فوتو: okg.kz
وبلىس ەكٸمدٸگٸندە شاردارا اۋدانىنىڭ 2030 جىلعا دەيٸنگٸ دامۋ جوسپارى تالقىلاندى. ٶڭٸر باسشىسى دارحان ساتىبالدى شاردارا اۋدانىنىڭ گەوگرافييالىق ەرەكشەلٸكتەرٸن, سۋ قويماسىن, سۋارمالى القاپتارىن تيٸمدٸ پايدالانۋ كەرەكتٸگٸن ايتتى.
– شاردارا اۋدانىندا سۋارمالى جەر كٶلەمٸ مول. ەگٸن شارۋاشىلىعىن دامىتۋ, ەگٸستٸكتٸ ەرتاراپتاندىرۋ بويىنشا مٷمكٸندٸك ٶتە جوعارى. سونى دۇرىس پايدالانعان جٶن. ينۆەستيتسييا تارتۋ جۇمىستارىن كٷشەيتۋ قاجەت. بٸز بۇل دامۋ جوسپارىن نە ٷشٸن ەزٸرلەپ وتىرمىز? ناقتى ينديكاتور قويىپ, ەر جىلعا بٶلٸپ, بەكٸتٸپ الماساق, جۇمىس جٷيەلٸ بولمايدى. يدەيا تابىلسا, قارجى تاپشى, قارجى تابىلسا, جوبالار بولماي قالماۋى ٷشٸن 6 جىلعا جوسپار جاسادىق. وسىنى جٷزەگە اسىرۋ ٷشٸن بارلىق باسقارما ٶزدەرٸ جاۋاپتى سالالارى بويىنشا جۇمىس ٸستەيدٸ, ينفراقۇرىلىم تارتۋ جەنە تاعى باسقا مەسەلەلەردٸ شەشەدٸ. سوندا عانا جوبالار ٸسكە اسىپ, ايماقتىڭ ەكونوميكاسى كٶتەرٸلەدٸ, – دەگەن دارحان امانگەلدٸۇلى جاۋاپتى تۇلعالارعا تيٸستٸ تاپسىرمالار جٷكتەدٸ.
شاردارا اۋدانىنىڭ ەكٸمٸ ارمان قارسىباەۆتىڭ ايتۋىنشا, اۋداندى دامىتۋدا 4 باعىت تاڭدالعان. ولار: تۋريزم, اۋىل شارۋاشىلىعى, ٶنەركەسٸپ جەنە بالىق شارۋاشىلىعى. 2024-2030 جىلدار ارالىعىندا اۋداندا 154 ينۆەستيتسييالىق جوبا جٷزەگە اسىپ, 4 مىڭعا جۋىق جۇمىس ورنى قۇرىلادى. جوبالاردىڭ جالپى قۇنى 210 ملرد. تەڭگەدەن اسادى. ٶنەركەسٸپ جەنە ساۋدا سالاسىندا 49 جوبا, تۋريزم – 16, بالىق شارۋاشىلىعى – 75 جەنە اۋىل شارۋاشىلىعى سالاسىندا 14 جوبا جوسپارلانعان. نەتيجەسٸندە 2030 جىلعا دەيٸن اۋدانعا تارتىلعان ينۆەستيتسييا كٶلەمٸ 3,2 ەسە ٶسەدٸ. ٶنەركەسٸپ سالاسىندا 27 جوبا جٷزەگە اسىپ, زاۋىتتار مەن ٶندٸرٸس ورىندارى كٶبەيەدٸ. 2300-گە جۋىق ادام جۇمىسپەن قامتىلماق. وسىلايشا, ٶنەركەسٸپ ٶنٸمٸن 100 ملرد. تەڭگەگە جاقىنداتىپ, 4 ەسە ٶسٸرۋ كٶزدەلٸپ وتىر. اۋداندا ەگٸستٸكتٸ ەرتاراپتاندىرۋ, كٶكٶنٸستٸ, دەندٸ داقىلداردى تەرەڭ ٶڭدەۋ سالالارى بويىنشا دا جۇمىستار اتقارىلادى.
مەجٸلٸستە كەسٸپكەرلٸك, اۋىل شارۋاشىلىعى جەنە ٶزگە دە باسقارما باسشىلارىنىڭ ۇسىنىس-پٸكٸرلەرٸ تىڭدالىپ, جوسپارعا ەنگٸزٸلدٸ.
