«ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسقارما تٶراعاسى ەسەمگٷل بالتاشەۆانىڭ تاپسىرماسىمەن ماقتاارال اۋدانىنداعى تاسقىن سۋدىڭ زاردابىنان ەۆاكۋتسييالانعان تۇرعىندارعا قۇجاتتارىن قالپىنا كەلتٸرٸپ, كٶمەك كٶرسەتۋ ٷشٸن جاساقتالعان 5 موبيلدٸ توپ اپات ايماعىنا جٸبەرٸلدٸ.
بۇل تۋرالى تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنەن حابارلاندى.
مەملەكەتتٸك كورپوراتسييانىڭ بارلىق قاجەتتٸ قۇرالدارمەن جابدىقتالعان موبيلدٸ حالىققا قىزمەت كٶرسەتۋ ورتالىقتارى (حقو) اۋدان بويىنشا ورنالاسقان 19 ەۆاكۋاتسييالاۋ پۋنكتەرٸن كەزەكپەن ارالايدى. ماماندار زارداپ شەككەن جەرگٸلٸكتٸ تۇرعىندارعا مەملەكەتتٸك قىزمەتتەر بويىنشا قۇقىقتىق كەڭەس بەرٸپ, قۇجاتتارىن قالپىنا كەلتٸرۋ ٷشٸن ٶتٸنٸش قابىلدايدى.
بۇل رەتتە تۇرعىنداردى قۇجاتتاندىرۋ بويىنشا ميگراتسييالىق قىزمەت باسقارماسىمەن جەنە باسقا دا اتقارۋشى ورگاندارمەن جەدەل تٷردە ىقپالداسۋ ۇيىمداستىرىلعان. موبيلدٸ توپ بٸرٸنشٸ جۇمىس كٷنٸ 150-دەن اسا ادامعا مەملەكەتتٸك قىزمەتتەر بويىنشا كەڭەس بەردٸ. ەۆاكۋاتسييالاۋ پۋنكتەرٸندە ماماندار ماقتاارالدىقتاردىڭ جوعالعان قۇجاتتارىن قايتا رەسٸمدەۋگە ٶتٸنٸشتەر قابىلداپ جاتىر.
ەستەرٸڭٸزگە سالا كەتەيٸك, وسىدان بٸر جىل بۇرىن ارىس قالاسىنداعى ەسكەري قويمادا بولعان جارىلىسقا بايلانىستى تٶتەنشە جاعداي كەزٸندە دە مەملەكەتتٸك كورپوراتسييا قىزمەتكەرلەرٸ جۇمىسىن توقتاتپاي, جەرگٸلٸكتٸ ەكٸمدٸكپەن بٸرلەسە شتابتاردا, دالالىق جاعدايدا اپاتتان زارداپ شەككەن ازاماتتاردىڭ قۇجاتتارىن رەتكە كەلتٸرۋ ٷشٸن ٷزدٸكسٸز قىزمەت ەتتٸ. تٶتەنشە جاعداي كەزٸندە ارىستىقتارعا حقو ماماندارى 17 مىڭ قىزمەت كٶرسەتتٸ.
