فوتو: تٷركٸستان وبلىسى ەكٸمٸنٸڭ باسپاسٶز قىزمەتٸ
تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن ٶتكەن جيىندا ەلدٸ مەكەندەردٸ كٶگالداندىرۋ, «جاسىل بەلدەۋدٸ» دامىتۋ باعىتىنداعى جۇمىستار تالقىلاندى, دەپ حابارلايدى «ۇلت اقپارات».
ٶڭٸر باسشىسى اعاشتاردى وتىرعىزىپ, كٷتٸپ-باپتاۋ جەنە كٷزگٸ ماۋسىمدىق اعاش كٶشەتتەرٸن وتىرعىزۋعا دايىندىق جۇمىستارىن جانداندىرۋدى تاپسىردى.
– مەملەكەت باسشىسىنىڭ ەلدٸ مەكەندەردٸ اباتتاندىرۋ, ايماقتاردى كٶگالداندىرۋ جٶنٸندەگٸ تاپسىرماسى بار. وسى باعىتتا جۇمىستى جٷيەلەۋ كەرەك. اعاش وتىرعىزۋدا كەمشٸلٸكتەر كٶپ. ەگٸلگەن اعاشتاردىڭ ساپاسىن اۋدان, قالا ەكٸمدەرٸ قاداعالاپ, وسى ٸسپەن اينالىسۋى تيٸس. كٷزگٸ اعاش كٶشەتتەرٸن وتىرعىزۋعا قاجەتتٸ ورىنداردى دايىنداۋدى, ولاردىڭ سۋعارۋ جٷيەلەرٸن قوسۋدى جەنە تيٸستٸ اۋماقتاردى قورشاۋ جۇمىستارىن جٷرگٸزۋدٸ اعاش وتىرعىزۋ ناۋقانى باستالعانعا دەيٸن اياقتاۋى تيٸس. كٶشەتٸ ٶنبەگەن مەردٸگەرلەر ونى قايتادان ەگٸپ, جۇمىسىن ساپالى اياقتاسىن. زاماناۋي تۇقىماقتاردى كٶبەيتۋدٸ تاعى دا قايتالاپ ايتامىن. سونىمەن قاتار بٷگٸنگٸ كٷنگە دەيٸن قانشا اعاش ەگٸلدٸ, ونىڭ ٸشٸندە قانشاسى ٶنگەنٸ تۋرالى مەلٸمەت ەزٸرلەنٸپ, تالداۋ جٷرگٸزٸلسٸن, – دەدٸ وبلىس ەكٸمٸ دارحان ساتىبالدى.
مەجٸلٸستە تٷركٸستان وبلىستىق تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ باسشىسى قايرات ابدۋاليەۆ بايانداما جاسادى. بايانداما جاسادى. ونىڭ ايتۋىنشا, مەملەكەت باسشىسىنىڭ 15 ملن كٶشەت ەگۋ تاپسىرماسىنا سەيكەس, 2021-2025 جىلدارى تٷركٸستان وبلىسىندا 1,1 ملن كٶشەت وتىرعىزۋ جوسپارلانعان. وسىعان وراي, «تٷركٸستان وبلىسىنىڭ ەلدٸ مەكەندەرٸن كٶگالداندىرۋدىڭ 2023-2025 جىلدارعا ارنالعان ٸس-شارا جوسپارى» بەكٸتٸلٸپ, 2 ملن 891 مىڭ دانا كٶشەت وتىرعىزۋ كٶزدەلگەن. وبلىستىڭ ەلدٸ مەكەندەرٸن كٶگالداندىرۋ جوسپارىنا سەيكەس, 2022-2024 جىلدار ارالىعىندا 1 ملن 832 مىڭ دانا كٶشەت وتىرعىزىلدى. ونىڭ ٸشٸندە, تٷركٸستان قالاسىنا 512 مىڭ دانا كٶشەت بوساتىلعان. بيىل كٷزگٸ كٶشەت وتىرعىزۋ ناۋقانى اۋدان, قالالاردىڭ اۋا-رايىنا قاراي قاراشا ايىنان باستالادى جەنە ولاردىڭ سۇرانىستارىنا سەيكەس, 516 مىڭ دانا كٶشەت وتىرعىزۋ جوسپارلانىپ وتىر.
جالپى تٷركٸستان قالاسىنىڭ اينالىسىنان قازٸرگٸ تاڭعا «جاسىل بەلدەۋ» قۇرۋعا 30 000,0 گەكتار جەر الۋ مەجەلەنگەن. ونىڭ 28 335,0 گەكتار جەر تەلٸمٸنە مەملەكەتتٸك اكت الىنىپ, مەملەكەتتٸك ورمان قورى ساناتىنا اۋىستىرىلعان. تٷركٸستان قالاسى مەن ساۋران جەنە وتىرار اۋداندارىنىڭ جەر يەلەنۋشٸلەرٸنە تەڭ كٶلەمدە جەر بەرۋ ارقىلى «جاسىل ايماق» كمم-نٸڭ مەملەكەتتٸك ورمان قورىن ۇلعايتۋ جۇمىستارى قاجەتتٸلٸككە بايلانىستى جالعاسىن تابادى.
2024 جىلدىڭ كٷز جەنە 2025 جىلدىڭ كٶكتەم ايلارىندا «جاسىل بەلدەۋ» اۋماعىندا ورمان ەكپەلەرٸن وتىرعىزۋ جەنە تولىقتىرۋ جۇمىستارى اتقىرىلۋدا. نەگٸزگٸ باسىمدىق تٷركٸستان قالاسىن اينالا قورشاپ تۇرعان «جاسىل بەلدەۋدٸڭ» 8 185 گەكتار اۋماعىندا جٷرگٸزٸلەدٸ. وتىرعىزۋعا قاجەتتٸ كٶشەتتەر تٷركٸستان قالاسىنىڭ اۋماعىنا جەرسٸنگەن مەكەمەنٸڭ تۇقىمباعىنداعى كٶشەتتەر پايدالانىلادى.
