فوتو: Gov.kz
تٷركٸستان وبلىسىندا اپاتتى جەنە ٷش اۋىسىمدى مەكتەپتەردٸڭ مەسەلەسٸن شەشۋ بويىنشا جۇمىستار قارقىندى جٷرگٸزٸلٸپ كەلەدٸ, دەپ حابارلايدى «ۇلت اقپارات».
وبلىس ەكٸمدٸكتٸڭ باسپاسٶز قىزمەتٸنٸڭ مەلٸمەتٸنشە, بيىل ٶڭٸردە 20 مەكتەپتٸڭ قۇرىلىسىن جٷرگٸزۋگە وبلىستىق بيۋدجەتتەن 14,7 ملرد تەڭگە قارجى قارالدى. ونىڭ ٸشٸندە, 15 مەكتەپتٸڭ قۇرىلىسى 2023 جىلدان 2024 جىلعا ٶتپەلٸ بولسا, قالعان 5 مەكتەپتٸڭ قۇرىلىسى بيىل باستالدى. جىل سوڭىنا دەيٸن 13 بٸلٸم ۇياسىنىڭ قۇرىلىسىن اياقتاپ, پايدالانۋعا تاپسىرۋ جوسپارلانىپ وتىر. بۇل نىسانداردىڭ قۇرىلىس بارىسى وبلىس ەكٸمٸ دارحان ساتىبالدىنىڭ قاتاڭ باقىلاۋىندا تۇر.
بيىل جاڭا وقۋ جىلىندا 700 ورىندىق 4 بٸلٸم ۇياسىنىڭ اشىلۋ سالتاناتى ٶتتٸ. اتاپ ايتساق, قازىعۇرت اۋدانى, قىزىلقييا اۋىل وكرۋگٸ, ايناتاس ەلدٸ مەكەنٸندەگٸ 100 ورىندىق «ايناتاس» مەكتەبٸ مەن س.راحىموۆ اۋىل وكرۋگٸ, كٶكٸبەل ەلدٸ مەكەنٸندەگٸ 300 ورىندىق بٸلٸم ۇياسى, وتىرار اۋدانىنداعى بالتاكٶل اۋىلدىق وكرۋگٸ, اقكٶل ەلدٸ مەكەنٸندە 100 ورىندىق وقۋ ورداسى, تٶلەبي اۋدانى, بٸرٸنشٸ مامىر اۋىلدىق وكرۋگٸنە قاراستى تاعاينا ەلدٸ مەكەنٸندەگٸ 200 ورىندىق جالپى ورتا بٸلٸم بەرەتٸن مەكتەپ پايدالانۋعا تاپسىرىلدى.
بۇدان بٶلەك, قاراشا-جەلتوقسان ايلارىندا تاعى 3100 ورىندىق 9 مەكتەپتٸڭ قۇرىلىس جۇمىستارى اياقتالادى دەپ كٶزدەلۋدە.
ايتا كەتەيٸك, مەملەكەت باسشىسى قاسىم-جومارت توقاەۆتىڭ باستاماسىمەن جٷزەگە اسىرىلاتىن «جايلى مەكتەپ» جوباسى اياسىندا 2023-2025 جىلدارى تٷركٸستان وبلىسىندا 63 مەكتەپتٸڭ قۇرىلىسى جوسپارلانۋدا. نەتيجەسٸندە, 60 مىڭداي وقۋشى زاماناۋي بٸلٸم وشاقتارىندا وقۋعا مٷمكٸندٸك الادى.
