فوتو: Polisia.kz Telegram-ارناسى
تٷركٸستان وبلىسىنىڭ پوليتسەيلەرٸ اڭ اۋلاۋعا شىعىپ, جوعالىپ كەتكەن ەر ادامنىڭ دەنەسٸن تاپتى, دەپ حابارلايدى "ۇلت اقپارات" ٸٸم Telegram-ارناسىنا سٸلتەمە جاساپ.
"ارىز بەيدٸبەك اۋدانىنىڭ پب-نە 24 اقپاندا تٷسكەن.
جالپى ٸزدەۋ جۇمىستارىنا 100-گە جۋىق ادام, سونىڭ ٸشٸندە پوليتسييا قىزمەتكەرلەرٸ, سٷڭگۋٸرلەر, تجم قىزمەتكەرلەرٸ, ەرٸكتٸلەر, اۋىل تۇرعىندارى مەن جوعالعان ادامنىڭ تۋىستارى جۇمىلدىرىلدى. تۇرعىندى ەرتەرەك تابۋ ماقساتىندا تٸپتٸ درون پايدالانىلدى. جوعالعان ادامنىڭ دەنەسٸ 10 كٷننەن سوڭ سۋ بەتٸنەن تابىلىپ, جاعاعا شىعارىلدى.
اتالعان جايت بەيدٸبەك اۋداندىق پوليتسييا بٶلٸمٸنە قر قك-نٸڭ 001-بابى "ادامنىڭ قايتىس بولۋى" بويىنشا تٸركەلدٸ. تيٸستٸ ساراپتامالار تاعايىندالدى" - دەلٸنگەن حابارلامادا.
ەسكە سالايىق, 24 اقپاندا بەيدٸبەك اۋدانىنىڭ جٷزٸمدٸك اۋىلىنان 25 شاقىرىم جەردە ورنالاسقان ارىس ٶزەنٸندە جەرگٸلٸكتٸ تۇرعىن جوعالىپ كەتكەن ەدٸ.
