فوتو: Gov.kz.
تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن اگروٶنەركەسٸپ كەشەنٸندە ينۆەستيتسييالىق جوبالاردى جٷزەگە اسىرۋ مەسەلەسٸ تالقىلانعان مەجٸلٸس ٶتتٸ, دەپ حابارلايدى «ۇلت اقپارات».
اۋىل شارۋاشىلىعى سالاسىندا جٷزەگە اسىپ جاتقان جەنە الدا قولعا الىناتىن جوبالار تۋرالى ماعلۇمات بەرٸلٸپ, جاۋاپتى باسشىلاردىڭ ەسەپتەرٸ تىڭدالدى. ٶڭٸر باسشىسى اۋدان, قالا ەكٸمدەرٸ مەن وبلىستىق اۋىل شارۋاشىلىعى باسقارماسىنىڭ باسشىسىنا, «تٷركٸستان» ەكك باسشىلىعىنا تيٸستٸ تاپسىرمالار بەردٸ.
– بٸزگە تىڭ يدەيالار مەن جاڭا جوبالار قاجەت. بارلىق اۋدان, قالا ەكٸمٸ اۋىل شارۋاشىلىعىنا ينۆەستيتسييا تارتىپ, ٶنٸمدٸ تەرەڭ ٶڭدەۋگە باسىمدىق بەرۋٸ تيٸس. سۋ ٷنەمدەۋ تەحنولوگيياسىن ەنگٸزۋ, جاڭا تەسٸلدەردٸ قولدانۋ, ەگٸستٸكتٸ ەرتاراپتاندىرۋ ماڭىزدى. ناقتى جوسپار, جٷيەلٸ جۇمىس قاجەت, – دەدٸ دارحان ساتىبالدى.
مەجٸلٸستە وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ پەن جاۋاپتى باسشىلاردىڭ باياندامالارى تىڭدالدى. اگروٶنەركەسٸپ كەشەنٸنٸڭ ەر سالاسى بويىنشا تارتىلاتىن ينۆەستيتسييا بويىنشا ماعلۇمات بەرٸلدٸ.
2024 جىلدىڭ 10 ايىندا اگروٶنەركەسٸپ كەشەنٸنٸڭ نەگٸزگٸ كاپيتالىنا 130 ملرد تەڭگە تارتىلىپ, ٶتكەن جىلدىڭ وسى كەزەڭٸمەن سالىستىرعاندا 1,5 ەسە ارتتى. 2024-2030 جىلدارى ارالىعىنداعى ٶڭٸردە اۋىل شارۋاشىلىعىنا 556 ملرد تەڭگە ينۆەستيتسييا تارتىلىپ, 336 جوبا جٷزەگە اسادى دەپ جوسپارلانعان. وسى ارقىلى 12 مىڭنان اسا جۇمىس ورنىن اشۋ كٶزدەلگەن. ال بيىلعى 10 ايدا اٶك-تە 30 جوبا جٷزەگە اسىپ, 237 جۇمىس ورنى اشىلدى.
وبلىس ەكٸمٸ جوسپارلار قاعاز جٷزٸندە قالماي ناقتى ٸسكە اسۋى كەرەكتٸگٸن ايتتى. اۋدان, قالا ەكٸمدەرٸنە وسى باعىتتاعى جۇمىستى كٷشەيتۋ جٶنٸندە تاپسىرما بەردٸ. جوبالار ەلٸ دە جٷيەلەنٸپ, تيٸستٸ جۇمىستار اتقارىلادى.
