Foto: facebook.com
Túrkistan oblysyndaǵy mektepterdiń birinde muǵalim basshylyq tarapynan qysymǵa ushyrap, óz-ózine qol salǵan. Óz tarapyna aitylǵan anaiy sózdi kótere almaǵan jas maman ashý ústinde sirke sýyn iship qoiǵan, dep habarlaidy Otyrar.kz.
Saryaǵash aýdanyna qarasty mektepterdiń birinde muǵalim direktor orynbasarynyń sózinen keiin óz-ózine qol jumsaǵan. Buǵan deiin de túrli sebeppen «tiisip kelgen» orynbasardyń ústinen boijetken ótken jyldyń qyrkúiek aiynda quqyq qorǵaý organdaryna aryzdanǵan eken. Sózinshe, laýazymy joǵary áriptesine shyndyqty aitqany jaqpai qalǵan.
«Men aryzdanǵannan keiin ujym aldynda jinalys jasap, meni balaǵattap, ar-namysyma tietin sózder aitty. Ol sózderdi ashyq aitatyn bolsam, men ol sózderdi aitýǵa da qinalamyn, biraq ashyq aitar bolsam, meni sol jerde «jezókshe» dep aitty. Óte qatty tómen sanadym ózimdi. Sondai sózge laiyqytymyn ba dep, nege únemi ar-namysyma tiedi dedim. 6 jyldan beri sol nárseni kórip kele jatyrmyn. Qatty yzam keldi. Oiyma sol kezde ýksýstan basqa eshnárse kelgen joq. Sony iship, birnársege jetem dep oilaǵan joqpyn, biraq qatty ashýda qatty yzada turdym. Sol sebepti ishtim. Ólgim keldi», – deidi jábirlenýshi.
Al aýdandyq aýrýhanadaǵylar jábirlenýshiniń qazirgi jaǵdaiy qanaǵattanarlyq ekenin aitady.
«Aýyz qýysy himiialyq jeńil kúiiginen keiingi jaǵdai. Qanazdyqtyń ortasha dárejesi diagnozymen jatqyzyldy. Em protokol boiynsha taǵaiyndaldy. Qazirgi jaǵdaiy qanaǵattanarlyq», – deidi Saryaǵash aýdandyq aýrýhanasy terapiia bóliminiń meńgerýshisi Quralai Ábilmajenova.
Saryaǵash aýdanyndaǵy mektepterdiń birinde oryn alǵan bul oqiǵa QR QK-niń 105-baby 1-bóligi, iaǵni «Ózin-ózi óltirýge deiin jetkizý» boiynsha tirkelgen.
«20 qańtarda Saryaǵash APB-ǵa ortalyq aýrýhanadan jergilikti turǵynnyń sirke sýyna ýlanyp túskeni týraly habarlama keldi. Politsiia qyzmetkerleri birden oqiǵa ornyna shyqty. Anyqtalǵandai, jábirlenýshi aýdan mektepteriniń birinde qyzmet isteidi. Atalǵan derek QR QK-niń 105-baby 1 bóligi «Ózin-ózi óltirýge deiin jetkizý» boiynsha tirkeldi. Qajetti tergeý áreketteri júrgiziledi jáne bolǵan oqiǵanyń barlyq mán-jaiy anyqtalady» - dedi Túrkistan oblysy poltsiia departamentiniń baspasóz qyzmeti.
Qazirgi tańda jábirlenýshige qatysty sot-meditsinalyq saraptamasy taǵaiyndalyp, tergep-tekserý jumystary júrgizilip jatyr.
