تٷركٸستان وبلىسىندا الداعى ەكٸ جىل كٶلەمٸندە 2,5 ترلن تەڭگە بولاتىن 115 جوبا جٷزەگە اسىرىلادى. بۇل - تۋريزم, قۇرىلىس, ٶڭدەۋشٸ ٶنەركەسٸپ, بالامالى ەنەرگييا جەنە جاسىل ەكونوميكا سالاسىنداعى جوبالار, دەپ حابارلايدى "ۇلت اقپارات".
ٶڭٸردە سونىمەن قاتار سوڭعى 2 جىلدا شاعىن جەنە ورتا كەسٸپكەرلٸكپەن اينالىساتىنداردىڭ سانى 15 مىڭعا ارتىپ, 141 مىڭعا جەتكەن.
2020 جىلى وبلىس كەسٸپكەرلەرٸ قۇنى 554 ملرد تەڭگەنٸڭ ٶنٸمٸن ٶندٸرگەن.
بيىل بۇل كٶرسەتكشٸتٸ 900 ملرد تەڭگەگە جەتكٸزەمٸز دەپ وتىر. مەسەلەن, وبلىس ورتالىعى بولعالى بەرٸ تٷركٸستان قالاسىندا قۇرىلىس قارقىنى بەسەڭدەگەن ەمەس.
كيەلٸ شاھاردا «مەدەني-رۋحاني» جەنە «ەكٸمشٸلٸك ٸسكەرلٸك ورالىعى» بولىپ, ەكٸ باعىتتا دامىپ كەلەدٸ.
كەزٸندە ەلباسى ٶزٸ قازىعىن قاعىپ, جوسپارىن سىزىپ بەرگەن وسى ەكٸ ورتالىقتاعى نىسانداردىڭ بارلىعى قازٸر اياقتالىپ, پايدالانۋعا بەرٸلدٸ.
ودان بٶلەك, مۇندا تۇرعىن ٷي قۇرىلىسى دا جاندانىپ كەلەدٸ.
2019 جىلى شاھاردا 150 مىڭ شارشى مەتر تۇرعىن ٷي تاپسىرىلسا, ال بيىل 390 مىڭ شارشى مەتر تۇرعىن ٷي ەل يگٸلٸگٸنە بەرٸلەدٸ دەپ جوسپارلانعان.
بۇدان بٶلەك, جاڭا جوبالار دا جٷزەگە اسىرىلىپ جاتىر.
«جاڭا جوبالار باستالىپ, 20 قاباتتى 2 تۇرعىن ٷيدٸڭ قۇرىلىسى جٷرگٸزٸلۋدە. ودان بٶلەك, 18 قاباتتى بيزنەس ورتالىعى جەنە كاسكاتتى 16 ٷيدٸڭ قۇرلىسى باستالدى. جەكە سالۋشىلار ەسەبٸنەن 5 قاباتتى ٷيلەر, سپك ارقىلى دا قۇرىلىس جٷرگٸزٸلٸپ جاتىر. بيىلعى جىلعا وبلىس كٶلەمٸندە 790 مىڭ شارشى مەتر تۇرعىن ٷي الاڭىنا تاپسرىۋىمىز كەرەك», - دەدٸ وبلىستىق قۇرىلىس باسقارماسىنىڭ باسشىسى توقتار ٷسٸپاليەۆ.
تٷركٸستان وبلىسى قۇرىلعان ەكٸ جارىم جىلدىڭ ٸشٸندە ٶڭٸرگە 3,5 ملرد تەڭگە ينۆەستيتسييا تارتىلعان. بۇل 2008 جىلمەن سالىستىرعاندا 27 ەسە كٶپ.
جەكە ينۆەستورلاردىڭ قارجىسى ەسەبٸنەن تٷركٸستان قالاسىندا بٸرنەشە جوبالار ٸسكە اسىرىلدى. جۋىردا عانا جاڭادان سالىنعان حالىقارالىق ەۋەجاي ٸسكە قوسىلدى.
Hazret Sultan Airport-ىنان نۇر-سۇلتان مەن الماتى قالالارىنا ەۋە رەيستەرٸ ۇشۋدا.
ەلٸمٸزدٸڭ ٶزگە قالالارىنا, شەت ەلدەرگە, سونىڭ ٸشٸندە تٷركييانىڭ ىستامبۇل قالاسىنا ەۋە رەيستەرٸ اشىلدى.
حالىقارالىق ەۋەجاي ساعاتىنا 450 جولاۋشىنى قابىلداپ, جىلىنا 3 ملن جولاۋشىعا قىزمەت كٶرسەتە الادى.
ەۋەجايدىڭ ۇشۋ-قونۋ جولاعىنىڭ پارامەترٸ بارلىق ەۋە كەمەلەرٸن قابىلداۋعا مٷمكٸندٸك بەرەدٸ.
ەلٸمٸز تەۋەلسٸزدٸك العالى بٸرٸنشٸ بوي كٶتەرگەن زاماناۋي ەۋەجايعا اۆياتسييا سالاسىنداعى حالىقارالىق ۇيىمداردىڭ, اتاپ ايتقاندا يكاو مەن ياتا-نىڭ كودتارى بەرٸلگەن.
جاڭا ەۋەجاي تٷركٸ ەلەمٸنٸڭ التىن بەسٸگٸ – تٷركٸستان قالاسىن ەلەمنٸڭ ٸرٸ قالالارىمەن جالعاستىراتىن بايلانىس جەلٸسٸنە اينالماق.
وبلىس ورتالىعىندا بٷگٸندە سونداي-اق, بەس جۇلدىزدى قوناق ٷيلەر دە بوي كٶتەرۋدە.
سونىڭ بٸرٸ رەتٸندە Hilton قوناقٷيٸنٸڭ العاشقى جەلٸسٸ Hampton by Hilton Turkistan قوناقٷيٸنٸڭ رەسمي اشىلۋىن ايتۋعا بولادى.
«بۇل ەڭ الدىمەن ستراتەگييالىق ماڭىزدى سالاعا ٷلكەن ٷلەس. تۋريزمدٸ دامىتا وتىرىپ, تٷركٸستانعا كەلگەن قوناقتار حالىقارالىق دەڭگەيدەگٸ قىزمەتتٸ قولجەتٸمدٸ باعامەن پايدالانا الادى. سونىمەن قاتار, قوناقٷي تٷركٸستاننىڭ مەدەني-رۋحاني ورتالىعىنا ٷيلەسٸمدٸ», - دەدٸ تٷركٸستان وبلىسى ەكٸمٸنٸڭ بٸرٸنشٸ ورىنباسارى ارمان جەتپٸسباي.
قوناقٷي تٷركٸستاننىڭ مەدەني-رۋحاني ورتالىعىندا ورنالاسقان. ياساۋي كەسەنەسٸ جاقىن, ۇلى دالا ورتالىعى مەن Visit Centre Turkistan ماڭايىندا ورنالاسقان.
سىرتقى بەتٸ كٶنە عاسىردىڭ عيماراتتارىن ەسكە تٷسٸرەتٸن ماروككو ستيلٸندەگٸ ەسكٸ قام كٸرپٸشتەن سوعىلعان. ورتا عاسىر مەن قازٸرگٸ دەستٷرلەردٸ سەتتٸ ٷيلەستٸرە وتىرىپ, قالانىڭ ستيلٸن تولىقتىرا تٷسكەن.
بٸر جىلدىڭ ٸشٸندە بوي كٶتەرگەن قوناقٷيدٸڭ جالپى الاڭى Top Tobe جەكە بانكەت كەشەنٸن قوسقاندا 9000 شارشى مەتردٸ قۇرايدى.
ستاندارتتى ساناتتاعى 120 نٶمٸر بار. مٷمكٸندٸگٸ شەكتەۋلٸ ادامدارعا ارنايى جاساقتالعان بٶلمەلەر قاراستىرىلعان.
ال, Hilton – قۇرامىنا ەرتٷرلٸ ساناتتاعى 17 قوناقٷي برەندٸ كٸرەتٸن دٷنيە جٷزٸنە ەيگٸلٸ قوناقٷيلەر جەلٸسٸ سانالادى.
