تٷركٸستان وبلىسى كەلەس اۋدانى ۇشقىن اۋىلىندا 4 ادام گازدان قايتىس بولدى. ولاردىڭ بٸرەۋٸ – 4 جاسار سەبي. بۇل جٶنٸندە 29 قاراشادا تٷركٸستان وبلىستىق تٶتەنشە جاعدايلار دەپارتامەنتٸ حابارلادى, دەپ جازادى ازاتتىق راديوسى.
قايعىلى وقيعا تۋرالى حابار 28 قاراشا كٷنٸ تٷستە كەلگەن. ٷش بٶلمەلٸ ٷيدەن 4 ادامنىڭ مەيٸتٸ تابىلعان. بٸرەۋٸ – 4 جاسار سەبي.
- قايتىس بولعان ەكٸ ادام ۇشقىن اۋىلىنىڭ تۇرعىنى. ەكەۋٸ – شاردارا اۋدانىنان قوناققا كەلگەن. قازٸر وقيعا ورنىندا تەرگەۋشٸلەر جٷر, - دەدٸ ۇشقىن اۋىلى وكرۋگٸنٸڭ ەكٸمٸ عالىمجان بايدوسوۆ.
قوناققا كەلگەن 49 جەنە 47 جاستاعى ەكٸ اعايىندى جٸگٸت شاردارا اۋدانى قوسسەيٸت اۋىلىنان ۇشقىن اۋىلىنا اعاسىنىڭ اسىن بەرۋگە كەلگەن. قايعىلى وقيعا بولعان ٷيدە گازعا ارنالعان, قولدان جاسالعان تەمٸر پەش بولعان.
پوليتسييا قايعىلى وقيعا سەبەبٸن انىقتاۋ ٷشٸن سوت-مەديتسينالىق ساراپتاما تاعايىنداعان.
قازاقستاندا ەسٸرەسە وت جاعۋ ماۋسىمى باستالعان كەزدە گازدان ۋلانۋ, ىس تييۋ, گاز باللونى جارىلىسىنان بولاتىن كٸسٸ ٶلٸمٸ جيٸ كەزدەسەدٸ.
بيىل قاراشانىڭ 16-سىنا اقمولا وبلىسى شورتاندى كەنتٸندە گاز باللونى جارىلىپ, 13 ادام زارداپ شەككەن, 5 ادام قايتىس بولعان. بەسەۋدٸڭ ٷشەۋٸ سەبيلەر.
2018 جىلى قاراشادا تٷركٸستان وبلىسىندا بٸر تەۋلٸكتە بەس ادام يٸس تيٸپ قايتىس بولىپ, بەس ادام اۋرۋحاناعا تٷسكەن. 2019 جىلى اقپاندا تٷركٸستان وبلىسى كەلەس اۋدانىندا بٸر وتباسىنىڭ تٶرت ادامى ىس تيٸپ, قايتىس بولعان. بيلى, 2021 جىلى اقپاندا تٷركٸستان قالاسىنداعى جەكە تۇرعىن ٷيلەردٸڭ بٸرٸندە تابيعي گازدان ۋلانىپ, بەس ادام قازا بولعان.
