تٷركٸستان وبلىسىندا «سامۇرىق-قازىنا» اق-نىڭ قارجىلىق قولداۋىمەن مۇقتاج جەنە كٶپبالالى وتباسىلارعا كەسٸپ اشۋعا مٷمكٸندٸك بەرەتٸن «تابىستى وتباسى» جوباسى باستالدى. بۇل تۋرالى بٷگٸن ٶڭٸرلٸك كوممۋنيكاتسيالار قىزمەتٸنە ٶتكەن بريفينگتە تٷركٸستان وبلىسى ەكٸمنٸڭ ورىنباسارى بەيسەنباي تەجٸباەۆ مەلٸم ەتتٸ.
باسپاسٶز مەسليحاتىندا «تابىستى وتباسى» جوباسىنىڭ برەند-امباسسودورى ايجاني نۇرلانوۆا جوبانىڭ ماقساتى مەن شارتتارى تۋرالى باياندادى. ونىڭ ايتۋىنشا, بۇل جوبا نەگٸزٸنەن مەملەكەتتٸڭ ەلەۋمەتتٸك كٶمەگٸنە ٸلٸنە الماعان وتباسىلارعا ارنالادى. ونداعى ماقسات - وسىنداي وتباسىلاردىڭ ٸرٸ كەسٸپ اشىپ كەتپەسە دە, ەر وتباسى ٷي جاعدايىندا ٸسٸن دٶڭگەلەتٸپ, كٷندەلٸكتٸ وتباسىنا تابىس ەكەلەتٸن مٷمكٸندٸك جاساۋ.
بيىلعى 1 جەلتوقساننان باستاۋ العان جوبا ەلٸمٸزدٸڭ 5 ٶڭٸرٸندە, ياعني تٷركٸستان, ۇلىتاۋ, اباي, جەتٸسۋ جەنە اقتٶبە وبلىستارىندا پيلوتتىق نەگٸزدە جٷزەگە اسىپ جاتىر. تاڭدالعان بەس ٶڭٸرگە بارلىعى 300 گرانت قاراستىرىلعان.
تٷركٸستان وبلىسىنان ەزٸرگە 70 ادام ٸرٸكتەلەدٸ, بۇل رەتتە وقىتۋ نىسانى رەتٸندە ٶڭٸردەگٸ ٸرٸ اۋدانداردىڭ بٸرٸ سارىاعاش اۋدانى تاڭدالعان. قاتىسۋشىلارعا قور تاراپىنان قۇرال-جابدىق نەگٸزٸندە گرانت بەرٸلەدٸ, ياعني گرانت اقشالاي بەرٸلمەيدٸ. گرانتتار نەگٸزٸنەن ەلەۋمەتتٸك جاعدايى تٶمەن وتباسىلارعا بەرٸلەدٸ.
«جوبانىڭ باستى ەرەكشەلٸگٸ – بەس باعىتتا شەبەرلٸك-سىنىپتارى ٶتكٸزٸلەدٸ. اتاپ ايتقاندا سۇلۋلىق سالاسى, ەلەۋمەتتٸك جەلٸلەردٸ سٷيەمەلدەۋ, تٸگٸنشٸ, اۆتودەنەكەرلەۋشٸ جەنە كونديتەر. قاتىسۋشىلاردىڭ قالاۋى بويىنشا باعىت تاڭدالادى. ولار ەكٸ اپتا بويى ٶزدەرٸ قالاعان كەسٸپتٸڭ تٷرٸ ٷيرەنٸپ الۋىنا مٷمكٸندٸك بولادى, جاڭا داعدىلارعا ٷيرەنٸپ, تەجٸريبەلٸك ترەنينگتەردەن ٶتەدٸ. «تابىستى وتباسى» جوباسىنا كٶپبالالى جەنە از قامتىلعان, تولىق ەمەس وتباسىلاردىڭ مٷشەلەرٸ, سونداي-اق, ەرەكشە قاجەتتٸلٸكتەرٸ بار بالالاردى تەربيەلەپ وتىرعان جەنە تابىسى تٶمەن وتباسىلاردان شىققان جاستار قاتىسادى. تٷركٸستان وبلىسى – قارقىندى دامىپ كەلە جاتقان ٶڭٸرلەردٸڭ بٸرٸ. بٸز ٶڭٸردٸڭ مۇقتاج وتباسىلارىن «تابىستى وتباسى» جوباسىنا قاتىسۋعا شاقىرامىز», – دەدٸ ايجاني ادايقىزى.
بريفينگتە سٶز العان تٷركٸستان وبلىسى ەكٸمنٸڭ ورىنباسارى بەيسەنباي تەجٸباەۆ بۇل جوبا تۇرعىنداردىڭ ٶز ٸسٸن اشىپ, قارجىلىق جاعدايىن نىعايتۋعا جەنە جالپى ٶڭٸرٸمٸزدٸڭ ەكونوميكاسىنا وڭ ىقپال ەتەتٸنٸن اتاپ ٶتتٸ.
«تٷركٸستان ٶڭٸرٸنٸڭ ٶنەركەسٸپتٸك ەلەۋەتٸ جوعارى. سونىمەن بٸرگە تۋريستٸك ينفراقۇرىلىم, تاريحي-مەدەني مۇرا تٷرٸندەگٸ ارتىقشىلىقتارى از ەمەس, ەڭ باستىسى, ايماقتىڭ ەڭبەكقور حالقى بار. ەلدەگٸ حالىق ەڭ تىعىز ورنالاسقان ٶڭٸردە ازاماتتاردىڭ بەسەكەگە قابٸلەتتٸلٸگٸن, ادامي كاپيتالدى, ياعني قۇزىرەتتٸلٸكتٸ دامىتۋ ماڭىزدى. بۇل باسىمدىقتار تۋرالى مەملەكەت باسشىسى قاسىم-جومارت توقاەۆ جيٸ ايتىپ كەلەدٸ. سوندىقتان حالىقتىڭ وسال توپتارىنان شىققان ازاماتتارعا ٶز ٸسٸن اشۋعا جەنە ەل-اۋقاتىن جاقسارتۋعا كٶمەكتەسەتٸن «تابىستى وتباسى» قايىرىمدىلىق جوباسىن قىزۋ قولدايمىز ەرٸ وسى ماڭىزدى باستامانى كەڭەيتۋ ٷشٸن قولداۋ كٶرسەتۋگە دايىنبىز», – دەدٸ بەيسەنباي دەۋلەتۇلى.
ايتا كەتسەك, «تابىستى وتباسى» جوباسىن قولداۋعا «Samruk-kazyna Trust» قورى 200 ملن تەڭگەگە جۋىق قارجى بٶلگەن. اتالعان قايىرىمدىلىق جوباسىن ٸسكە اسىرۋ كەزەڭدەرٸ تۋرالى تولىق اقپاراتتى @tabysty.otbasy جوباسىنىڭ ينستاگرام-پاراقشاسىنان الۋعا بولادى.بايلانىس تەل: +7 701 558 0856.
