فوتو: okg.kz
تٷركٸستان قالاسىندا قاجىرلى ەڭبەكتەرٸمەن قوعامنىڭ ەلەۋمەتتٸك تۇراقتىلىعىنا قوماقتى ٷلەس قوسىپ كەلە جاتقان اۋىل شارۋاشىلىعى قىزمەتكەرلەرٸ كٷنٸنە وراي AGROFEST TÚRKISTAN – 2024 سالتاناتتى شاراسى ٶتتٸ. بۇل كٷنٸ الا جازداي ريزىق-نەسٸبەسٸن جەردەن تەرگەن ٶڭٸر ديقاندارىنىڭ 3000 توننادان استام ٶنٸمدەرٸ حالىققا ۇسىنىلدى.
مەرەكەلٸك شارادا «كەرۋەن ساراي» تۋريستٸك كەشەنٸندە اسىل تۇقىمدى مال شارۋاشىلىعى مەن تەحنيكالار كٶرمەسٸ جەنە اۋىل شارۋاشىلىعى ٶنٸمدەرٸنٸڭ جەرمەڭكەسٸ ۇيىمداستىرىلدى.
اۋقىمدى ٸس-شاراعا قاتىسقان وبلىس ەكٸمٸ دارحان ساتىبالدى اۋىل شارۋاشىلىعى تەحنيكالار كٶرمەسٸن كٶرٸپ, «تۇران سۋ», «ۆەتەرينارييالىق قىزمەت» مەملەكەتتٸك-كوممۋنالدىق كەسٸپورىندارىنا ارنايى تەحنيكالار تابىستادى. اۋىل شارۋاشىلىعى ٶنٸمدەرٸ جەرمەڭكەسٸن ارالاپ, كولٶنەر شەبەرلەرٸنٸڭ جۇمىستارىمەن جەنە مال شارۋاشىلىعى كٶرمەسٸمەن تانىستى. ەڭبەك ادامدارىنا قۇرمەت كٶرسەتكەن وبلىس ەكٸمٸ اۋىل شارۋاشىلىعى سالاسى ٶكٸلدەرٸن قۇتتىقتادى.
«حالىقتىڭ ەل-اۋقاتىنىڭ جوعارى بولۋى – اگروٶنەركەسٸپتٸك كەشەنٸنٸڭ دامۋىمەن تىعىز بايلانىستى. سٸزدەردٸڭ ەڭبەكتەرٸڭٸزدٸڭ ارقاسىندا وبلىستىڭ اگروٶنەركەسٸپ كەشەنٸ تۇراقتى دامىپ كەلەدٸ. تٷركٸستان وبلىسى اگرارلىق سالانى دامىتۋدا ەلٸمٸزدە جەتەكشٸ ورىنعا تۇراقتاعان. اۋىل شارۋاشىلىعىندا ەلٸمٸزدەگٸ جالپى ٶنٸم كٶلەمٸنٸڭ 14 پايىزى ٶندٸرٸلەدٸ. بيىل 9 ايدا 747 ملرد. تەڭگەگە جۋىق ٶنٸم ٶندٸرٸلدٸ. مەملەكەت باسشىسى قاسىم-جومارت كەمەلۇلى «اۋىل شارۋاشىلىعىن دامىتپاي, بەسەكەگە قابٸلەتتٸ ەكونوميكا قۇرۋ مٷمكٸن ەمەس» دەپ بۇل سالاعا ەرەكشە مەن بەرٸپ وتىر. وسى تۇرعىدا, ٶنٸمدٸلٸكتٸ ارتتىرۋ جەنە جاڭا تەحنولوگييالاردى ەندٸرۋ باعىتىندا, بٸز كٶرشٸلەس ٶزبەكستان, قىتاي جەنە تٷركييا, اۆسترالييا مەملەكەتتەرٸنٸڭ وڭ تەجٸريبەلەرٸن ەندٸرۋٸمٸز قاجەت. وبلىستىڭ تابيعي-كليماتتىق قولايلىعى, جۇمىس كٷشٸ تۇرعىسىندا سالانى جان-جاقتى دامىتۋعا مول مٷمكٸندٸكتەر بار. زامان كٶشٸنەن قالماي, ٶرلەۋ ٷشٸن الدىمىزعا اۋقىمدى جوسپارلار تٷزٸپ, بيٸك مەجەلەردٸ بەلگٸلەپ وتىرمىز. ادال ەڭبەكپەن ەلٸمٸزدٸڭ دامۋى مەن ٶركەندەۋٸنە ٶلشەۋسٸز ٷلەس قوسىپ جٷرگەندەرٸڭٸز ٷشٸن سٸزدەرگە العىسىمدى بٸلدٸرەمٸن. ٶزدەرٸڭٸزبەن بٸرگە, وبلىستىڭ اگرارلىق سالاسىنىڭ جاڭا باعىتتا دامۋىنا قول جەتكٸزەتٸندٸگٸمٸزگە سەنٸمدٸمٸن. ٶيتكەنٸ, تٷركٸستان ٶڭٸرٸنٸڭ ەڭبەكقور ەلٸ, قۇنارلى جەرٸ بار. سٸزدەردٸ بٷگٸنگٸ مەرەكەمەن قۇتتىقتاي وتىرىپ, زور دەنساۋلىق, وتباسىلارىڭىزعا اماندىق, بەرەكە مەن بٸرلٸك تiلەيمiن! ەلٸمٸزدٸڭ يگٸلٸگٸ جولىندا جاڭا تابىستارعا جەتە بەرٸڭٸزدەر. مەرەكە قۇتتى بولسىن!» دەدٸ دارحان ساتىبالدى.
سالتاناتتى شارادا وبلىس ەكٸمٸ بٸر توپ ازاماتتى قازاقستان رەسپۋبليكاسى اۋىل شارۋاشىلىعى مينيسترلٸگٸنٸڭ «ەڭبەك ارداگەرٸ» مەدالٸمەن, «اۋىل شارۋاشىلىعى سالاسىنىڭ ٷزدٸگٸ» تٶسبەلگٸسٸمەن ماراپاتتادى. جيىندا وبلىستىڭ اگرارلىق سالاسىنىڭ دامۋىنا بەلسەندٸ ٷلەس قوسىپ كەلە جاتقان وزات اگروقۇرىلىم باسشىلارى مەن ٶكٸلدەرٸنە دە قۇرمەت كٶرسەتٸلدٸ.
سونداي-اق, دامۋ كٶرسەتكٸشتەرٸمەن العاشقى ٷشتٸككە ەنگەن جەنە نەگٸزگٸ كاپيتالعا ينۆەستيتسييا تارتۋدان وزات اۋدان, قالا ەكٸمدەرٸنە وبلىس ەكٸمٸنٸڭ ديپلومى تابىستالدى. بٸرٸنشٸ ورىندى قايتا ٶڭدەۋ سالاسىن دامىتۋدا كٶش باستاپ, وبلىستىق كٶرسەتكٸشتٸڭ ورىندالۋىن قامتاماسىز ەتكەن سايرام اۋدانىنٸڭ ەكٸمدٸگٸ جەڭٸپ الدى. ەكٸنشٸ ورىن قازىعۇرت اۋدانىنىڭ ەڭبەككەرلەرٸنە بۇيىرسا, ٷشٸنشٸ ورىنعا جەتٸساي اۋدانى لايىق دەپ تانىلدى.
«AGROFEST TÚRKISTAN – 2024» مەرەكەلٸك ٸس-شاراسى قازاقستاننىڭ ەسترادا جۇلدىزدارىنىڭ قاتىسۋىمەن كەشكٸ گالا-كونتسەرتكە ۇلاستى
