فوتو: تٷركٸستان وبلىسى ەكٸمدٸگٸ
تٷركٸستان ٶڭٸرٸندە سوڭعى بٸر ايدىڭ ٸشٸندە قازىعۇرت, ساۋران, سارىاعاش جەنە كەلەس اۋدانىندا 570 گەكتارعا قوسىمشا 4 يندۋستريالدى ايماق قۇرىلدى. بۇل تۋرالى بٷگٸن وبلىس ەكٸمٸ دارحان ساتىبالدىنىڭ تٶراعالىعىمەن ٶتكەن اپپارات مەجٸلٸسٸندە ايتىلدى.
مەجٸلٸس بارىسىندا يندۋستريالدى ايماقتاردى جوبالارمەن تولىقتىرۋ جايى تالقىلاندى. ٶڭٸر باسشىسى جاۋاپتىلارعا بۇل باعىتتاعى جۇمىستى كٷشەيتۋدٸ تاپسىردى.
«كەسٸپكەرلٸك جاعىنان جەنە سۋ مەسەلەسٸ بويىنشا اۋدا, قالا ەكٸمدەرٸ دە ەسەبٸن دايىنداسىن. ٶز اۋماقتارىڭىزداعى يندۋستريالدى ايماقتىڭ ينفراقۇرىلىم مەسەلەسٸن دە بٸرلەسە وتىرىپ, وڭتايلى شەشۋ قاجەت. جان-جاقتى ٸزدەنٸپ, ٶڭٸردٸڭ دامۋى ٷشٸن ەرەكشە جوبالاردى جٷيەلٸ تٷردە جٷزەگە اسىرىڭىزدار», – دەدٸ وبلىس ەكٸمٸ دارحان ساتىبالدى.
وبلىستىق كەسٸپكەرلٸك جەنە ٶنەركەسٸپ باسقارماسىنىڭ باسشىسى نۇرجٸگٸت مىرزاحمەتوۆ جيىن بارىسىندا بايانداما جاساپ, اتقارىلعان جۇمىستارعا توقتالدى. سونىمەن قاتار ينفراقۇرىلىمدىق الاڭداردى دامىتۋ بويىنشا بٸرقاتار ۇسىنىس جولدادى. جالپى يندۋستريالدى ايماقتاردىڭ ينفراقۇرىلىمىنا بيۋدجەتتەن جۇمسالعان قارجى 10 ەسە ينۆەستيتسييا تارتۋعا مٷمكٸندٸك بەرەدٸ دەيدٸ باسقارما باسشىسى. سونداي-اق اۋدان جەنە قالا ەكٸمدٸكتەرٸمەن بٸرگە يندۋستريالدى ايماقتاردا سەنبٸلٸك جۇمىستارى ۇيىمداستىرىلىپ تۇراتىنىن جەتكٸزدٸ.
جاڭا يندۋستريالدى ايماقتار ٶڭٸردٸڭ دامۋىنا وڭ سەرپٸن بەرەدٸ. سونىڭ بٸرٸ كەلەس اۋدانى, اقتٶبە اۋىلدىق وكرۋگٸنەن, جەتٸساي باعىتىنداعى جولدىڭ بويىنان 300 گەكتار جەرگە «كەلەس» يندۋستريالدى ايماعى قۇرىلدى. ينفراقۇرىلىم نٷكتەلەرٸن ەسەپكە الا وتىرىپ, اۋدان ەكٸمدٸگٸ جەر تەلەمٸن دە ۇسىنعان. ال تٷركٸستان يندۋستريالدى ايماعىنان سوعىلعان 2 براۋنفيلدتە بٷگٸنگٸ تاڭدا جيھاز ٶندٸرۋ تسەحى جەنە شۇلىق بۇيىمدارىن ٶندٸرۋ تسەى جۇمىس ٸستەپ وتىر. مۇندا جەرگٸلٸكتٸ تۇرعىندار جۇمىسپەن قامتىلعان.
ٶڭٸردە ٶندٸرٸستٸك پارك بويىنشا 39 ٶندٸرٸستٸك عيماراتتى قۇرۋ جوسپارلانعان. 1-كەزەڭ بويىنشا 10 عيمارات قۇرىلىسى اياقتالىپ, ينۆەستيتسييا سوماسىنا 10 جوبا ٸسكە اسىرىلىپ جاتىر. ال 2-كەزەڭ بويىنشا 12 ٶندٸرٸستٸك عيماراتتىڭ قۇرىلىس جۇمىستارى باستالدى. ٶندٸرٸس ورىندارىندا ورنالاساتىن ينۆەستيتسييالىق جوبالار پۋلى جاساقتالىپ, مەموراندۋمدارعا قول قويىلدى. 3-كەزەڭ بويىنشا 17 ٶندٸرٸستٸك عيماراتتىڭ قۇرىلىس جۇمىستارى دا باستالعان. كەيبٸرٸ كەسٸپكەرلەردٸڭ ەسەبٸنەن دە سوعىلىپ جاتىر. ساۋران اۋدانىندا قاراشىق, شورناق, ياسسى اۋىلدىق وكرۋگتەرٸندە جالپى كٶلەمٸ 70 مىڭ شارشى مەتر بولاتىن 49 ٶندٸرٸستٸك عيمارات سالۋ جۇمىستارى باستالدى. جوبالاردىڭ باسىم كٶپشٸلٸگٸ جيھاز ٶندٸرۋ سالاسىندا. مۇندا دا جاڭا جۇمىس ورىندارى اشىلىپ, جەرگٸلٸكتٸ تۇرعىندار تۇراقتى جۇمىسقا ورنالاساتىن بولادى.
يندۋستريالدى ايماقتارمەن قاتار, جوبالاردى «TURAN» ارنايى ەكونوميكالىق ايماعىنا تارتۋ جۇمىستارى جٷرگٸزٸلٸپ جاتىر. ولاردىڭ قاتارىندا, شەتەلدٸك كومپانييانىڭ تەكستيل كلاستەرٸ, پوليمەرلٸ قۇبىرلار, تاۋ-كەن مەتاللۋرگييا كەشەنٸنە ارنالعان قۇرىلعىلار زاۋىتتارى بار.
ايتا كەتەيٸك, بٷگٸندە وبلىس كٶلەمٸندە 594 گەكتاردان تۇراتىن 10 يندۋستريالدى ايماق بار. وندا قۇنى 125,6 ملرد تەڭگە بولاتىن 87 جوبا جٷزەگە اسىرىلىپ جاتىر. جوبالاردىڭ باسىم بٶلٸگٸ قۇرىلىس ماتەريالدارىن ٶندٸرۋ, جەڭٸل جەنە جيھاز ٶنەركەسٸبٸ سالاسىندا جۇمىلدىرىلعان. ال جاڭادان قۇرىلعان جۇمىس ورىندارىندا, سول ماڭداعى جەرگٸلٸكتٸ تۇرعىندار ەڭبەك ەتٸپ جاتىر.
