تٷركٸستان وبلىسىنىڭ ەكٸمٸ جانسەيٸت تٷيمەباەۆ يۋنەسكو-نىڭ الماتىداعى كلاستەرلٸك بيۋروسىنىڭ دەلەگاتسيياسىمەن كەزدەستٸ, دەپ حابارلايدى "ۇلت اقپارات".
ايماق باسشىسى توپ قۇرامىن باستاپ كەلگەن يۋنەسكو-نىڭ پاريجدەگٸ تاريحي قالالىق لاندشافتتار جٶنٸندەگٸ كەڭەسشٸسٸ كريستينا يامانديگە ٶڭٸردەگٸ جاڭالىقتاردىڭ جايىن تٷسٸندٸرٸپ ٶتتٸ, دەپ حابارلايدى قازاقپارات تٸلشٸسٸ.
وبلىس ەكٸمٸ كەزدەسۋ بارىسىندا دەلەگاتسييا ٶكٸلدەرٸنە تٷركٸستان وبلىسىنىڭ قايتا قۇرىلىپ, جاڭارعان تۇسىندا كەلگەنٸنە ريزاشىلىعىن بٸلدٸردٸ.
«تٷركٸستان وبلىسى مەن يۋنەسكو-نىڭ ٶڭٸرٸمٸزدٸڭ ەلەۋەتٸن ارتتىرىپ, ودان ەرٸ دامىتۋدا مٷمكٸندٸكتەرٸ زور دەپ بٸلەم. جىلدىڭ باسىندا بٸز سٸزدەرمەن «مۋزەي ٸسٸ» ماماندارىن وقىتۋ بويىنشا بٸرلەسكەن ترەنينگتەر ٶتكٸزدٸك. بٷگٸندە ٶزدەرٸڭٸز قر مەدەنيەت جەنە سپورت مينيسترلٸگٸنٸڭ قولداۋىمەن «ورتالىق ازيياداعى تاريحي قالالىق لاندشافتتارعا باعىتتالعان تەسٸلدٸ ەنگٸزۋ ارقىلى تٷركٸستانداعى قوجا احمەت ياسساۋي كەسەنەسٸن تەحنيكالىق قولداۋ» ۇلتتىق سەمينارىن ٶتكٸزۋدٸ باستادىڭىزدار. وسى جىلى كريستا پيككات حانىممەن كەزدەسۋدە بٸزدەر ماتەريالدىق جەنە ماتەريالدىق ەمەس مەدەني مۇرانى قورعاۋ, سونداي-اق يۋنەسكو-نىڭ ۇسىنىسىمەن تٸكەلەي ٸسكە اسىرىلاتىن مامانداردى دايارلاۋ مەن ولاردى وقىتۋ مەسەلەلەرٸندەگٸ جۇمىستى تەرەڭدەتۋگە ۋاعدالاستىق. وسىعان بايلانىستى, يۋنەسكو-نىڭ پاريجدەگٸ كەڭسەسٸ مەن كريستينا ياماندي حانىمنىڭ وبلىسىمىزعا ساپارى ٷشٸن جەكە العىسىمدى بٸلدٸرگٸم كەلەدٸ», - دەدٸ ايماق باسشىسى.
وتىرىستا تاراپتار تٷركٸستان وبلىسى مەن ونىڭ ورتالىعى تٷركٸستان قالاسى جٶنٸندە ەڭگٸمەلەستٸ. يۋنەسكو-نىڭ ق.ا.ياسساۋي كەشەنٸن ناقتى اۋماقتىق بايلانىستىرۋ جەنە ونى تٷركٸستان وبلىسىنىڭ ورتالىعى رەتٸندە تٷركٸستان شاھارىنىڭ جالپى دامۋ ديناميكاسىنا بٸرٸكتٸرۋ قاجەتتٸگٸ تۋرالى قورىتىندىعا كەلگەنٸ وبلىس ٷشٸن ٶتە ماڭىزدى ەكەنٸن العا تارتقان ج.تٷيمەباەۆ ۇيىم تاراپىنان ۇسىنىلاتىن باستامالاردى جان-جاقتى, تولىق قولداۋعا ەزٸر ەكەنٸن جەتكٸزدٸ. بۇل رەتتە, ناقتى نەتيجەگە قول جەتكٸزۋ ٷشٸن جۇمىستاردى شەبەرلٸك ساعاتى, ساراپشىلار مەن مامانداردىڭ باسىن قوسقان سەمينارلار تٷرٸندە ۇيىمداستىرۋدى ۇسىندى.
