فوتو: Gov.kz.
تٷركٸستان وبلىسىندا ماقتا شارۋاشىلىعىن دامىتۋعا باسىمدىق بەرٸلۋدە. بۇل باعىتتا تولىق تسيكلدٸ 9 ماقتا-توقىما كلاستەرٸن قۇرۋ جۇمىستارى باستالدى. ماقتا ٶنٸمدٸلٸگٸ مەن ساپاسىن ارتتىرۋ جۇمىستارى ورداباسى اۋدانىندا دا اتقارىلىپ جاتىر, دەپ حابارلايدى «ۇلت اقپارات».
ورداباسى اۋدانىنا ٸسساپار بارىسىندا وبلىس ەكٸمٸ دارحان ساتىبالدى تٶرتكٷل اۋىلىندا ورنالاسقان ماقتا ٶڭدەۋ زاۋىتىنىڭ جۇمىسىمەن, ونداعى تەحنيكالارمەن تانىستى. وبلىس ەكٸمٸ ٶڭٸردە ماقتا كلاستەرٸن قۇرۋ باعىتىندا اۋقىمدى جۇمىستار اتقارىلىپ جاتقانىن ايتىپ, ٶنٸم ساپاسىن ارتتىرۋعا, ينۆەستورلار تارتۋعا جان-جاقتى قولداۋ كٶرسەتٸلەتٸنٸن جەتكٸزدٸ.
زاۋىت باسشىسى جاڭا جوبالاردى تانىستىرىپ, الداعى جوسپارلارىمەن بٶلٸستٸ. ونىڭ ايتۋىنشا, كەسٸپورىندا ٶنٸمدٸلٸكتٸ جەنە ماقتا ساپاسىن ارتتىرۋ ماقساتىندا تٷركييالىق ۇرىقتار ەگٸلەدٸ. كەلەسٸ جىلدان باستاپ 250 گەكتار اۋماققا تامشىلاتىپ سۋارۋ تەحنيكالارىن ەندٸرۋ كٶزدەلٸپ وتىر. 2025-2026 جىلدارى زاۋىت قايتا جاڭعىرتۋدان ٶتكٸزٸلمەك. 2027 جىلى ماقتا كلاستەرٸن قۇرۋ جوسپارلانۋدا.
«نۇر-اگرو 73» جشس ماقتا تالشىعىن ٶندٸرەدٸ. جوبا قۇنى – 255,0 ملن تەڭگە. ٶندٸرٸس قۋاتتىلىعى جىلىنا – 35 000 توننا. جەكە كەسٸپكەر 300-دەن اسا ازاماتتى جۇمىسپەن قامتىپ وتىر.
2023 جىلى ماقتا زاۋىتىندا 18 مىڭ توننا ماقتا ٶڭدەلٸپ, 6 مىڭ توننا ماقتا تالشىعى بالتىق جاعالاۋى ەلدەرٸنە, رەسەي جەنە بەلارۋس مەملەكەتتەرٸنە ەكسپورتقا شىعارىلعان.
ايتا كەتەيٸك, تٷركٸستان وبلىسى رەسپۋبليكادا ماقتا داقىلىن ٶسٸرەتٸن جالعىز ٶڭٸر. ماقتا شارۋاشىلىقتارىندا 25 مىڭ اگروقۇرىلىمدا 70 مىڭعا جۋىق ادام ەڭبەك ەتەدٸ. بيىل ماقتا داقىلىنىڭ ەگٸس كٶلەمٸ 106,4 مىڭ گەكتاردى قۇرادى. بۇل جالپى ەگٸستٸكتٸڭ 12 پايىزى.
