تٷركٸستاندا حالىقارالىق قارتتار كٷنٸ مەرەكەسٸ اتالىپ ٶتتٸ. سالتاناتتى ٸس-شاراعا تٷركٸستان وبلىسىنىڭ ەكٸمٸ دارحان ساتىبالدى قاتىسىپ, ٶڭٸر اقساقالدارى مەن ارداقتى ەجەلەرٸن قۇتتىقتاپ, قۇرمەت كٶرسەتتٸ, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«بارشاڭىزدى 1 قازان – حالىقارالىق قارتتار كٷنٸ مەرەكەسٸمەن شىن جٷرەكتەن قۇتتىقتايمىن. قازاق حالقىندا «قارتى بار ەل قازىنالى ەل» دەگەن ناقىل سٶز بار. ٷلكەندٸ سىيلاۋ, ولارعا قۇرمەت كٶرسەتۋ – اتا-بابادان كەلە جاتقان سالتىمىز. ەل پرەزيدەنتٸ قاسىم-جومارت توقاەۆ جۋىردا تٷركٸستان تۇرعىندارىمەن كەزدەسۋدە شاھارعا قولداۋ جالعاساتىنىن ايتتى. بۇل رەتتە ٶڭٸردٸ دامىتۋدا سٸزدەردٸڭ دە ەڭبەكتەرٸڭٸز مول. وبلىستا 179 مىڭنان استام ارداگەرٸمٸزدٸڭ ەلەۋمەتتٸك جاعدايىن جاقسارتۋ ماقساتىندا ەر تٷرلٸ باعىتتا جۇمىستار اتقارىلىپ, مەدەني-رۋحاني ٶمٸرگە بەلسەنە ارالاسۋلارىڭىزعا قولايلى جاعداي جاسالۋدا. مەرەيلٸ مەرەكەدە بارشاڭىزعا زور دەنساۋلىق, ۇزاق ٶمٸر, وتباسىلارىڭىزعا – اماندىق, ۇرپاقتارىڭىزعا باق-بەرەكە تٸلەيمٸن», – دەدٸ د.ساتىبالدى.
مەرەكەلٸك ٸس-شاراعا اۋدان, قالالاردان وبلىسقا ەڭبەگٸ سٸڭگەن ەڭبەك ارداگەرلەرٸ مەن زييالى قاۋىم ٶكٸلدەرٸ شاقىرىلىپ, قۇرمەتكە بٶلەندٸ. ولاردىڭ بٸرقاتارىنا العىس حاتتار تاپسىرىلدى. ٶڭٸر باسشىسى اعا بۋىنمەن پٸكٸرلەسٸپ, ۇسىنىستارى مەن ويلارىن تىڭدادى.
وبلىستىق ارداگەرلەر كەڭەسٸنٸڭ تٶراعاسى جەڭٸسبەك مەۋلەنقۇلوۆ پەن «Amanat» پارتيياسىنىڭ تٷركٸستان وبلىستىق فيليالىنىڭ اتقارۋشى حاتشىسى بەيسەن تەجٸباەۆ تا ارداگەرلەردٸ قۇتتىقتادى.
وسى كٷنٸ تٷركٸستان قالاسىندا «بەلسەندٸ ۇزاق ٶمٸر سٷرۋ» ورتالىعى اشىلدى. عيماراتتىڭ جالپى الاڭى – 728 شارشى مەتر. 2022 جىلعا تٷركٸستان قالاسىنىڭ بيۋدجەتٸنەن ورتالىقتى ۇستاۋ جەنە قىزمەتتەردٸ كٶرسەتۋگە تيٸستٸ قارجى بٶلٸنٸپ, 19 شتاتتىق بٸرلٸك قۇرىلدى. ورتالىقتا كٷندەلٸكتٸ 70 زەينەتكەرگە تيٸستٸ قىزمەت كٶرسەتٸلەدٸ. بٸر جىلدا 2500 ارداگەر تىنىعادى. جالپى وبلىستا «بەلسەندٸ ۇزاق ٶمٸر سٷرۋ» ورتالىقتارىنىڭ سانى 10-عا جەتٸپ وتىر.
تٷركٸستان وبلىسىندا 2022 جىلعى 1 قازانداعى جاعدايمەن 179 633 مىڭ زەينەت جاسىنداعى قارتتار مەن ارداگەرلەر تۇرادى. ونىڭ 20-ى ۇلى وتان سوعىسىنىڭ ارداگەرلەرٸ بولسا, 4,8 مىڭنان استامى – تىل ەڭبەككەرلەرٸ. بٷگٸنگٸ تاڭدا مەملەكەتپەن كەپٸلدەندٸرٸلگەن تٶلەمدەر كٶلەمٸ جىل سايىن كٶتەرٸلۋدە, وبلىستىق جەنە جەرگٸلٸكتٸ بيۋدجەتتەر قارجىسى ەسەبٸنەن دە تٷرلٸ ەلەۋمەتتٸك قولداۋلار ۇيىمداستىرىلىپ كەلەدٸ. جالپى ٶڭٸر ارداگەرلەرٸنە اي سايىن 15,8 ملرد. تەڭگە كٶلەمٸندە زەينەتاقى تٶلەمٸ جٷرگٸزٸلەدٸ. ەگدە جاستاعىلاردى ساۋىقتىرۋ ماقساتىندا جىل سايىن وبلىستىق بيۋدجەت ەسەبٸنەن «ارداگەرلەر ٷيٸ» مەن «مەيٸر» ارداگەرلەر ٷيلەرٸندە جىل سايىن 8 مىڭعا جۋىق قارييا دەنساۋلىعىن تٷزەپ كەلەدٸ.
