بولماق. باستى رٶلدەردٸ اقبوتا راحات پەن جۇلدىز ەبدٸكەرٸموۆا, ەدٸل احمەتوۆ, نۇرقانات جاقىپباەۆ جەنە تٷركٸستان تەاترىنىڭ اكتەرلەرٸ وينايدى.
قويىلىمنىڭ رەجيسسەرٸ – قازاقستاننىڭ ەڭبەك سٸڭٸرگەن قايراتكەرٸ نۇرقانات جاقىپباي. ول وسىمەن ٷشٸنشٸ تەاتر ساحناسىندا «سۇلۋ مەن سۋرەتشٸنٸ» ساحنالايدى. ٷشەۋٸ ٷش تٷرلٸ قويىلۋىمەن ەرەكشەلەنەدٸ. كٶركەمدٸك جەتەكشٸسٸ – اينۇر كٶپباساروۆا. قويۋشى سۋرەتشٸسٸ – قابىل حالىقوۆ. سپەكتاكلگە ارنايى مۋزىكا جازعان تٷركٸستان مۋزىكالىق دراما تەاترى مۋزىكالىق بٶلٸمٸنٸڭ مەڭگەرۋشٸسٸ, باس كومپوزيتورى حاميت شانعاليەۆ. بالەتمەيستەر – مادينا مۇراتپەكوۆا.
«بۇل سپەكتاكلدٸڭ باستى جاڭالىعى پرەمەرادا ەلەمگە ەيگٸلٸ اماتي (Antonius Hieronymus Amati) تاريحي اسپابىمەن شۆەيتسارييانىڭ تسيۋريح قالاسىندا تۇراتىن تالانتتى مۋزىكانت ەلدار ساپاراەۆتىڭ كەلۋٸ. ساحنادا 1628 جىلى جاسالعان 400 جىلدىق تاريحى بار ۆيولونچەلدە قويىلىمنىڭ مۋزىكاسى وينالادى. 300 جىل ەۋروپانىڭ كورولدٸك وتباسىلارىنىڭ جەكە كوللەكتسيياسىندا ساقتالعان Amati اسپابى قازٸر مۇراجايعا قويىلعان. ەلەمدە مۇنداي اسپاپتىڭ ٷشەۋٸ عانا ساقتالعان. تٷركٸستاننىڭ تٶرٸندە وينالاتىن اماتي تاريحي ۆيولونچەلٸ – ەلەمنٸڭ مەدەني مۇراسى», - دەيدٸ تٷركٸستان مۋزىكالىق دراما تەاترى.
