فوتو: facebook.com
تٷركٸستان وبلىسىنداعى مەكتەپتەردٸڭ بٸرٸندە مۇعالٸم باسشىلىق تاراپىنان قىسىمعا ۇشىراپ, ٶز-ٶزٸنە قول سالعان. ٶز تاراپىنا ايتىلعان انايى سٶزدٸ كٶتەرە الماعان جاس مامان اشۋ ٷستٸندە سٸركە سۋىن ٸشٸپ قويعان, دەپ حابارلايدى Otyrar.kz.
سارىاعاش اۋدانىنا قاراستى مەكتەپتەردٸڭ بٸرٸندە مۇعالٸم ديرەكتور ورىنباسارىنىڭ سٶزٸنەن كەيٸن ٶز-ٶزٸنە قول جۇمساعان. بۇعان دەيٸن دە تٷرلٸ سەبەپپەن «تيٸسٸپ كەلگەن» ورىنباساردىڭ ٷستٸنەن بويجەتكەن ٶتكەن جىلدىڭ قىركٷيەك ايىندا قۇقىق قورعاۋ ورگاندارىنا ارىزدانعان ەكەن. سٶزٸنشە, لاۋازىمى جوعارى ەرٸپتەسٸنە شىندىقتى ايتقانى جاقپاي قالعان.
«مەن ارىزدانعاننان كەيٸن ۇجىم الدىندا جينالىس جاساپ, مەنٸ بالاعاتتاپ, ار-نامىسىما تيەتٸن سٶزدەر ايتتى. ول سٶزدەردٸ اشىق ايتاتىن بولسام, مەن ول سٶزدەردٸ ايتۋعا دا قينالامىن, بٸراق اشىق ايتار بولسام, مەنٸ سول جەردە «جەزٶكشە» دەپ ايتتى. ٶتە قاتتى تٶمەن سانادىم ٶزٸمدٸ. سونداي سٶزگە لايىقىتىمىن با دەپ, نەگە ٷنەمٸ ار-نامىسىما تيەدٸ دەدٸم. 6 جىلدان بەرٸ سول نەرسەنٸ كٶرٸپ كەلە جاتىرمىن. قاتتى ىزام كەلدٸ. ويىما سول كەزدە ۋكسۋستان باسقا ەشنەرسە كەلگەن جوق. سونى ٸشٸپ, بٸرنەرسەگە جەتەم دەپ ويلاعان جوقپىن, بٸراق قاتتى اشۋدا قاتتى ىزادا تۇردىم. سول سەبەپتٸ ٸشتٸم. ٶلگٸم كەلدٸ», – دەيدٸ جەبٸرلەنۋشٸ.
ال اۋداندىق اۋرۋحاناداعىلار جەبٸرلەنۋشٸنٸڭ قازٸرگٸ جاعدايى قاناعاتتانارلىق ەكەنٸن ايتادى.
«اۋىز قۋىسى حيمييالىق جەڭٸل كٷيٸگٸنەن كەيٸنگٸ جاعداي. قانازدىقتىڭ ورتاشا دەرەجەسٸ دياگنوزىمەن جاتقىزىلدى. ەم پروتوكول بويىنشا تاعايىندالدى. قازٸرگٸ جاعدايى قاناعاتتانارلىق», – دەيدٸ سارىاعاش اۋداندىق اۋرۋحاناسى تەراپييا بٶلٸمٸنٸڭ مەڭگەرۋشٸسٸ قۇرالاي ەبٸلماجەنوۆا.
سارىاعاش اۋدانىنداعى مەكتەپتەردٸڭ بٸرٸندە ورىن العان بۇل وقيعا قر قك-نٸڭ 105-بابى 1-بٶلٸگٸ, ياعني «ٶزٸن-ٶزٸ ٶلتٸرۋگە دەيٸن جەتكٸزۋ» بويىنشا تٸركەلگەن.
«20 قاڭتاردا سارىاعاش اپب-عا ورتالىق اۋرۋحانادان جەرگٸلٸكتٸ تۇرعىننىڭ سٸركە سۋىنا ۋلانىپ تٷسكەنٸ تۋرالى حابارلاما كەلدٸ. پوليتسييا قىزمەتكەرلەرٸ بٸردەن وقيعا ورنىنا شىقتى. انىقتالعانداي, جەبٸرلەنۋشٸ اۋدان مەكتەپتەرٸنٸڭ بٸرٸندە قىزمەت ٸستەيدٸ. اتالعان دەرەك قر قك-نٸڭ 105-بابى 1 بٶلٸگٸ «ٶزٸن-ٶزٸ ٶلتٸرۋگە دەيٸن جەتكٸزۋ» بويىنشا تٸركەلدٸ. قاجەتتٸ تەرگەۋ ەرەكەتتەرٸ جٷرگٸزٸلەدٸ جەنە بولعان وقيعانىڭ بارلىق مەن-جايى انىقتالادى» - دەدٸ تٷركٸستان وبلىسى پولتسييا دەپارتامەنتٸنٸڭ باسپاسٶز قىزمەتٸ.
قازٸرگٸ تاڭدا جەبٸرلەنۋشٸگە قاتىستى سوت-مەديتسينالىق ساراپتاماسى تاعايىندالىپ, تەرگەپ-تەكسەرۋ جۇمىستارى جٷرگٸزٸلٸپ جاتىر.
