تٷركٸستان وبلىسىندا ديقاندار اعىن سۋدىڭ تاپشىلىعىنان كٶكتەمگٸ دالا جۇمىستارىن باستاي الماي وتىر.
شاردارا اۋدانىنىڭ شارۋالارى جەرگٸلٸكتٸ كانالداردى جٶندەۋ جۇمىستارى بٸرنەشە ايعا سوزىلعاندىقتان, ەگٸستٸككە سۋ كەلمەي قالعانىن ايتادى, دەپ حابارلايدى "ۇلت اقپارات".
ديقانداردىڭ سٶزٸنشە, سۋ تاپشىلىعى مەسەلەسٸ بيىل دا قايتالانىپ وتىر. كانالداردى جٶندەۋ جۇمىستارىنىڭ كەشەۋٸلدەۋٸنەن ەگٸستٸككە سۋ بارماي, شارۋالار ەگٸن ەگە الماي قالعان.
«كانالداردى جٶندەپ جاتقان مەردٸگەر مەكەمەلەردٸڭ تەحنيكالارى ۋاقىتىلى كەلمەي قالادى نە بولماسا بەتونى بولماي قالادى. سٶيتٸپ سۋ بەرٸلمەيدٸ. بيىل ماقتانى ەگۋگە كەشٸگٸپ جاتىرمىز. وسىلاي جالعاسا بەرەتٸن بولسا, مەرزٸمٸندە ەگە الماي قالۋىمىز دا مٷمكٸن»,- دەيدٸ الاتاۋ اۋىلىنىڭ تۇرعىنى سەيسەن قۋان.
مەسەلەن. اتالعان اۋدانداعى قىزىلقۇم مەن قازاقستان اۋىلدارىنىڭ ديقاندارى «قىزىلقۇم» كانالىن جٶندەپ جاتقاندارعا ٶكپەسٸ قارا قازانداي. ولاردىڭ جۇمىستى سوزبالاڭعا سالۋىنان اعىن سۋ كەلمەي, قينالىپ قالعان.
«بٸز وسى ۋاقىتتا ماقتا ەگۋٸمٸز كەرەك ەدٸ. مەن ٶزٸم 46 ملن تەڭگە نەسيە الدىم. سيليترا, امافوس دايىن بٸزدە. بٸراق بۇلار سۋدى ناۋرىزدىڭ ونى كٷندەرٸ بەرۋٸ كەرەك ەدٸ, بەرمەدٸ. ماقتا ەگۋدٸ مەرزٸمٸنەن كەشٸكتٸرٸپ وتىرمىز ەندٸ, ەرتەڭ بانكروت بولۋىمىز مٷمكٸن. جۇمىس مٷلدە جٷرٸپ جاتقان جوق. قاتتى قينالىپ جاتىرمىز. ونىڭ ٷستٸنە وسى «كٶكساراي» سۋ رەتتەگٸشٸن سالعان بەس جىلدان بەرٸ جەرلەر سورلانىپ, پايداعا جاراماي جاتىر», - دەيدٸ «قازاقستان» شارۋا قوجالىعىنىڭ تٶراعاسى دميتريي انافيدين.
مۇنداي قيىندىقتار ماقتاارال اۋدانىندا دا كەزدەسەدٸ. مىرزاشٶلدٸڭ ديقاندارى كەي جەرلەردە كانالداردى بەتونداۋ جۇمىستارىنىڭ سالدارىنان ارىقتارعا توپىراق تولىپ, سۋ بارماي قالعان. كەي جەرلەردە سۋ سورعىش قوندىرعىلار تاپشىلىعىنان ديقاندار سۋدان تارىعىپ, كٷنكٶرٸستەن قاعىلدىق دەيدٸ.
«وسى جەردە 150-دەن اسا شارۋا قوجالىعى بار, بەرٸنە سۋ جەتپەيدٸ. قىستا دا, جازدا دا جەتپەيدٸ بٸزگە»,- دەيدٸ جەرگٸلٸكتٸ شارۋالار.
بۇل مەسەلەگە وراي ەلٸمٸزدٸڭ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ اعىن سۋ ەگٸستٸككە جەتكەنشە 40 پايىزىن جوعالتاتىنىن ايتادى. سوندىقتان جاپپاي كانالداردى بەتونداۋ جۇمىستارى جٷرگٸزٸلۋدە.
«جۇمىستاردى اتقارۋ بارىسىندا كەستەدەن كەشٸگۋ بار. سوندىقتان 15-شٸ سەۋٸرگە دەيٸن بارلىق جوسپارلانعان جۇمىستاردى اتقاراتىن بولامىز»,- دەدٸ شارۋالارمەن كەزدەسكەن مينيستر.
ۆەدومستۆو باسشىسى سونداي-اق, بيىلعى جىلى ەلدە اعىن سۋ تاپشىلىعى بولاتىنىن جەتكٸزدٸ. سەبەبٸ, كٶرشٸ مەملەكەتتەردە دە وسىنداي بولجام جاسالعان. قازاقستان بويىنشا 30-عا تارتا سۋ قويمالارى جٶندەۋدٸ قاجەت ەتەتٸنٸن ايتادى.