ەندٸ بٸرەر كٷندە تٷركٸستاندا تاعى ورتا ازيياداعى تەڭدەسٸ جوق جوبا – كەرۋەن ساراي كەشەنٸ پايدالانۋعا بەرٸلەدٸ دەپ جوسپارلانىپ وتىر.
جالپى وبلىس قۇرىلعالى بەرٸ ٶڭٸردە 100-دەن اسا ينۆەست جوبا ٸسكە اسىرىلعان.
«ٶتكەن جىلى ەلباسىمىز ٷلكەن جوبانى اتاپ ٶتتٸ, ول تٷركٸستان-شىمكەنت- تاشكەنت باعىتىندا جٷردەك پويىزىنىڭ قۇرىلىسىن بيىل باستاعالى وتىرمىز. بۇل جوبا ەكونوميكالىق تۇرعىدان دا, تۋريستٸك باۋىرلاس ەكٸ ەلگە دە پايداسى كٶپ جوبا دەپ سانايمىز. سەبەبٸ 7 ملن تۋريست ٶزبەكستاننان كەلەدٸ. قازاقستانعا نەمەسە ٶزبەكستانعا كەلگەن قوناق ەكٸ ەلگە دە وڭاي جەتۋگە مٷمكٸندٸك بولادى. 1 ساعات 45 مينۋتتا تٷركٸستاننان تاشكەنتكە جەتۋگە مٷمكٸنشٸلٸك بولادى»,- دەدٸ وبلىس ەكٸمٸنٸڭ ورىنباسارى مەيٸرجان مىرزاليەۆ.
بۇدان بٶلەك, ايماقتا 10 جوبا ٸسكە قوسىلىپ, 6 جوبا جىل سوڭىنا دەيٸن اياقتالادى دەپ جوسپارلانۋدا.
سونىمەن قاتار, وبلىستا اۋىل شارۋاشىلىعى سالاسى قارقىندى دامىعان. ٶڭٸردە 1 مىڭ گەكتارعا جاڭبىرلاتىپ سۋعارۋ جٷيەسٸ ەنگٸزٸلدٸ.
مۇندا مال ازىق داقىلدارى ٶسٸرٸلەدٸ. ٶنٸم جوبا شەڭبەرٸندە اۆسترالييالىق تەحنولوگييامەن سالىنىپ جاتقان 10 مىڭ باسقا ارنالعان بورداقىلاۋ الاڭىنا جەتكٸزٸلەتٸن بولادى.
«اۆسترالييالىق تەحنولوگييانىڭ تيٸمدٸلٸگٸ – وسىندا بورداقىلانىپ وتىرعان مالدار تەۋلٸگٸنە كەمٸ 1-2 كگ سالماق قوسادى. ٶيتكەنٸ جەم مالعا پٸسٸرٸلٸپ بەرٸلەدٸ. 3-شٸ جوبامىز 50 گەكتارعا جىلىجاي كەشەنٸن سالۋ جوباسىن باستاپ كەتتٸك. قازٸر قارجىلاندىرۋعا قۇجاتتارىن دايىنداپ جاتىر»,- دەيدٸ وبلىستىق اۋىلشارۋاشىلىعى باسقارماسىنىڭ باسشىسى نۇربەك بادىراقوۆ.
ايتا كەتەيٸك, تٷركٸستان وبلىسىنىڭ شارۋالارى ٶتكەن جىلى 730 ملرد تەڭگە بولاتىن 2,5 ملن توننا ٶنٸم ٶندٸردٸ.
سٶيتٸپ رەسپۋبليكادا 2-ورىنعا شىقتى. جينالعان ٶنٸمنٸڭ 105 ملن اقش دوللارى بولاتىن, 1 ملن تونناسىن ەكسپورتقا جٶنەلتتٸ.
سونداي-اق رەسپۋبليكا بويىنشا ەت ەكسپورتىنىڭ 75 پايىزى دا وسى ٶڭٸرگە تيەسٸلٸ. ٶتكەن جىلى ٶڭٸر كەسٸپكەرلەرٸ 5 مىڭ توننا ەتتٸ شەتەلگە شىعاردى.
جالپى تٷركٸستان وبلىسىندا 143 مىڭ باسقا لايىقتالعان بورداقىلاۋ الاڭدارى جۇمىس ٸستەيدٸ.
