تٷركٸستان وبلىسىندا ناۋرىز مەرەكەسٸن تويلاۋعا بٸرقاتار شەكتەۋلەر قويىلدى. بۇل تۋرالى جۋرناليستەرگە ارنالعان باسپاسٶز مەسليحاتىندا وبلىس ەكٸمٸنٸڭ ورىنباسارى سەكەن قالقامانوۆ مەلٸمدەدٸ, دەپ حابارلايدى "ۇلت اقپارات".
وبلىس ەكٸمٸنٸڭ ورىنباسارى ٶڭٸردە سوڭعى تەۋلٸكتەردەگٸ ەپيدەميولوگييالىق احۋالدىڭ ٶزگەرۋٸنە بايلانىستى وسىنداي شارالار قابىلدانىپ جاتقانىن اتاپ ٶتتٸ.
ونىڭ ايتۋىنشا, سوڭعى تەۋلٸكتە وبلىستا كوروناۆيرۋس ينفەكتسيياسىن جۇقتىرعان 12 جاعداي تٸركەلگەن. ال, ۆيرۋستىق پنەۆمونييامەن تاعى 5 ادام اۋرۋحاناعا تٷسكەن. سونىمەن قاتار ناۋرىز مەرەكەسٸنە وراي, تٷركٸستانعا ٶزگە ٶڭٸرلەردەن تەك پويىز, ۇشاق جەنە اۆتوبۋسپەن 11 مىڭنان استام ادام كەلەدٸ دەپ بولجانىپ وتىر.
«31-شٸ ناۋرىزدا تٷركٸستاندا تٷركٸتٸلدەس مەملەكەتتەردٸڭ ىنتىماقتاستىق كەڭەسٸنٸڭ بەيرەسمي سامميتٸ ٶتەدٸ. سامميتكە تٷركٸ تٸلدەس مەملەكەتتەردٸڭ بارلىق باسشىلارى جەنە وسى ۇيىمنىڭ باقىلاۋشىسى بولىپ تابىلاتىن ۆەنگرييانىڭ پرەمەر-مينيسترٸ قاتىسادى. وسىعان وراي, سامميتتٸڭ ويداعىداي ٶتۋٸ ٷشٸن كوروناۆيرۋس ٸندەتٸنٸڭ كەڭ تاراۋىنىڭ الدىن الۋ ماقساتىندا 19-23 ناۋرىز ارالىعىندا تٷركٸستان قالاسىندا ناۋرىز مەرەكەسٸنە ارنالعان شارالار ٶتكٸزٸلمەيدٸ»,- دەدٸ سەكەن قالقامانوۆ.
ايتا كەتەيٸك, بۇعان دەيٸن وبلىس ورتالىعىندا بٸرنەشە مەدەني ٸس-شارالار ٶتكٸزٸلەدٸ دەپ جوسپارلاعان بولاتىن. وبلىستىڭ باس سانيتار دەرٸگەرٸنٸڭ جاڭا قاۋلىسىنا سەيكەس, 19 مەن 23-شٸ ناۋرىز ارالىعىندا ٶڭٸرلەردەگٸ اۋدان-قالالاردا كارانتين تالاپتارىن ساقتاي وتىرىپ, جيىنى 50 ادامنان اسپايتىن شاعىن شارالار عانا ٶتەدٸ. سالتاناتتى شارالاردا ەكٸمدٸك قىزمەتكەرلەرٸ مەن ەرٸكتٸلەر جەنە قۇقىق قورعاۋ ورگاندارىنان قۇرالعان موبيلدٸ توپتار باقىلاۋعا الادى.
