تٷركٸستان وبلىسىنداعى تٶلەبي, قازىعۇرت, بەيدٸبەك اۋداندارىندا جالپى سانى 522 ٷيدٸڭ اۋلاسىن سۋ شايىپ, 258 ادام ەۆاكۋاتسييالانعان. بۇل تۋرالى وبلىس ەكٸمٸنٸڭ ورىنباسارى سەكەن قالقامانوۆ ٶڭٸرلٸك كوممۋنيكاتسييا قىزمەتٸنٸڭ الاڭىندا مەلٸمدەدٸ, دەپ حابارلايدى "ۇلت اقپارات".
وبلىس ەكٸمٸ ورىنباسارىنىڭ ايتۋىنشا, اپات بولعان اۋداندا تاۋلى اۋدانداردا نٶسەر جاۋىننىڭ سالدارىنان سەل تاسقىنى ورىن العان. سالدارىنان 4 ٷيدٸ سۋ باسىپ, تۇرعىن ٷيلەردەن 1077 م3 سۋ شىعارىلعان.
«تٶلەبي اۋدانىنداعى قاسقاسۋ ٶزەنٸندە سۋ دەڭگەيٸنٸڭ كٶتەرٸلۋٸنەن 4 ٷي, 376 اۋلا اۋماعىن سۋ باستى. جەرگٸلٸكتٸ ماڭىزى بار تٶرت كٶپٸردٸ سۋ شايىپ كەتتٸ. 8 باس ٸرٸ قارا جەنە ۇساق مال شىعىنى بولدى. اۋدان ورتالىعى لەنگٸر قالاسىنداعى 20 اۋلا سۋ استىندا قالدى. №5 كەسٸبي تەحنيكالىق كوللەدج بازاسىندا زارداپ شەككەن سۇلتانرابات اۋىلىنىڭ 150 تۇرعىنىنا ەۆاكۋاتسييالىق پۋنكت ۇيىمداستىرىلدى. ول جەرگە 70 ادام جايعاستىرىلدى. ونىڭ 32-سٸ بالالار. تاعى 80 ادام جاقىن ماڭداعى تۋىستارىنىڭ ٷيٸنە ورنالاستى. قوسىمشا كٶكسەيەك ەلدٸ مەكەنٸندە ورنالاسقان №9 كٶپسالالى كوللەدجٸندە 150 ادامعا ارنالعان ەۆاكۋاتسييالىق پۋنكت دايىندالدى», - دەدٸ سەكەن قالقامانوۆ.
وبلىستىق تجد مەلٸمەتٸنشە, قازىعۇرت اۋدانىندا 6 ٷيدٸڭ اۋلاسى مەن قارجان اۋىلىنداعى «سەمبي» ەمحاناسىنىڭ اۋماعىن سۋ باسقان. س. راحىموۆ اۋىلدىق وكرۋگٸنٸڭ تۇرىندارىن ەۆاكۋاتسييالاۋعا تٶتەنشە جاعداي قىزمەتكەرلەرٸ جۇمىلدىرىلىپ, كٶكٸبەل اۋىلىنان 133 ادام ەۆاكۋاتسييالانعان. اۋىل تۇرعىندارى تۋىستارىنىڭ ٷيلەرٸنە جايعاستىرىلعان. قازٸرگٸ تاڭدا سۋ باسقان ايماقتارداعى ارىقتاردى تازالاۋ جۇمىستاردى جٷرگٸزٸلۋدە.
«بەيدٸبەك اۋدانىنداعى اقباستاۋ اۋىلدىق وكرۋگٸنە قاراستى تۇراقتى كانالىنان تاسىعان سۋ 3 ەلدٸ مەكەندەگٸ 13 ٷيدٸڭ اۋلاسىن باسىپ قالدى. سۋ دەڭگەيٸ 20 سم-گە دەيٸن كٶتەرٸلگەن. تٶتەنشە جاداي قىزمەتكەرلەرٸنٸڭ كٶمەگٸمەن تۇراقتى اۋىلىنان 55 ادام اقباستاۋ اۋىلىنداعى ش.ۋەليحانوۆ ورتا مەكتەبٸندەگٸ ەۆاكۋاتسييالىق پۋنكتكە ورنالاستىرىلدى. ونىڭ ٸشٸندە 18-ٸ جاس بالالار. وبلىستىق تجد جانىنان جەرگٸلٸكتٸ اتقارۋشى ورگاندار مەن پوليتسييا قىزمەتكەرلەرٸنەن قۇرالعان جەدەل شتاب قۇرىلدى. سۋ تاسقىنى زاردابىن جويۋعا 612 مامان مەن 84 تەحنيكا 47 موتوپومپا تارتىلدى», - دەدٸ سەكەن قالقامانوۆ.
