تٷركٸستان وبلىسىنىڭ ماقتاارال, جەتٸساي اۋداندارىندا العاش بولىپ ماقتا تەرٸمٸ باستالدى. شيتتٸ ماقتانىڭ بٸر تونناسى 250 مىڭ تەڭگەدەن قابىلدانۋدا, دەپ حابارلايدى قازاقپارات.
سالا ماماندارى بۇل باعانىڭ ٶتكەن جىلمەن سالىستىرعاندا 100 مىڭ تەڭگەگە قىمبات ەكەنٸن ايتادى. بٷگٸندە ٶڭٸردە 18 ماقتا ٶڭدەۋ زاۋىتىنىڭ 206 ماقتا قابىلداۋ بەكەتٸ جۇمىس ٸستەيدٸ. بيىلعى جىلى 110 مىڭ گەكتار القاپقا ماقتا داقىلى ەگٸلگەن. جوسپار بويىنشا 250 مىڭ توننا شيتتٸ ماقتا جيناۋ جوسپارلانىپ وتىر. ماقتاارال, جەتٸساي اۋداندارىنا جاساعان جۇمىس ساپارىندا اۋىل شارۋاشىلىعى سالاسىنداعى اتقارىلىپ جاتقان جۇمىستارمەن تانىسقان تٷركٸستان وبلىسىنىڭ ەكٸمٸ ٶمٸرزاق شٶكەەۆ شارۋالارمەن كەزدەستٸ. جاڭارتىلعان تەحنيكامەن تانىسىپ, ديقانداردىڭ مەسەلەسٸن تىڭدادى.
«وسىنىڭ بارلىعى ەلباسىنىڭ قولداۋىمەن, مەملەكەت باسشىسىنىڭ تاپسىرماسىمەن جٷزەگە اسىرىلىپ جاتقانىن بٸلٸپ وتىرمىز. كٶرشٸ ٶزبەكستان ەلٸمەن كەلٸسٸمگە كەلٸپ, اعىن سۋدى ارتتىرعانىن كٶردٸك. سونىڭ ارقاسىندا اعىن سۋدان تارشىلىق كٶرمەدٸك. مەملەكەت قولداۋىمەن سەليترا مەن ديزەل دە جەتكٸلٸكتٸ بولدى. وسىنداي حالىققا قىزمەت ەتٸپ جاتقان ەل اعالارىنىڭ جۇمىستارى جٷرە بەرسٸن. ەلدٸڭ راحمەتٸن الىپ جاتىر, حالىق ريزامىز. ديقانداردىڭ بارلىعى قۋانىشتى, تابىستارى جاقسى, بۇدان جٸگٸرلەنٸپ, كەلەر جىلى جۇمىس ٸستەيمٸز دەپ ويلايمىز»,-دەدٸ شارۋا قوجالىعىنىڭ يەسٸ مۇرات قۇربانوۆ.
شارۋالار ەر گەكتاردان ورتا ەسەپپەن 30 تسەنتنەردەن ٶنٸپ الىپ, 500 مىڭ تەڭگەگە دەيٸن پايدا تاپپاق. ەگٸس القابىندا وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ ٶڭٸردٸڭ سالاداعى جەتٸستٸكتەرٸمەن بٶلٸستٸ.
«وسىنداي ٶنٸم الىپ, تاۋار ٶندٸرۋشٸلەردٸڭ ەلەۋمەتتٸك ەكونوميكالىق جاعدايىن ارتتىرۋعا بۇل مەملەكەت باسشىلارىنىڭ ەكٸجاقتى ىنتىماقتاستىق تۋرالى كەلٸسٸمٸنٸڭ ارقاسىندا. ٶيتكەنٸ, بۇل ەكٸ اۋدان دا ترانسشەكارالىق دوستىق كانالى ارقىلى سۋ ٸشەدٸ. بۇل ٶزبەكستان رەسپۋبليكاسى ارقىلى كەلەدٸ. جاقسى جۇمىستار نەتيجەسٸندە بيىلعى قۋانشىلىققا قاراماستان ماقتاارال مەن جەتٸساي اۋداندارى تيٸستٸ دەڭگەيدە اعىن سۋمەن قامتاماسىز ەتٸلٸپ وتىر»,- دەدٸ ول.
