تٷركٸستان وبلىستىق №1 پەرزەنتحانانىڭ باس دەرٸگەرٸ مەن ەسەپشٸسٸ پارا الۋ جەنە مەملەكەت مٷلكٸن جىمقىرۋ بابى بويىنشا سوتتالدى, دەپ حابارلايدى "ۇلت اقپارات" Stan.kz اقپاراتتىق اگەنتتٸگٸنە سٸلتەمە جاساپ.
سوت الدىنا باس دەرٸگەر مەن ەسەپشٸدەن بٶلەك, پارا بەرۋ جەنە بٶتەننٸڭ مٷلكٸن جىمقىردى دەپ ايىپتالعان ەكٸ كەسٸپكەر دە جاۋاپ بەردٸ.
"قۇنى شامامەن 13 ميلليون تەڭگە تۇراتىن جىلۋ قازاندىعى مەملەكەتتٸك ساتىپ الۋ تۋرالى شارتتا 15 ميلليونعا باعالانعان. ٸس بويىنشا دەلدال جشس باسشىسى بولىپ شىقتى. مەملەكەت قارجىسىنىڭ اۋدارىلۋى بويىنشا تەرگەۋ باستالىپ, قىلمىستىق ٸس قارالدى", – دەدٸ شىمكەنت قالالىق قىلمىستىق ٸستەر جٶنٸندەگٸ اۋدانارالىق سوتىنىڭ تٶراعاسى اينەل وراقباەۆا.
سوتتالۋشىلاردىڭ كٸنەسٸ تولىق دەلەلدەندٸ. ٸس بويىنشا تٶرت ايىپتالۋشىعا دا ايىپپۇل سالىندى. سوتتالۋشى بۇرىنعى باس دەرٸگەر مەن ەسەپشٸ مەملەكەتكە ەرقايسىسى 27 ميلليون تەڭگەدەن, ال كەسٸپكەرلەر 15 جەنە 20 ميلليون تەڭگەدەن تٶلەۋگە تيٸس.
"بارلىعى ٶز كٸنەسٸن تولىق مويىنداپ, ٸس بويىنشا دەلەلدەمەلەردٸ داۋلامادى جەنە جەدەلدەتٸلگەن تەرگەۋ تٷرٸندەگٸ ارىز بەردٸ. سوتتا ولار جاساعان ەرەكەتٸنە ٶكٸنەتٸنٸن بٸلدٸردٸ. سوندىقتان سوت تٶرتەۋٸنە دە ايىپپۇل سالدى", – دەلٸنگەن سوت حابارلاماسىندا.
ەسكە سالساق, بۇعان دەيٸن تٷركٸستان وبلىسىندا جۇمىسپەن قامتۋ ورتالىعىنىڭ قىزمەتكەرلەرٸ 24 ميلليون تەڭگەدەن استام اقشانى جىمقىرعانى تۋرالى جازعان ەدٸك.
